الموضوع: ايه رأيك في سواقه السيدات في مصر ؟؟؟

المشاركة الأصلية كتبت بواسطة دموع الثلج

وعلى فكره بئه كلمه الكائن الرقيق دى مش لايقه عليهم خالص مش ماشيه مع الاستايل بتاعهم

انا بفضل كلمه الجنس النمرود:D:D:D:D:D وانا عارفه انى هضرب بس ولا يهمنى مش هعترف

انتي مش فاهمة يا بنتي
لازم اقول الكائن الرقيق
اتمسكن لحد ما اتمكن
علشان الضرب يكون فجائي

المشاركة الأصلية كتبت بواسطة دموع الثلج

بس مقدرش اديك النمره معلش اصل بابا محرج عليا مديش نمره عربيتى لرجاله :p:p:p:p

ههههههههههههههههههههههههه ههههههه جامد جدا موضوع النمر ده

وانا اجدع منك
هاتلاقيني سبقاكي في الجري
عادي ياما جريت من سواقين الميكروباص
هههههههههههههههه

من الاخر كده يا جماعه لو مسكت المرور فى مصر اول حاجه حعملها حلغى كل رخص الستات والبنات لانهم فعلا حرااااام يسوقوا شوفوا المواقف دى

1- واحده ست كبيره عربيه اوبترا زيرو ماشيه فى شارع اتجاهين بس هو شارع جانبى حضرتها بقى عايزه تلفى تاخد الناحيه التانيه وترجع انا وراها ادات اشاره شمال انا قولت الله اما صلى على النبى ايه الحلاوه دى المهم راحت بصت ملقتش حد راحت وقفت شويه وكسرت الدركسيون كله شمال وطلعت براحه انا شايف انها واسعه تجيبها دى عماله تطلع سنه سنه ادى كلكس دى اتلخمت روحت ممور ووقفت اتفرج بقى برميل بعيد عن وش العربيه خالص راحت وقفه كسرت الدركسيون الناحيه التانيه كله وهى واقفه وبعدين ؤجعت بالدهر على الاخر مسافه تعدى نقل وبصت ادام انا قولت حتشوف بقى ان المسافه دى تعدى قطار كامل راحت راجعه كمان ورا لحد ما كانت حتخبطنى روحت مكلكسلها بقى راحت وقفت وصتلى قولتلها مفيش حاجه خلاص راحت كسره الناحيه التانيه وطلعه سنه سنه وهى والله تعدى نقل مش اوبترا وراحت طالعه بس انا بقى كنت خلاص مش قادر

2_واحده بنت شبه صغيره 2 صيدله معانا فى نفس العماره باباها جبلها شيفورليه سبارك صغيره وبتاع اول يوم راجعه من الجامعه وانا بصص من الشباك بشرب سيجاره لقيت دى جات انا راكن وعربيه تانيه بعديا وفى مكان ركن عربيه فى النص تركن عربيه هامر والله العظيم مش سبارك اللى عمله زى اللعبه دى المهم الاول حولت تدخل بوشها مش اتظبطت واحد قلها اطلعى ادام وارجعى بالدهر راحت عملت كده فعلا كسرت جامد حكت ورا فى الرصيف طلعت ادام تانى وبصت ورا ومش بصه على وش العربيه راحت حكت عربيه بالرفرف بتاعها طلعت تانى وجت تدخل بالدهر رجعت على العربيه اللى وراها بتاعتى وخبطت الاكصدام شافت كده راحت مقدمه ادام خالص علشان توزيها بالرصيف مظبوط حكت كوتشها فى الرصيف والله بالظبط على الساعه ركنت والحوار ده عملته فى 18 دقيقه وعمرى ما حنسا الموقف ده

3_ فى الجامعه عندى راكن وقاعد على الكبوت وبشرب شاى وبتاع وادامى مسافه وبعد كده عربيه المسافه مش واسعه اووى بس تتركن يعنى بنت لانسر اتوماتيك العربيه والله دخله عاليا شكلها مدمر قولت قشطه المهم دى جت تركن بالدهر متظبطش عديتها 4 مرات اقولها اكسرى شمال تكسر يمين اطلعى وردى كله الاقيها بتعمل الناحيه التانيه قولتلها ممكن ثانيه بعد اذنك وروحت عملها لانسر جامده ومش كبير وباور تمام واتوماتيك حرااام بجد بس بينى وبينكوا مصلحه عدم سواقتها سبب تعرفى بيها هههههههه

4_ واحده ست وانا ماشى واحده عربيه 128 على كورنيش المعادى انا واخد اخر الشمال وماشى على 100 الاقى ال 128 دى من جمبى ومن غير اشاره افتكرت انها دخله الشمال ده راحت قطعت عاليا والمصحف انا كنت نفسى اقطلها انا واخد الشمال ودى من اليمين قطع على الفتحه اللى جمبك فى الشمال وش كده

5_ راجع من المعادى عربيه شكودا فليشيا انا بجرى قبل ما الاشاره تقفل عليا المهم الاشاره قفلت وانا وقفت والعربيات الاتجاه التانى عديت وباينه وكل الاتجاه بتاعنا وقفت وبعديها بفتره الاقى واحده بس بطيئه مش عارفه مقدار الفرامل وانا معلى الكاسيت حاسيت برجه ببص فى المرايه لاقيت دى خبطتنى لسه حفتح الباب وانزل الاشاره فتحت ودى راحت ماشييه والا اكن فى اى حاجه خالص


6_ ماشى مره فى اليمين على صلاح سالم لانى كنت بتكلم فى الموبيل فباخد يمين المهم جمبى واحده ست ماشيه براحه برضوا فى شمالى المهم عربيه جايه بسرعه راحت مديا العربيه دى رعاش من وراها وكلكس جامد راحت دى تعمل ايه بكل فن حدفت عاليا حدفه تمام لولا كنت شايف الموقع ورمات اخر يمينى كان زمان جمب العربيه بتاعى ادمر والله


7- دى بقى علشان البنات متزعلش فى المعموره صيف 2006 كان فى بنت بعربيه لادا بس دى بقى انسى خمسات وغرز وشد مع صبيان وكانت عمله بلاوى مفيش والد عرف يسد معاها ودى حقيقه والله دى الوحيده اللى شوفتها بتعرف تسوق وبنت انا حسيت انها ولد عامل بنت ههههههههههه بهرج والله