الموضوع: ايه رأيك في سواقه السيدات في مصر ؟؟؟

المشاركة الأصلية كتبت بواسطة emadkamel

يا شباب .... عندى سطرين بعد اذنكوا

الكلام اللين يصرف الغضب والكلام الموجع يهيج السخط

وبخ الحكيم يزداد حكمه، وبخ الجاهل يزداد جهاله

ربنا يفتح عليك

كمان بغض النظر عن الموضوع و سبب الخلاف ..عمر ما كان النت او حتي التيليفون وسيلة كويسة لتوضيح وجهات النظر لو حصل خلاف لان ممكن كلمة تكون انت بتكتبها او تقولها و عادى جد مش قصدك حاجة بس انت تفسرها على هواك انها هجوم مثلا عشان كدة الخلاف بيتصاعد
احنا يظهر قرينا عليكو يا جماعة .. ربنا ما يجيب زعل ابداااا

عزيزى كريم

هقولك حاجة بصراحة ..... بس متزعلش منى و إعتبره رأيى فى الخلاف بينك و بين أستاذ سبعاوى

و أؤكد لك إنى رأيى ده مش هيبقى فيه أى نفاق ........ و مفهوش نفاق لا يعنى بالضرورة إنى لو قلت لحضرتك إنت غلطان يبقى لازم الناحية التانية أقول لأستاذ سبعاوى إن هو غلطان .... و العكس

**************

طب انا عندى فكرة تانية:

ايه رأيكم نعمل استطلاع رأى عن سواقة الصلع؟ هل هى كويسة وللا لأ

واستطلاع رأى تانى عن سواقة السمر

واستطلاع رأى تالت عن سواقة الجماعة الشول (مستعملى اليد اليسرى)

السعودية اللى انت بتتكلم عليها دى اتفرج عليها بعد عشرة سنوات، انا متوقع انه هتكون تموذج حضارى يحتذى لأنهم ماشيين فى طريق انا بحسدهم عليه، واحدة واحد بتخلصوا من كل الخردة الفكرية اللى عندهم ويصدروهالنا تحت مسميات مختلفة ، هم هناك بيحاربوا علشان الست تقود سيارتها واعتقد انهم عما قريب جدا هتتحل المشكلة دى ، ويصدروا لنا هنا افكار من نوعية (ما رأيك فى قيادة السيدة للسيارة) ،

بالله عليك يا كريم قوللى فين الهجوم عليك فى الكلام ده ....... مش معنى الإختلاف معاك فى الرأى إنه عدم إحترام ليك ....... حتى لو كان التعبير عن الإختلاف ده كان بأسلوب ساخر أو أسلوب لاذع........ و ده كان الإختلاف بين ردى و رد أستاذ سبعاوى .... أنا بصراحة مش ضليع فى فن الكتابة و معرفش أجيب تعبيرات تؤيد كلامى .... و جايز لما لقيتك زعلت من أستاذ سبعاوى خففت شوية من أسلوبى لأنى خفت تزعل منى.

لكن صدقنى أنا شايف إن أستاذ سبعاوى مغلطش فيك (شخصك يعنى) فى أى رد ليه ....... جايز يا أستاذ كريم إن عند حضرتك حساسية زيادة تجاه ردود أستاذ سبعاوى.

و أرجو إن كلامى ده ميضايقش و لو إتضايقت منه إعتبره غير موجود أصلاً و تجاهله.

تقبل تحياتى :)


ملحوظة :
الجملة دى ضايقتنى جداً :

وانا قولتلك قبل كده نورتنا :) وشكرا لمرورك الكريم علي موضوعي ..... مع الســـــــــــــــــــلام ه بقي

:(

يا جماعة الله يكرمكوا مش عايزين نفتح كلام تاني في الموضوع و مين اللي غلطان و مين اللي مش غلطان.. الطرفين الحمد لله اقتنعوا انهم يقفلوا الكلام على كده و يا ريت احنا كمان نقفل على كده.

الكلام مش موجه ليك يا meza بالأخص، انما الكلام للجميع و عايزين نرجع تاني لروح المودة اللي بينا اللي لو خسرناها يبقى خسرنا كتير.

السبب فى إنى قلت رأيى ده يا علا ..... إنى مكنش شيطان أخرس .... و كان لازم أوضح نقط معينة فى ردى.
و لم أقصد منه مطلقاً إشعال أى خلاف مرة أخرى.

أنا مش مستنى أستاذ سبعاوى يجى يشكرنى على كلامى
و لا عاوز أستاذ كريم يتضايق من كلامى

و أنا قلتله لو إتضايق من كلامى يتجاهله ......... مفيش حاجة تستاهل إن الواحد يقرا كلام يضايقه ...... كل واحد فيه اللى مكفيه ...... لكن لو هيتقبله من غير أى زعل ... خلاص كويس.

و أتمنى إن الخلاف بينكم يزول سريعاً.

تقبلوا تحياتى

أشكرك لأنك تفهمت وجهة نظرى :)

يلا بقى صافى يا لبن و بلاش الحساسية الزيادة دى فى الكلام ........ لو كل واحد إتنازل عن جزء صغير من حقه مش هيبقى فى مشاكل إن شاء الله ..... جايز مفهمتوش ردود بعض كويس أو فى نقطة فى الكلام مكنتش واضحه .....

لكن مفيش حاجة تستاهل كل الشد ده .........

يلا ليلتكم سعيدة ...