الموضوع: عايز اعرف ايه هية اخر موديلات التمبرا

شكرا جدا على الرد بس ازى اجيب رقم المتور والشاسية وانا لسه مشترتش العربية انا لسه هاروح اتفرج عليها بس عاوز المصداقية الاول فى موضوع 2002 وعلى فكرة هو بيقول ان عداداتها ديجيتال

المشاركة الأصلية كتبت بواسطة Tamerelbasry

شكرا جدا على الرد بس ازى اجيب رقم المتور والشاسية وانا لسه مشترتش العربية انا لسه هاروح اتفرج عليها بس عاوز المصداقية الاول فى موضوع 2002 وعلى فكرة هو بيقول ان عداداتها ديجيتال

باشا اغلب الظن ان العربية دى استيراد و كانت داخلة مصر عن طريق هيئة الاستثمار فى بورسعيد على اساس انها معاقين شفاهم اللة و عافاهم و دة ميزة مش عيب و رقم الشاسية حتلافية على الحديدة السوداء الى فى صدر العربية زى الصورة دى كدة

الاخ الفاضل تامر

كيف حالك , انا عندما كنت أبحث عن سيارتي التمبرا من سنة أتفرجت على واحدة فعلا موديل 2002 و كان صاحبها مدير سابق بشركة النصر للسيارات و كان ساكن في مساكن شركة النصر للسيارت بحلوان و من الرعيل الاول للشركة و أطلعت على رخصة العربية و بطاقته .

التمبرا آخرها سنة 2000 في شركة النصر لكن سنة 2002 تم عمل طلبية لبعض المديرين بشركة النصر للسيارات بطلبية مخصوص من ايطاليا و تم تجميع عدد 25 عربية فقط للمديرين تمبرا موديل 2002 و هذه المعلومة بحسب كلامه و رأيي أنه ثقة .

كل العربيات التمبرا من 1997 اللي جمعتها شركة النصر عدادات عادة مش ديجيتال و نفس الشئ لل 25 عربية موديل 2002

المهم كان طالب فيها 43 الف على اساس أنها عمولة و أول يد و لكن السعر لم يناسبني خاصة أنها كانت رشة برة و سقف كمان وعاملة 100 الف كيلو .

أنا في رأيي أن موديل 2002 و عدادات ديجيتال ده كلام اشتغالات و العربية دي ممكن تكون استيراد معاقين وورقها مضروب و الدليل على كلامي أن و أنا بأتفرج على عربيات تمبرا من سنة كان في أحد الاخوة المعاقين شفاهم الله كان عارض تمبرا
1400 سي سي فاضية بدون أي كماليات و زجاج أمامي عادي مش كهرباء و حتى مافيهاش سنتر لوك و عدادات ديجيتال و كانت رخصتها مكتوب فيها أنها موديل 1999 ايطالي !!!!!!!!!!!!!!!

لما راجعت الشركة لقيت أن موديلات التمبرا ال 1400 سي سي الفاضية كلها يا أما 1990 يا أما 1991 و الراجل ده بيقولي
أصل أنا لي قريب عضو في الاتحاد الاوروبي و العربية اتعملت لي عمولة مخصوص و أنها أول يد من الزيرو و طبعا مافيش حد معاق بيجيب زيرو لان 99% منهم بيجيب استعمال الخارج علشان يأخذ عربية رخيصة و استعمال خفيف .

حتى العداد بتاعها كان عامل 70 الف كيلو و طبعا لو كانت مو 1990 يبقى لا يمكن تكون عاملة أقل من 100 الف ده لو كان استعمالها خفيف بمعدل 5 آلاف كيلو سنويا و طبعا من ضمن الكلام أنها فابريكة برة و جوه رغم أن صاجها كان فيه تعريجة المعجون لما تبص عليها من الجنب .

أنا حسيت على الفور ان العربية دي ورقها و عدادها الاثنان مضروبين و كان صاحبها طالب فيها 40 الف جنيه .

صدقني اللعب في الورق بتاع السيرات الاستيراد سهل جدا و خلي بالك كويس

أهلا بالاخ الفاضل جاليليو

كيف حالك الحقيقة بحب اولا اشكرك على مجهودك في المنتدى انت و الاخ هشام و باقي الاخوة خاصة موضوع التصوير
لانه فعلا بيفيد جدا .

المشاركة الأصلية كتبت بواسطة galilio_mad

التمبرا وقفت فى ايطاليا و تركيا 95-96 , و فى البرازيل 98

تفتكر حضرتك الشركة حتيجى بعد 7-8 سنين و تجمع 25 عربية من اللى موقوف انتاجهم عشان خاطر شركة النصر للسيارات

كلام معقول و لكن عزيزي ال 128 انتاجها توقف في أوروبا من منتصف السبعينيات و تم تحديثها بريتمو و مع هذا ظلت شركة النصر تجمعها بالاتفاق مع فيات حتى سنة 2009 .
شركة النصر كانت على حسب معلوماتي بتجمع ال 128 في السبعينيات بعد كده جمعت ال 128 gls اليوغوسلافي بعد هذا كانت الشركة الوحيدة اللي بتجمع ال 128 و بتنزلها زيرو موديل 2009 .

النقطة الثانية ان آخر موديل تمبرا تم تجميعه في النصر للسيارت كان سنة 2000 و ممكن يكون ال 25 عربية بتوع المديرين
حسب كلام الاستاذ الموظف السابق بشركة النصر عبارة عن عربيات تم تجميعها في 2000 أو 2001 و لم يتم بيعهم و لهذا تم بيعهم للمديرين بتسهيلات في السداد في عام 2002

المشاركة الأصلية كتبت بواسطة galilio_mad

و بالنسبة للورق المضروب بتاع عربيات المعاقين , كان بيتضرب لتقليل سنة الموديل عشان يدفعوا جمرك اقل
و ما سمعتش قبل كده عن عربية رفعوا سنة الموديل بتاعها لانه بالتالى حيدفع جمرك اعلى بكتير

حسب معلوماتي أن سيارات المعاقين أصلا معفاة من الجمارك و لهذا لا يوجد من داعي لزيادة عمر العربية , و السبب في اللعب في ورق العربية لاظهارها أنها موديل حديث هو سهولة بيعها بعد هذا بسعر عالي على اساس انها عربية شبه جديدة .

أنت عارف الاخ المعاق اللي كان عايز يبيعها كان بيقولي كلام كله متضارب , يقول ان العربية مو 1999 ايطالي وآخرالايطالي 1996 !!!!!!!!!!!!!!!!!!

كان بيقول أنها مو 1999 و هي 1400 سي سي فاضية بدون أي كماليات !!!!!!!!!!!!!!!!!!!1

كان بيقول أنه هو اول يد و شاريها زيرو من الخارج رغم اني لما شفت الرخصة كانت مكتوب عليها ( حظر بيع ) و قال ان فك الحظر ينتهي في 2009 و مدة الحظر 5 سنوات يعني شاريها سنة 2004 , طب ازاي هو اول يد و شاريها زيرو من سنة 1999 و فك الحظر سنة 2009!!!!!!!!!!!!!!!!!!!!!!!

كان بيقول انها فابريكة برة و جوة و لما تبص بالجنب بتلاقي تعريجات المعجون ظاهرة و بعدين بعد كل هذا العداد عامل 70 الف كيلو فقط !!!!!!!!!!!!!!!!!1

اذا كان المتكلم مجنون فالمستمع عاقل , أذا كان كل كلام هذا الرجل غريب و غير منطقي ايه اللي يخليه ما يكدبش في سنة الموديل و العداد الكيلومتري ؟؟؟؟؟؟؟؟؟؟؟؟؟؟؟؟؟؟؟

طبعا ممكن تكون وجهة نظره ان عربية حديثة موديل 1999 و ايطالي و معمولة عمولة و مش عاملة كيلوات كثيرة يقدر يطلب فيها 40 الف و هو مرتاح و كان بيقول : آخر كلام عندي 39 الف ما ينزلوش مليم .

ممكن يكون ده السبب في تعلية سنة الموديل .

أهلا بك مرة تانية يا اخ جاليليو كيف حالك

المشاركة الأصلية كتبت بواسطة galilio_mad

و فعلا سيارات المعاقين معفاة من الضرائب بتاعة المرور بس مش معفاة من الجمارك و بيدفعوا ضريبة مبيعات على ثمن العربية عند استيرادها , بيتم خصم مبلغ 12000جم من مبلغ الجمرك حاعفاء , و افتكر انهم رفعوها ل 20000جم و المعاق بيدفع الفرق بين الجمرك و حد الاعفاء المذكور

شكرا للمعلومات المفيدة أنا كنت في فترة بأدور على سيارة استيراد معاقين برضه لانها بتكون استعمال خارج و بحالة نظيفة , طبعا مش قاعدة لكن أغلبهم بيبقى كويس لكن هذا المالك لم ارتاح له فعلا لان مش ممكن يكون في عربية تمبرا ايطالي موديل 1999 .

و حتى لو كان في فأكيد هتنزل بالقليلة بزجاج كهرباء أمامي يعني هل التجميع المصري في تلك الفترة أعلى من الايطالي المتصنع في بلاده ؟؟؟؟؟؟؟؟؟؟؟؟؟؟؟؟؟ طبعا كلامه مش منطقي و بالتالي كما أقول دائما : الكذاب و المخادع في حاجة ممكن يكون كاذب و مخادع في غيره و لهذا ابعد عن الشر و غني له .

لهذا في رأيي أن كلام المالك اللي بيتكلم عنه الاخ تامر على أنها مو 2002 و عدادات ديجيتال كلام برضه ميطمنش .

شكرا ياباشا على الرد
واحب اعرفك انى شوفت العربية وعاينتها وهى مغيرة لون خارجى وفبريكة من الداخل وعدادات ديجيتال وتكييف عاوز بلية زى ما بيقول صاحبها وهو هيعملة قبل مايبيع ورخصتها فعلا 2002 وصاحبها طالب 37000 جنية مينزلوش مليم وانا قولتة 33000 مارضيش
وكمان عايز اخد رايك فى عربية تمبرا تانية شفتها
موديل 1998 فابريكة بارة وجوة فيها خبطات بسيطة تترد على البارد تكييف عاوز يتشحن بس على حسب كلام صاحبها ماتور 80% بعد ما رفعتها عند العفشاجى قالى انها فعلا فابريكة برة وجوه وكل اللى عاوزاه قنطرة من تحت وعلبة دريكسون لانه شاف نقط زيت من ناحية علبة الدركسيون من تحت العربية وصاحبها اخر كلام معه 33500ومش راضى يقلل عن كدة رغم اكتشاف علبة الدريكسون اللى كانت بتنقط ياريت تفدنى فى سعرها لانى مش عارف اسعار السوق وقطع الغيار وشايف ان العربية ممكن تكون كويسة وشكرا مرة تانية على كل الردود والاهتمام

المشاركة الأصلية كتبت بواسطة tamerelbasry

شكرا ياباشا على الرد
واحب اعرفك انى شوفت العربية وعاينتها وهى مغيرة لون خارجى وفبريكة من الداخل وعدادات ديجيتال وتكييف عاوز بلية زى ما بيقول صاحبها وهو هيعملة قبل مايبيع ورخصتها فعلا 2002 وصاحبها طالب 37000 جنية مينزلوش مليم وانا قولتة 33000 مارضيش
وكمان عايز اخد رايك فى عربية تمبرا تانية شفتها
موديل 1998 فابريكة بارة وجوة فيها خبطات بسيطة تترد على البارد تكييف عاوز يتشحن بس على حسب كلام صاحبها ماتور 80% بعد ما رفعتها عند العفشاجى قالى انها فعلا فابريكة برة وجوه وكل اللى عاوزاه قنطرة من تحت وعلبة دريكسون لانه شاف نقط زيت من ناحية علبة الدركسيون من تحت العربية وصاحبها اخر كلام معه 33500ومش راضى يقلل عن كدة رغم اكتشاف علبة الدريكسون اللى كانت بتنقط ياريت تفدنى فى سعرها لانى مش عارف اسعار السوق وقطع الغيار وشايف ان العربية ممكن تكون كويسة وشكرا مرة تانية على كل الردود والاهتمام

علبة الدريكسيون جديدة بحوالى 3900 جنية محدش بيجيبها جديدة استعمال ب 300 او 350 جنية بتاعت الباور و الخراطيم مثلا 150 جنية بالكتير

المشاركة الأصلية كتبت بواسطة heshamzaky

علبة الدريكسيون جديدة بحوالى 3900 جنية محدش بيجيبها جديدة استعمال ب 300 او 350 جنية بتاعت الباور و الخراطيم مثلا 150 جنية بالكتير

شكرا يا باشا بس انا عايز اعرف رايك اجيبها بالسعر دة ولا مجبهاش