الموضوع: ايه الفرق بين سواقة النوبيرا والصنى المانيوال

ياريت الإخوة اللى ساقوا العربيتين يقولوا رأيهم فى العربيتين خصوصا انى قدامى عربية نوبيرا ب 60000 ج وقدامى نيسان ب 72000 يعنى فرق 12000 و الإتنين حالتهم جيدة جدا
بس بصراحة انا مش عارف آخد قرار لإن اللى ياخد قرار المفروض يكون ساقهم لفترة يقدر يحكم من خلالها
هل الفرق ده انا اولى بيه ولا النيسان افضل
وشكرا لكم

نوبيرا كويسه وكل حاجة بس لما تقارنها بنيسان يبقى أكيد نيسان
هتلاقى مكوناتها أمتن وأقيم على نقيض دايو مكوناتها خفيفه + إسم نيسان أفضل من إسم دايو
نيسان أنعم
ونتا هتحس بالفرق لما تشوف العربيتين مشيين فى الشارع
نيسان أقيم وأكثر وجاهة
وبالتوفيق

نوبيرا - لو بتسافر كتير- نيسان لو جوه البلد - النوبيرا اريح فى السفر من النيسان- النيسان استهلاك البنزين اقل جوه البلد- تكيف النوبيرا احسن من تكييف النيسان

التجميع المصرى - محبط فى الاتنين- لو واحده من اللى معروضبن عليك تجميع بره هاتها وسيبك من التانيه - اما لو الاتنين تجميع بره هاتهم وانت الكسبان - ههههههههه

[quote=samcar;3872879687 تكيف النوبيرا احسن من تكييف النيسان

[/quote]


جديده ديه معلش يا باشا انا ركبت الاتنين

اولا النوبيرا عفشه سيئه جدا
الاوتوماتيك فتيس بايظ
تجميع وسحب فى الاوتو ضعيف جدا
وتقفيل مصرى بس غير بتاع النيسان عليه رقابه من شركه نيسان الام
ديه برستيج وديه برستيج تانى خالص
ديه نيسان و ديه دايو
قطع غيار النيسان معمره
و النيسان صنى لما ركبتها جابت 180 زى الفل وجامده جدا
الفرامل احسن

على فكره سعر النوبيرا غالى اوى عشان هو بيلعب فى الخمسينات من موديل 2005 الى 2008 ده اخر موديل ليها على ما اعتقد مبيزدش عن كده

تحت 2005 يبتدى يلعب فى الاربيعين او بكتيره اوى 51

وده سعر السوق

النيسان على حسب الموديل من 97 الى 2000 بيلعب من مبين 45 الى 52
وفوق كده ياعنى 2001 الى 2003 بيلعب من 55 الى 66
وفوق كده يبتدى بقى فوق ال 70 وانت طالع
واكيد الفرق يستاهل

وممكن برده التيوتا كرولا 2004 او 2003

المشاركة الأصلية كتبت بواسطة ahmedbibo

جديده ديه معلش يا باشا انا ركبت الاتنين

اولا النوبيرا عفشه سيئه جدا
الاوتوماتيك فتيس بايظ
تجميع وسحب فى الاوتو ضعيف جدا
وتقفيل مصرى بس غير بتاع النيسان عليه رقابه من شركه نيسان الام
ديه برستيج وديه برستيج تانى خالص
ديه نيسان و ديه دايو
قطع غيار النيسان معمره
و النيسان صنى لما ركبتها جابت 180 زى الفل وجامده جدا
الفرامل احسن

على فكره سعر النوبيرا غالى اوى عشان هو بيلعب فى الخمسينات من موديل 2005 الى 2008 ده اخر موديل ليها على ما اعتقد مبيزدش عن كده

تحت 2005 يبتدى يلعب فى الاربيعين او بكتيره اوى 51

وده سعر السوق

النيسان على حسب الموديل من 97 الى 2000 بيلعب من مبين 45 الى 52
وفوق كده ياعنى 2001 الى 2003 بيلعب من 55 الى 66
وفوق كده يبتدى بقى فوق ال 70 وانت طالع
واكيد الفرق يستاهل

وممكن برده التيوتا كرولا 2004 او 2003

وانا والله سقت الاتنين- وباقول عن تجربه تكييف النوبيرا احسن من النيسان- الاتوماتك فى النوبيرا مرفوض دى حاجه معروفه - بس كمان اتوماتك النيسان ما بيجمعش بسرعه زى النيسان المانول

صوت موتور النوبيرا عالى فعلا بس عزمه جامد- وبصراحه الصوت ده فى مصر كويس- بيخوف اللى جنبك او بيشد معاك- هههههههههه- زى ما قلت تانى التقفيل المصرى فى العربيتين- مش وحش- بس كمان نزل من جودتهم - وممكن تقارن لو عندك عربيه متقفله بره وعربيه متقفله هنا- حاجات هابله بتعدى على العماله المصريه الفهلويه بس للاسف بتبان وكمان بيحصل مهازل- لما تغير مثلا خرطوم باور بعد 300 كيلو- او تلاقى زراير سايبه او غطيان مسامير ملزوقه - ب....
النيسان جوه البلد منورتها حلوه واستهلاك البنزين اقل- قطع الغيار لو اصليه - فى الاتنين حتعيش وتعمر- ما ليش دعوه بالقطع المقلده او المضروبه
حكاية النيسان صنى شكل او برستيج- معلش ده كلام كان زمااان- الموديلات و الماركات التانيه زى الكيا - طلعت اشكال احسن بكتير من اشكال النيسان- جايز لو البلو بيرد رخصت شويه تكون احسن منافس فى فئتها- انا بصراحه معجب بيها جدا

مره تانيه - العربيتين حلوين- بس حسب استخدامك حدد

أجابات مفيدة وجميلة من الإخوة المحترمين
طيب هل اللى حسيته من خنقة النوبيرا والصوت العالى (مش عارف شكمان ده ولا ايه علما بأنه موجود فى كل النوبيرا اللى جربتهم)
ثانيا النوبيرا موديل 2007 عاملة 48000 كم حالتها ممتازة هل ممكن تسعيرها
هل ده احساس شخصى ولا فعلا هو موجود خاصة انه باين قوى فى دوسة السلانسيه والعربية واقفة وفى الغيار الأول والتانى

المشاركة الأصلية كتبت بواسطة alrabeh

أجابات مفيدة وجميلة من الإخوة المحترمين
طيب هل اللى حسيته من خنقة النوبيرا والصوت العالى (مش عارف شكمان ده ولا ايه علما بأنه موجود فى كل النوبيرا اللى جربتهم)
ثانيا النوبيرا موديل 2007 عاملة 48000 كم حالتها ممتازة هل ممكن تسعيرها
هل ده احساس شخصى ولا فعلا هو موجود خاصة انه باين قوى فى دوسة السلانسيه والعربية واقفة وفى الغيار الأول والتانى

حوالى 60-62 الف