الموضوع: ايه الفرق بين سواقة النوبيرا والصنى المانيوال

المشاركة الأصلية كتبت بواسطة ahmedbibo

جديده ديه معلش يا باشا انا ركبت الاتنين

اولا النوبيرا عفشه سيئه جدا
الاوتوماتيك فتيس بايظ
تجميع وسحب فى الاوتو ضعيف جدا
وتقفيل مصرى بس غير بتاع النيسان عليه رقابه من شركه نيسان الام
ديه برستيج وديه برستيج تانى خالص
ديه نيسان و ديه دايو
قطع غيار النيسان معمره
و النيسان صنى لما ركبتها جابت 180 زى الفل وجامده جدا
الفرامل احسن

على فكره سعر النوبيرا غالى اوى عشان هو بيلعب فى الخمسينات من موديل 2005 الى 2008 ده اخر موديل ليها على ما اعتقد مبيزدش عن كده

تحت 2005 يبتدى يلعب فى الاربيعين او بكتيره اوى 51

وده سعر السوق

النيسان على حسب الموديل من 97 الى 2000 بيلعب من مبين 45 الى 52
وفوق كده ياعنى 2001 الى 2003 بيلعب من 55 الى 66
وفوق كده يبتدى بقى فوق ال 70 وانت طالع
واكيد الفرق يستاهل

وممكن برده التيوتا كرولا 2004 او 2003

وانا والله سقت الاتنين- وباقول عن تجربه تكييف النوبيرا احسن من النيسان- الاتوماتك فى النوبيرا مرفوض دى حاجه معروفه - بس كمان اتوماتك النيسان ما بيجمعش بسرعه زى النيسان المانول

صوت موتور النوبيرا عالى فعلا بس عزمه جامد- وبصراحه الصوت ده فى مصر كويس- بيخوف اللى جنبك او بيشد معاك- هههههههههه- زى ما قلت تانى التقفيل المصرى فى العربيتين- مش وحش- بس كمان نزل من جودتهم - وممكن تقارن لو عندك عربيه متقفله بره وعربيه متقفله هنا- حاجات هابله بتعدى على العماله المصريه الفهلويه بس للاسف بتبان وكمان بيحصل مهازل- لما تغير مثلا خرطوم باور بعد 300 كيلو- او تلاقى زراير سايبه او غطيان مسامير ملزوقه - ب....
النيسان جوه البلد منورتها حلوه واستهلاك البنزين اقل- قطع الغيار لو اصليه - فى الاتنين حتعيش وتعمر- ما ليش دعوه بالقطع المقلده او المضروبه
حكاية النيسان صنى شكل او برستيج- معلش ده كلام كان زمااان- الموديلات و الماركات التانيه زى الكيا - طلعت اشكال احسن بكتير من اشكال النيسان- جايز لو البلو بيرد رخصت شويه تكون احسن منافس فى فئتها- انا بصراحه معجب بيها جدا

مره تانيه - العربيتين حلوين- بس حسب استخدامك حدد

المشاركة الأصلية كتبت بواسطة alahsaar

النوبيرا فى الأوتوماتيك ممتازة بس عايزة أستعمال كويس ..أنا معايا نوبيرا أوتوماتيك والحمدلله زى الفل

انا كمان معايا نوبيرا 2005 اوتوماتيك .. والحمد لله زي الفل معايا ومفيهاش اي مشكله ..
بصوا ياجماعه اي عربية حسب الاستعمال ملكة ..
بمعني ان ممكن تلاقي بيجووو 504 واستعمال زي الناس تلاقيها افضل من عربيات كتير دلوقتي ..النوبيرا ممتاااازه بجد مش عشان انا معايا نوبيرا ..وانا سوقت النيسان الاوتو بردو .. هو الفرق اللي حسيته بس الوحيييييييييد تقريباً بغض النظر عن الثبات و وسع العربيه .. ان النيسان فراملها احسن .. بس... لكن النوبيراا افضل من وجهة نظري