الموضوع: احذر - تسلم ( اوعى تشترى اى عربية مستعة قبل ماتدخل الموضوع دا ) تنبية هاام

طبعا كلامك سليم لكن مين هيسمحلك تعمل كده في عربيته

يا جماعه الشراء ليه اصول ونظام يعني انت ناوي تشتري تتفرج الاول وعاوز تكشف هات ميكانيكي من طرفك يكشف لك عليها وانسي محطة البنزين لانهم مش بيحبوا يوقفوا بيعه لحد وبيفوتوا المهم الميكانيكي كشف لك عليه اتكلم في السعر واتفقوا علي السعر من غير لاعربون ولاغيره تاني يوم تتقابل معاه في المرور وهو بيجيب المخالفات واطلب شهادة بيانات علشان يجيبوا الملف ويكون قدامك والمرور بيشوف البطاقه بتاعة البايع وبيتأكد من التوكيل اذا كان فيه توكيل كل ده انت مش دافع حاجه روح معاه الشهر العقاري وهما فاهمين تمام يعني لو البطاقه مش صح او التوكيل مش صح او حتي لو معاه عقد بيه فيه اي غلطه مش هايطبطبوا عليه المهم قبل ما يمضي لك البيع النهائي ادفع له فلوسه قدام الموظف وكده يبقي انت اطمأنتيت وكل شيء سليم غير كده يبقي البيع غلط واي غلطه انت المسؤول عنها دي فلوس مش ورق كوتشينه يعني الواحد بيجيبها بخلع الضرس علشان يعرف يشيل لق قرشين يمتع نفسه بيهمياحتصار من تاني في نقط
1 - ميكانيكي تبعك اكين يكشف لك عليها
2 - اتكلم في السعر واتفق عليه
3- رتب موعد في اليوم التاي في المرور وهو بيجيب المخالفات واطلب شهادة بيانات كلها ب 20 جنيه واطلع علي الملف وتتاد من انه ورقه سليم بمعرفة موظف الشباك اي غلطه مش بيعديها ابدا
4 - روح مع البائع للشهر العقاري وفلوسك في جيبك ورهم له وقول له عند الامضاء ولا تامن لاي كلام قدام الموظففقط تدفعقبل الامضاء .
كده انت اشتريت بامان وناس فاهمين شافوا مستنداته ومستندات العربيه
مادام انت عملت كده مش مهم بقي هو مالكها الاصلي او تاجر او ايه لانك اخدت كل الاحتياطات وربنا يسهل لك ويبارك لك واذا كنت وقعت في ايد نصاب يبقي ربنا يعوض عليك ولما تشتري اشتري من مكان محترم موثوق فيه او شخص محترم ومش عيب انك تسأل عليه في محل سكنه

المشاركة الأصلية كتبت بواسطة tananybasha

كلام 10/10 و يعلم ربنا انى اتلسعت قبل كده فى حوار بس ربك الستار بس علمنى كتيييييير قوى

اشكرك علي تعليقك الجميل واتمني افادة باقي الاعضء بالمساهمه البسيطه من العبد الفقير الي الله واللهم لاضرر ولا ضرار

المشاركة الأصلية كتبت بواسطة moonish_galaxy

كلامك في غايه الاهميه

جزاك الله كل خير

جزانا وجزاكم الله كل الخير