الموضوع: إستفسارات بسيطة فى السيراتو 2010 ex

المشاركة الأصلية كتبت بواسطة romeo21

ازيكم يا شباب
انا جبت العربية من حوالى اسبوع ورخصتها الحمدلله
وعايز اسأل فى شوية حاجات لاحظتها بعد ماسوقت العربية

اولا [color=darkred]استهلاك الوقود عندى 11.5 فى اغلب الأوقات .

"]هيتظبط مع الوقت كل ما تقدم شوية كل ما هيقل الاستهلاك متقلقش

ثانيا درجة الحرارة فين فى شاشة بيبقى مكتوب فى 19 انا منعتقد ان دى درجة الحرارة لكن النهارده وانا ماشى عليت لــ20 عايز اعرف منين اعرف ان درجة الحرارة مرتفعة ولا هاعتمد بس على لمبة التحذير ودى اهم نقطة عندى .

مفيش حرارة فى الفئة دى م هتعتدمد على تحزير الحرارة بس متخافش دى مضمونة اوى بعد مشيئة ربنا فى الكيا

ثالثا العربية بتحدف يمين ظبط هوا امبارح وبردو نفس الوضع هل اروح اظبط زوايا ولا ارصص العجل ولا ايه بالظبط .

روح ظبط زوايا لو انت خليجى فى اى مكان محترم زى بريدج ستون اللى فى مدينة نصر مثلا

رابعا بالنسبة للموضوع التليين انا سامع ناس بتقول عدم تشغيل التكييف وكده ‘ انا بشغله بسيط هل دا فيه ضرر وهل السرعى القصوى فى الوقت ده اد ايه امشى بيها انا لحد دلوقتى عامل حوالى 190 كيلو .

شغل يا باشا زى مانتا عايز انا شغلت و الناس كلها بتشغل
يا ترا فى السعودية البلد النار دى و بيلينوا العربيات كدة؟؟ ده مش موجود غير عندنا بس و مش مكتوب فى كتاب العربية كمان
كل المطلوب متقرصش على الغيار و متزودش الار بى ام عن 3000 فى كل غيار متحملش على العربية دايما تتجنب الزحمة على قد ما تقدر بس كدة لكن تعامل بيها تماما

ياريت حد يفيدنى لأن دى تجربى الأولى مع عربية زيرو

مبروك و تجربة موفقة ان شاء الله

واسف على الإطالة

الف شكر ياجماعة على الإستجابة السريعة دى
بس موضوع الحرارة ده ضايقنى اوى انى افضل ماشى ومش حاسس بالعربية اذا كانت سخنة ولا لا اصل معنى ان يجى وقت ولمبة التحذير تنور معنى كده انى وصلت للأوفر ودا فيه ريسكى اوى يعنى وبالنسبة لموضوع السرعة طيب دانا مسافر ان شاء الله الإسبوع ده ازاى معديش الميه صعبة حبتين دى ...انا فعلا مش بمشى على سرعة ثابتة وموضوع تجنب الزحمة ده شبه مستحيل واكيد انتوا عارفين ليه
وهو التليين لحد كام كيلو؟؟؟

وبالنسبة للزوايا العربية فعلا خليجى وهابقى اروح اظبطها فى بنزينة الإمارات وانا مسافر ان شاء الله

يا باشا الحرارة مفيش منها خوف فى العربيات دى
انا خالى معاه سيراتو 2005 و لسة محطش مية فى الردياتير ولا غيرها والله حتى ولا نقصت اصلا

و مين قال مية
التليين لحد حوالى 130
لانك ملكش دعوة بالعداد بتاع السرعة انت ليك دعوة بالار بى ام
ميعديش 3 3 و نص بالكتيييييييييييييييييير و كل شوية تهبط شوية لحد 2 و نص مثلا و ترجع تانى عشان الحمل على الماتور و شغل التكييف عادى و لو تقدر بس متركبش معاك كتير فى العربية بس كدة
انا طول عمرى بعمل كدة و الحمد لله دى تالت عربية زيرو معايا و طلو بيعيش و ميأثرش على حاجة و هتلاقى الكلام ده فى كتاب العربية

الف شكر يا رجالة على المدخلات والإجابات دى

المشاركة الأصلية كتبت بواسطة alzwawy

لو كلام حضرتك عن التليين صح يبقي كنا نجري من اول يوم و يبقي يجيب 160 عادي انا جبت 160و الار بي ام علي 3 يعني ممكن يجيب 180 كمان و هيبقي الار ار بي ام علي 4 متهيألي كلام حضرتك غلط

ده مش كلامى
ده كلام اكتاب لو عند حضرتك هاته و هاتلاقى مكتوب فيه كدة
وانا عملت كدة وزى الفل ولا شفت منها حاجة وحشة
و عملت كدة فى التيوتا كرولا اللى كانت معايا و قعدت معايا اربع سنين و محصلش حاجة برضه فى اواخر ايامها زى ما جبتها لا صوتها على ولا سحبها قال ولا ماتورها تعب !!
و فى السعودية و الكويت و الاردن محدش بيعمل كدة و هى هى نفس العربية اللى هناك هى اللى هنا بالنسبة للخليجى
انا فى السعودية معملتش كدة برضه
فى السعودية درجة حرارة فوق الخمسين طرق فاضية و سريعة و جبلية تفتكر حد هناك يستحمل يمشى مية و من غير تكييف ؟؟ طبعا استحالة و نفس اللى هناك هو اللى هنا باستثناء الزحمة اللى بضر التليين لو زيادة عن اللزوم يعنى
يا جميل مشكلة مصر الترديد ورا بعض و خلاص حتى التوكيلات بتعمل كدة و كلو بيعوم عى عوم كلو بس انا ماليش دعوة غير باصحاب العربية اللى قالو شغل التكيف و متحملش العربية فى اول الف كيلو و متزودش عن 3000 ار بى ام ايا كان سرعته واللى هما كاتبينها فى الكتاب برضه و الفكرة انى اصلا محملش على لفات الماتور
و الغيار الخامس لو مانوال اخرى فيه 3000 لفة ان شالله بقى يجيب 250 كيلو

و الاختلاف لا يفسد للود قضية دى وجهة نظرى و طبقتها و هفضل اطبقها طالما مضرتنيش و مثبتليش غلطها

و رأيك يحترم و فوق دماغى طبعا
تحياتى ليك و لينا كلنا ربنا يكرمنا و يدينا خير عربياتنا و يبعد عنا شرها ان شاء الله