المشاركة الأصلية كتبت بواسطة mohabelnegm
أنا برضه ما أتخيلش أنى أركن عربيتى جنب بوابه فيلا أو بيت خاص بدافع أن دة شارع الحكومه...
فى أى بلد لو عايز تركن فى أماكن فيها عدادات انتظار و دى ملكيه عامه و أى حد عايز يركن بيركن و يدفع, أنما مستحيل تروح قدام فيلا أو بيت خاص و تروح تركن عربيتك و تقول دة شارع الحكومة.
ممكن أن العيب على نظام البلد عندنا, أن أحنا هنا عمالين نتكلم و نتناقش فى حاجة المفروض أنها تكون واضحة للكل و مش محتاجة أن أحنا نحط بطاطس فى الشكمان أو لأمير فى القفل أو أو...المفروض بيكون فى قانون و نظام واضح و "مفعل" أى مكان بيعتبر مكان عام للركن يكون فيه عدادات و أى حد يركن فيه, لو فيه ملكيه خاصه لازم برضه يكون دة واضح و محدد بنسبه 100%و كل واحد بكدة هيعرف حقه و حدودة . النظام بيريح الكل و بيحفظ الحقوق.