ياباشا الفكرة ان الامين ع مايجى بيكونوا شالوا الزرع و مش بيعرف يثبت الحالة :((((
عرض للطباعة
ياباشا الفكرة ان الامين ع مايجى بيكونوا شالوا الزرع و مش بيعرف يثبت الحالة :((((
يا باشا عود الكبريت بيتحط فى قفل السلسلة اللى حاجزة المكان مش العربية نفسها
انا لما عملتها فى واحد عندنا كنت متغاظ منة بجد... الباشا سافر يصيف بالعربية و حاجز المكان بالسلسلة لحد ما يرجع من المصيف و انا كل يوم يطلع عين اهلى فى البحث عن ركنة فا قررت اديلة واحد كبريت فى السريع
تشاء الاقدار ان لحظة عودتة الى ارض الوطن من رحلة المصيف تكون حوالى 4 الضهر و انا واقف فى البلكونة.... طبعا الباشا وقف فى نص الشارع و نزل بكل ثقة عشان يفتح القفل و يشيل السلسلة عشان يركن... و الظريف ان جت عربية ورا عربيتة و الراجل ادالة كلكس عشان يوصح فا صاحبنا شتورلة ينتظر شوية بكل قنعرة و هو كلة ثقة انه حيركن فى 3 ثوانى
طبعا الباشا لا عرف يفتح القفل ولا يعمل اى حاجة و خلال الشوية دول جت عربية كمان ورا عربيتة و عربية فى وشها و عمل ازمة فى الشارع و الكلاكسات اشتغلت و لولا ستر ربنا كان الموضوع قلب شتيمة كمان بس صاحبنا لما لقى مفيش فايدة مشى بالعربية و راح ركن فى حتة بعيد و هو وشة كلة الوان
بعدها عرفت انة كسر القفل و ركن فى المكان برضة... و بعدها بكام يوم عرفت انة باع العربية و حتى يومنا هذا لم يمتكل سيارة اخرى... السؤال هنا... هو الواحد لازم يتعامل مع الناس بشكل وحش عشان الناس تلزم حدزدها و تمشى محترمة؟؟؟... دا فيه واحد برضة قالى ان الحتة اللى انا ركنت فيها امام بيتى دى "بتاعتة" قولتلة بتاعتك ازاى يعنى؟"... قاللى "دى بتاعتى فعلا بس انت اللى جديد على المنطقة"... انفجرت فيه و قولتلة "جديد ايه دا انا مولود هنا ياعم انت" :I_angr1[1]:
حاجة وحشة لما راجل عدى ال60 سنة و يبقى كداب بالشكل دة... و يكدب عشان ركنة عربية..... لا حول ولا قوة الا بالله
MMamdouh
ولعة افكار شيطانية :rolleyes2:
فكرة عظيمة ... بس افرض شافني ونا بعمل كده .. تفتكر ممكن يعمل فيا ايه ؟؟!!!:E_braces[1]:
مش فاهم الحتة دي !
انت تقصد المكان اللي بيبقي فيه المساحات ؟
والله مره كنت راكن وطالع من الركنه و الدنيا ليل, مختش بالى من ان فيه باشا قدامى طلع بالعربيه و حط مكانه طوبه من الطوب الى بيتعمل بيه الرصيف حاجز مكانه ياعنى, و بدوس بنزين و طالع بالعربيه عادى اقم اسمع صوت رزع و خبط و حك, ايوه طلعت على الطوبه بالعربيه, العربيه اتشعلقت على الطوبه من عند المقص الشمال و مكانتش عايزه ترجع حتى, العربيه فعلا متشعلقه, لحد ما رفعت العربيه بالكوريك على الاخر و زحت الطوبه و اطمنت على كل حاجه الحمد لله كانت بسيطه الكارتيره اتقطعت و حكه بسيطه فى المقص و تقريباً فى الجير بوكس و حدفه شمال بسيطه, حسبى الله و نعم الوكيل فى البنى ادم الى كان السبب.
معلش يا جماعة مع احترامي للجميع أنا لا أؤيد فكرة المساس بسيارات الغير حتى ولو كانوا مخطئين فليس صحيح معالجة الخطأ بخطأ وكلنا عندنا عربيات وبنخاف عليها
لكن في مسأله قفل الجنزير (عود الكبريت او الأمير) فدة تمام قوي وميأذيش العربية لكن في نفس الوقت يعتبر رادع لبعض الناس اللي تخاف متختشيش
بناء علي ماقمت بذكره من نصوص لقانون المرور فقد قمت اليوم بأرسال شكوي الي مديرية أمن القاهرة و الادارة العامة للمرور مرفق بها الصور التي قمت بألتقاطها تحت رقم 27104040107676 من خلال الموقع التالي :
http://www.moiegypt.gov.eg/Arabic/complaints/showComplains/
و هذه دعوة مني لكم جميعا بأتباع نفس المبدأ كي لا يتفرعن فرعون أكثر من ذلك
مع خالص تحياتي
م/ سمير الشهاوي