أنواع البنزين وعلاقتها بنسبة إنضغاط المحرك = Gasoline Octane number And Engine CR

**ahmed1981** · 13-01-2009 02:12 PM

المشاركة الأصلية كتبت بواسطة AHMEDCAR

معايا شاهين موديل 1999 عليها الموتور التوفاس اللى كان موجود فى التمبرا اكيد كلنا عارفينه هل 80 يؤثر عليها ام لا

مفيش مشاكل من بنزين 80

لكن تخللي بالك لو حسيت بصوت تصفيق (تسقيف) مع السحب روح لأي ميكانيكي وقل له يوطي الكهرباء عشان يلغي التسقيف

**dr_walid** · 13-01-2009 02:49 PM

اولا شكرا على هذة المعاومات الجميلة
ليا سوال العربية اكسنت 1500 99 نسبة انضغاطها كام و البنزين المناسب ليها اية انا بحط 90 بس عاوز اغير ل 92 دة احسن و لأ

**ahmed1981** · 13-01-2009 08:17 PM

المشاركة الأصلية كتبت بواسطة dr_walid

اولا شكرا على هذة المعاومات الجميلة
ليا سوال العربية اكسنت 1500 99 نسبة انضغاطها كام و البنزين المناسب ليها اية انا بحط 90 بس عاوز اغير ل 92 دة احسن و لأ

من الموقع التالي:
http://www.carfolio.com/specificatio...car/?car=88088
نسبة الإنضغاط لديك حوالي 10
وبالتالي يفضل إستخدام بنزين فوق ال 90
وطالما بتستخدم بنزين 90 ومفيش مشالك فخلاص
لو عايز تجرب 92 مفيش مشكلة
إنتظر لحين أن يصبح التانك شبه فارغ
ثم إملأه بنزين 92
لو حسيت بتحسن إستمر على ال 92
لو لم تجد فرق فارجع لبنزين 90 ولا تغيره

**MELADAWI** · 19-01-2009 06:16 AM

اولا اود ان اشكركم على هذه المعلومات القيمة و لكن لى سؤال:
امتلك سيارة دوجان موديل 1997 موتور تمبرا (الأبيض) كاملة تكييف- باور سنتر - زجاج كهرباء (امامى) فقط و استخدم بنزين 90 و سحب السيارة فى منتهى الجمال و لا يوجد تسقيف فى الموتور لكن بعد قرائتى للمعلومات المذكورة عن نوعية البنزين المناسب للموتور و نسبة الأنضغاط سوألى هو كيف يمكن ان اقيس نسبة الأنضغاط و اين حتى اتمكن من اختيار نوع البنزين المناسب .

**anahmed** · 19-01-2009 09:39 AM

دوجان موديل 1997 (موتور التمبرا الأبيض) 1600 سى سى جميع الكماليات (تكييف يابانى - باور - سنتر - زجاج كهرباء امامى) شغالة على بنزين 90 و قدرة الموتور بسم الله ما شاء الله فهل اغير و استخدم بنزين 80 نظرا لفرق السعر و ازاى و فين اقدر اعرف قدرة ضغط المحرك لتحديد نوع البنزين المناسب ارجوكم افيدونى هذه اول مشاركة لى على منتداكم الرائع و شكرا.

**ahmed1981** · 19-01-2009 02:23 PM

المشاركة الأصلية كتبت بواسطة anahmed

و ازاى و فين اقدر اعرف قدرة ضغط المحرك لتحديد نوع البنزين المناسب .

من كتالوج السيارة
أو من موقع الشركة على الإنترنت
أو من مراسلة الصانع
أو من بعض مواقع الإنترنت مثل:
http://www.carfolio.com/

المشاركة الأصلية كتبت بواسطة anahmed

دوجان موديل 1997 (موتور التمبرا الأبيض) 1600 سى ...
.. شغالة على بنزين 90 و قدرة الموتور بسم الله ما شاء الله فهل اغير و استخدم بنزين 80 نظرا لفرق السعر .

من الموقع التالي:
http://www.carfolio.com/specificatio.../car/?car=2772
نجد أن نسبة إنضغاط محرك التمبرا 1600 cc
نسبة الإنضغاط = 9.2
يعني مناسب ليه بنزين 90 لو تقدر تستمر عليه يكون أفضل

لكن لو عايز توفر وتحط بنزين 80 فعليك بإتباع الإجراءات التالية:
* إنتظر حتى يصبح تانك البنزين شبه فارغ
* إملأ تانك البنزين ببنزين 80
* قم بتجربة السيارة في السير الهاديء والشد والمشي السريع
* لو لم تسمع صوت تصفيق (تسقيف) من المحرك مع الشد فتوكل على الله وإستمر على بنزين 80

* لكن لو سمعت صوت تسقيف مع الشد فلابد تروح لميكانيكي وقل له وطي الكهرباء عشان التسقيف يروح وجرب ولو فيه صوت إرجع خليه يوطيها كمان
لغاية لما يروح صوت التسقيف

**anahmed** · 20-01-2009 03:25 AM

الف شكر يا ابو حميد على اهتمامك و ردك على رسالتى و اظن ان انا حاعمل بنصيحتك و استمر على بنزين 90 طالما لا توجد اى مشاكل و مش حستخسر فى العربية طالما ماشيا معايا تمام.

**husseinodeba** · 21-01-2009 08:17 PM

انا كده بدات افهم
الف شكر

**sherif_habeb** · 23-01-2009 10:11 PM

شكرا على المعلومات الحلوة دى

**Mohamedtayel** · 09-02-2009 10:36 AM

ما شاء الله
ربنا يجازيك خير
على المعلومات الجميله دى

الموضوع: أنواع البنزين وعلاقتها بنسبة إنضغاط المحرك = Gasoline Octane number And Engine CR

LinkBack

أدوات الموضوع

عرض

-

-

-

-

المواضيع المتشابهه

جهاز يوفر البنزين بنسبة 25% ويطيل عمر المحرك ويحافظ على البوجيهات

أنواع البنزين المستخدم في السيارات والرقم الأكتاني وعلاقته بنسبة إنضغاط المحرك

تشغيل المحرك على الحمل الخالي Engine Idling (م ن ق و ل)

corolla 2008 octane number

ايه رأيك في غلاء اسعار البنزين وعلاقتها بالسيارات

الكلمات الدلالية لهذا الموضوع

المفضلات

المفضلات

ضوابط المشاركة