ايه الفرق بين سواقة النوبيرا والصنى المانيوال

**alrabeh** · 24-07-2010 05:57 AM

ياريت الإخوة اللى ساقوا العربيتين يقولوا رأيهم فى العربيتين خصوصا انى قدامى عربية نوبيرا ب 60000 ج وقدامى نيسان ب 72000 يعنى فرق 12000 و الإتنين حالتهم جيدة جدا
بس بصراحة انا مش عارف آخد قرار لإن اللى ياخد قرار المفروض يكون ساقهم لفترة يقدر يحكم من خلالها
هل الفرق ده انا اولى بيه ولا النيسان افضل
وشكرا لكم

**ahmad--ezzat** · 24-07-2010 06:19 AM

مميزات الصنى عن النوبيرا....
1-انعم من النوبيرا
2-تجميع افضل فى السرعات المنخفضه
3-صاج اقوى واشيك من النوبيرا شويه فى الشكل الخارجى
4-فرامل افضل 10000000 مره من النوبيرا

مميزات النوبيرا....
1-اوسع من النيسان
2- اثبت على السرعات العاليه
3-اوسع فى الصالون واريح من النيسان فى القعده

عموما....الموتور والتكييف والاداء والاستهلاك متشابه جدا...ولو حضرتك ميفرقش معاك موضوع الكورى واليابانى دة.....توكل على الله وهات النوبيرا عربيه اعتماديه وقطع غيار رخيصه وسهله الصيانه عن النيسان

**blackmirror** · 24-07-2010 09:07 AM

نوبيرا كويسه وكل حاجة بس لما تقارنها بنيسان يبقى أكيد نيسان
هتلاقى مكوناتها أمتن وأقيم على نقيض دايو مكوناتها خفيفه + إسم نيسان أفضل من إسم دايو
نيسان أنعم
ونتا هتحس بالفرق لما تشوف العربيتين مشيين فى الشارع
نيسان أقيم وأكثر وجاهة
وبالتوفيق

**samcar** · 24-07-2010 09:32 AM

نوبيرا - لو بتسافر كتير- نيسان لو جوه البلد - النوبيرا اريح فى السفر من النيسان- النيسان استهلاك البنزين اقل جوه البلد- تكيف النوبيرا احسن من تكييف النيسان

التجميع المصرى - محبط فى الاتنين- لو واحده من اللى معروضبن عليك تجميع بره هاتها وسيبك من التانيه - اما لو الاتنين تجميع بره هاتهم وانت الكسبان - ههههههههه

**alrabeh** · 24-07-2010 12:20 PM

أجابات مفيدة وجميلة من الإخوة المحترمين
طيب هل اللى حسيته من خنقة النوبيرا والصوت العالى (مش عارف شكمان ده ولا ايه علما بأنه موجود فى كل النوبيرا اللى جربتهم)
ثانيا النوبيرا موديل 2007 عاملة 48000 كم حالتها ممتازة هل ممكن تسعيرها
هل ده احساس شخصى ولا فعلا هو موجود خاصة انه باين قوى فى دوسة السلانسيه والعربية واقفة وفى الغيار الأول والتانى

**ahmedbibo** · 24-07-2010 03:55 PM

[quote=samcar;3872879687 تكيف النوبيرا احسن من تكييف النيسان

[/quote]

جديده ديه معلش يا باشا انا ركبت الاتنين

اولا النوبيرا عفشه سيئه جدا
الاوتوماتيك فتيس بايظ
تجميع وسحب فى الاوتو ضعيف جدا
وتقفيل مصرى بس غير بتاع النيسان عليه رقابه من شركه نيسان الام
ديه برستيج وديه برستيج تانى خالص
ديه نيسان و ديه دايو
قطع غيار النيسان معمره
و النيسان صنى لما ركبتها جابت 180 زى الفل وجامده جدا
الفرامل احسن

على فكره سعر النوبيرا غالى اوى عشان هو بيلعب فى الخمسينات من موديل 2005 الى 2008 ده اخر موديل ليها على ما اعتقد مبيزدش عن كده

تحت 2005 يبتدى يلعب فى الاربيعين او بكتيره اوى 51

وده سعر السوق

النيسان على حسب الموديل من 97 الى 2000 بيلعب من مبين 45 الى 52
وفوق كده ياعنى 2001 الى 2003 بيلعب من 55 الى 66
وفوق كده يبتدى بقى فوق ال 70 وانت طالع
واكيد الفرق يستاهل

وممكن برده التيوتا كرولا 2004 او 2003

**MaZaGAngeE** · 24-07-2010 05:08 PM

بناء على تجربة العربيتين انا برتاح للنوبيرا اكتر لأنها اوسع اريح في القعده شنطتها اكبر تكييف اقوي اسرع اثبت على سرعات عالية لحد 200 كلم في الساعة
عيبها العفشة محتاجة كل 3 او 4 شهور تتربط
الصني حسيتها متكتفة معايا التكييف بيعلي صوت العربية عزلها اقل شنطتها صغيره

**ahmad--ezzat** · 24-07-2010 07:32 PM

المشاركة الأصلية كتبت بواسطة samcar

- تكيف النوبيرا احسن من تكييف النيسان

التجميع المصرى - محبط فى الاتنين

النكييف واحد والتجميع المصرى فى الاتنين مش محبط ولا حاجه....النيسان افضل قليلا فى التقفيل كمان

**hosar** · 24-07-2010 08:30 PM

المشاركة الأصلية كتبت بواسطة alrabeh

أجابات مفيدة وجميلة من الإخوة المحترمين
طيب هل اللى حسيته من خنقة النوبيرا والصوت العالى (مش عارف شكمان ده ولا ايه علما بأنه موجود فى كل النوبيرا اللى جربتهم)
ثانيا النوبيرا موديل 2007 عاملة 48000 كم حالتها ممتازة هل ممكن تسعيرها
هل ده احساس شخصى ولا فعلا هو موجود خاصة انه باين قوى فى دوسة السلانسيه والعربية واقفة وفى الغيار الأول والتانى

حوالى 60-62 الف

**hosar** · 24-07-2010 08:33 PM

انا كمان عايز أطمنك
انا معايا نوبيرا موديل 2007 حالتها ممتازة ( تجميع مصرى )
و بصراحة العربية ممتازة
ياريت ماتسمعش إلا كلام الناس إلى مجربة مش (سامعة)