أولاً ألف مبروك وأهلاً بيك في وسط اخواتك
دة كان ردي لأخ كان بيسأل نفس السؤال
هتشيك على الاستبن وهيكون برضه جنط 17 بنفس نوع الكاوتش
يعني مطابق للأربع جنوط اللي راكبين
وهيكون معاه كوريك ومفتاح عجل وكدة
شيك على عداد الكيلومتر .....ما يكونش عالي
نظرة عامة كدة من جوة .....وجرب دورها وانت هناك وشغل التكييف
وهات الاستب ترونيك وانت واقف هيديك انك على النقلة الأولي
اديله نقلة كدة على الثبات واتأكد انه بيجيب التاني
ومش هيجيب التالت طبعاً على الثبات علشان ما ينفعش تطلع على التالت من الثبات
ممكن تشغل الكاسيت مع التكييف مع النور العالي ونزل الشبابيك في نفس الوقت
علشان تعرف لو فيها مشكلة في الكهرباء
أتأكد ان فتحة السقف شغالة
وممكن لو عايز تعرف منشأ العربية تجيب رقم الvin بتاعها (بيكون مكتوب تحت قايم باب السائق) وتعرف من على السايت
وربنا يملاها لك بركة ويحفظها لك
المفضلات