102 ألف كم مع الصني (مشاكل و حلول ونصائح)

**WalidAdel** · 30-07-2010 05:10 PM

شكرا للمرور ياباشا

**fady_anis** · 31-07-2010 10:04 AM

تقرير ممتاز يا استاذ وليد وبجد فى نصائح مهمه وحلول لبعض المشاكل اللى واجهتنا ويارب تفضل الجوهرة دى معاك على طووول لأنها عربية متتعوضش.

**dahmedsamir** · 31-07-2010 08:39 PM

تقرير ممتاز تسلم ايدك
معلش انا عندى سؤال انا لسه شارى نيسان صنى 2010 و عملت صيانة الالف و غيرت زيت 10000 وكنت عاوز اعرف فى صيانة فى ال 5000 كيلو و لا على 10000 كيلو على طول و شكرا

**princex1** · 31-07-2010 09:26 PM

كل 5000 كم صيانة
عقبال ال100000

**Ahmed.TV** · 31-07-2010 09:33 PM

مبروك استلام العربية
كل 5000 كيلو بتروح تعمل صيانة للعربية , ولكن الصيانات الاساسية
1000 - 10000-20000-30000-40000-50000 وهكذا , وممكن تطنش صيانة ال5000 فمش حتخرج من الضمان عادى لكن المهم اللى قولت لحضرتك عليها

**WalidAdel** · 01-08-2010 06:00 PM

نسيت اقول علي اهم حاجه بمناسبة الصيف بقي و الحر و كده

تاسعاً: فلتر التكييف

دا مهم اوي و لازم نجيبه مش هاتفرق اذا كان اصلي ولا عادي تايواني مثلا بس مهم
هو الاصلي كان الاعضاء قالوا انه ب 250-300 و التايواني ب 95 تقريبا هتلاقوا تفوات 10 جنيه ولا حاجه
المهم بقي الفلتر دا بيركب في علبه العلبه دي ورا درج التابلوه و فيها الفتحه اللي هيا بتجيب هوا من بره العربيه و العلبه دي بردوا فيها موتور و مروحه الموتور ده هتلاقي بيطلع صوت وحش اوي اوي اوي لما يتملي تراب لاني بمشي في حتة فيها عفره كتير و كده وفالتراب دا بيخش جوا العلبه دي حتي لو عامل ان الهوا يجيلك من جوه العربيه هتلاقي بقي لما تاخد مطب صوت مروحة التكييف اتغير و عمل صوت مزعج جدا فكنت لازم اقفل التكييف و اسيبه خمس ثواني مثلا المروحه دي تقف و بعدين اشغله تاني و الحل اني روحت للراجل بتاع التكييف و فكينا العلبه دي و نظفنها بالبنزين كويس و فاكينا الموتور دا و اتغسل بالنزين كويس بردوا و سيبناه لحد مانشف و بعدين بالهوا علشان نتاكد ان مافيهوش نقطة ميه و بعدين ركبنا الفلتر و الحمد لله بقالها 5 شهور اهي و مافيش صوت طلع تاني

الراجل بتاع التكييف لما روحتله اخر مره لاقيته جاب خرطوم الهوا و قعد يطلع التراب من سربنتينة التكييف اللي قدام فبقوله لييه كده قالي علشان التكييف يسقع كويس لانها بتتملي تراب كتير لانها في وش العربيه و ممكن تتكتم و العربيه يبقي التبريد بتاعها مش كويس فقالي كل تغييرة زيت مثلا ابقي اعملها