المكنة بتسقف ومخنوقة

**Ibrahim Nabil** · 26-07-2010 09:28 PM

السلام عليكم يا احلى شباب، انا عربيتى لانوس 99 اوتوماتيك 140 الف كم انهاردة كنت مسافر بيها وانا راجع حصل معايا الاتى: طبعا مشغل التكييف وكل ما اهدى واجى ادوس تسقف و تتخنق وتنتش وبعدين لما ادوس اكتر تسلك وتبقى فل ولما اريح العربية شوية الموضوع ده بيخف شويه، وهكذا، والمشكلة دى كانت بتقل لما اقفل التكييف مع العلم انى مغير فلاتر وبوجيهات من حوالى شهر، ايه رايكم يا شباب؟؟!!

**M.Zaher** · 26-07-2010 09:53 PM

جرب تمون تاني من بنزينه غير اللى انت ممون منها اخر مره

**sala7** · 26-07-2010 11:21 PM

صح الكلام ده .. مون من بنزينة تانية .. و اعمل ايدل ليرن
الحاجة التانية لو مكنتش مغير اسلاك البوجيهات غيرهم بنوع نضيف جدا

**megadeath** · 27-07-2010 11:35 AM

عفوا - المشكلة ديه جاية من الفيتيس الاتو مش من البنزين و لا اى حاجة تانية .... و برده جرب و غير البنزينة و شوف البوجيهات يمكن تروح المشكلة ديه

**M.Zaher** · 27-07-2010 02:21 PM

المشاركة الأصلية كتبت بواسطة megadeath

عفوا - المشكلة ديه جاية من الفيتيس الاتو مش من البنزين و لا اى حاجة تانية .... و برده جرب و غير البنزينة و شوف البوجيهات يمكن تروح المشكلة ديه

ممكن نعرف ايه اللى دخل الفتيس في المشكله دي
واشمعنى حصلت دلوقتي مش طول ال 140 الف كلم

**maiasn2000** · 27-07-2010 02:32 PM

اولا راجع الميه في العربيه اتأكد منها كويس
غير البنزيمه التي تمون منها باخري واذا استمرت المشكله يكون الحل الاخير
لابد من تغيير زيت الفتيس وتنظيف القرب في الفتيس لان قربة الزيت في الفتيس بمرور الوقت ونتيجة للرواسب يحدث بها بعض السدد الخفيف مما يوثر علي دورة الزيت في الفتيس

**megadeath** · 29-07-2010 02:54 PM

يعنى ايه مش من 140 الف كليو .... حضرتك كل حاجة وليها عمرها الافتراض
الصوت ده معناه ان العربية انت بتطلب منها اكبر من طاقتها فى السحب و ده بيقى حاجة فى كلاتش من كلاتشات الفيتيس و عايز تتاكد تمشى بالعربية على سرعة 100 فيما فوق ياعنى هات الغيار الرابع ( و ده الاخير بالنسبة ليك لان عربيتك اتوماتيك ) حتلاقى الصوت راح ... ليه لان الفتيس عشق السرعة بتاعته الكلاتش الاخير و على فكره حتلاقى الصوت ده بيظهر لما العربية تيجى تنقل من التانى للثالث ... صح و لا غلط ؟
جرب و شوف