كنت هاعمل حادثة على الدائري أمس

**tutankhamoun** · 28-02-2008 12:30 AM

أمس و أنا ماشي على الدائري على سرعة 90 تقريبا أو 95
و كنت سايب مسافة حوالي 150 متر بيني و بين السيارة التي أمامي
و فجأة ببص لقيت العربية اللي قدامي بترقص .... رحت ضارب فرامل على طول و هديت .....
أنا في الأول أفتكرت إن كاوتش ضرب أو حاجة زي كدا
و لكن أستمر الرقص بالسيارة لمسافة أطول مما زاد الرعب في نفسي و لكني ركزت و بصيت لقيت السواق و اللي قاعد جانبة بيتخانقوا و بيضربوا بعض بالبوكس
قلت يا نهار
الناس دي في دماغها أيه بالظبط
العربية كانت أوبل كورسا تقريبا موديل حديث و لونها كان فيراني
------------
تخيلوا بقى لو أنا كنت ماشي لاصق فيه زي ما أغلبية السواقين المصريين بيعملوا
طبعا كنا هانلبس في بعض
الحمد لله على نعمة الصبر اللي أغلبية المصريين مفتقدينها
تم النقل للاجتماعى بمعرفتي
الادارة(1)

**sa3dawy** · 28-02-2008 12:34 AM

احمد ربنا ان انتا ملبستش فية
وبعدين مايروحوا يضربوا بعض انشالة بالشلوووت بس فى البيت

**hamedo0** · 28-02-2008 12:34 AM

ايه عدم المسئوليه ده
علي العموم الحمدالله اللي انت بخير
وربنا يرحمنا برحمته

**fahd_628** · 28-02-2008 12:37 AM

حمد لله يا باشا و فعلا فية ناس متخلفين و مينفعش يسوقو

**Dr Ahmed** · 28-02-2008 12:42 AM

ههههههههههههههههههههههههه ه

أولا حمدا لله على سلامتك
ثانيا: الخناقات فى العربيات كنت أفتكر انها فى الأفلام الأكشن الأجنبية وبس ، لكن على الواقع وفى مصر : دى جديدة!! ، ودا دليل إن مصر بتتقدم مش زى ما احنا فاكرين..

بس ليه الجدع السواق موقفش بالعربية حتى علشان يضرب براحته !! وللا المخرج كان عايز كده؟؟؟ أما عجايب !!!!

**abdelaziz-waleed** · 28-02-2008 12:43 AM

تلاقيهم كانو بيصورو فيلم اكشن مابصتشي كويس يمكن تلاقي كاميرات ولا حاجة واكيد واحد من اللي كانو بيتخانقو ممكن يكون احمد السقا ههههههههههههههه
الحمد لله ربنا سترها معاك يمكن بدعا الوالدين او باحترامك للقواعد واخلاقك في القيادة
ربنا يسترها معانا والف سلامة عليك يا توت
دي اكيد ناس مش في وعيها علشان يمشو بالسرهة ديه ويتخانقوا ويضيعوا حياتهم واموالهم وحياة واموال ناس ابرياء ملهاش ذنب

**OsKaR** · 28-02-2008 01:04 AM

بس مقولتلناش هما كانو بيتخانقوا ليه و مين اللي كسب ؟؟؟

**اسلام المصرى** · 28-02-2008 05:21 AM

حمد الله على سلامتك :) الحمد لله عدت على خير , أنا أمبارح و أنا مروح على المحور فى الحارة المجوز كان واحد ابن حلال معاه بيجو 7 راكب كان هيشيعلى الجنب اليمين كله! لولا ستر ربنا ...... الحمد لله عدت على خير , البيه مش ذنبه و الله أعلم , هو ماش فى الجزء اليمين و أنا فى الجزء الشمال من نفس الحارة , الطريق قدامه و قف فجأة , لقيت واحد داخل فى جنب عربيتى اليمين , عملت أراجوز و هديت و حدفت شمال و وقفت و عديته , وقام خابط العربية اللى قدامى! دمى نشف , وقفت فتحت الباب مش مصدق أن الجنب اليمين مفيهوش حاجة , بصيت الحمد لله مفيش حاجة هو المفروض تكون فى خبطة - الحمد لله - بقول للبيه يعنى أنت مش شايف الطريق واقف و الدنيا زحمه لزمتها أيه الحركات ديه , قالى أنا أسف جدا جيت أفرمل مالاقيتش فرامل!!!! الله أعلم الكلام ده صح و لا لأ , أنا حاسس أنه كان ماشى سرحان..... سبته و مشيت طبعا.

**mahamedaraby** · 28-02-2008 05:29 AM

المشاركة الأصلية كتبت بواسطة abdelaziz-waleed

تلاقيهم كانو بيصورو فيلم اكشن مابصتشي كويس يمكن تلاقي كاميرات ولا حاجة واكيد واحد من اللي كانو بيتخانقو ممكن يكون احمد السقا ههههههههههههههه

الحمد لله ربنا سترها معاك يمكن بدعا الوالدين او باحترامك للقواعد واخلاقك في القيادة
ربنا يسترها معانا والف سلامة عليك يا توت

دي اكيد ناس مش في وعيها علشان يمشو بالسرهة ديه ويتخانقوا ويضيعوا حياتهم واموالهم وحياة واموال ناس ابرياء ملهاش ذنب

بالظبط هو كده اكيد بس انت كنت بص كويس
والحمد لله على سلامتك
تنبيه للعضو بعدم الكتابة باللون الاحمر اطلاقا لانه لون مخصص للادارة
الادارة(1)

**OlaOsman** · 28-02-2008 06:25 AM

يعني هي الدنيا ضاقت جايين يتخانفوا ع الدائري؟

طيب ما يروحوا يتخانقوا في المهندسين.. أهي حتى على الأقل مافيهاش فرصة لحوادث مميتة.. العربيات مرصوصة جيب بعضها و الطريق واقف على طول تقريبا.. على الأقل هيلاقوا حد يحوش بينهم :p

حمدا لله على سلامتك يا توت.

الموضوع: كنت هاعمل حادثة على الدائري أمس

LinkBack

أدوات الموضوع

عرض

كنت هاعمل حادثة على الدائري أمس - انشر الموضوع فى :

-

-

-

-

-

-

-

المواضيع المتشابهه

حادثة جامدة على الدائري

حادثة على الدائري قبل المعادي

عملت حادثة على الدائري النهاردة الصبح

صور حادثة الدائري البشعة

حادثة محترمة علي الدائري علي الصبح...

الكلمات الدلالية لهذا الموضوع

المفضلات

المفضلات

ضوابط المشاركة