الموضوع: اسعار قطع غيار الفانتازيا

المشاركة الأصلية كتبت بواسطة inspiron

ده علي أساس إيه يعني مش فاهم..

إلي صاحب الموضوع..راجع أسعار الـ a5 هي هي أسعار الفانتازيا مع إختلافات بسيطه.وممكن حضرتك تكلم أبو الحسن ( الموزع المعتمد لسكودا ) وتسألوا علي أسعارها. أنا شخصيا شاري فانوس كامل أمامي بـ 1800 جنيه وشبكة بـ 800 جنيه.

حضرتك مينفعش تقارن أسعار قطع غيار الفانتازيا بأسعار قطع غيار عربيات تانية أقل منها في الفئة.فاهمني.غير كده لو إحتجت أي قطعة غيار ليها و ركبتها هتنساها تماما.لأن حاجتها معمرة جدا جدا جدا جدا.

داه علي اساس ايييييييه بردو؟؟
ممكن اعرف كمبروسور التكييف بكام جديييييييييييد بتاع ال a5 ؟؟؟؟؟؟
و ياريت غلي مهللك عليا شوية وكل سنة و انتي طيب

المشاركة الأصلية كتبت بواسطة marawansabry

اعتقد ان العضو انسبيرون مكنش بيرد على حضرتك لان واضح انك بتسال وتستشير هو واضح انه بيرد على المهندس احمد سامي في موضوع انة بيرد عليك انة كلامك صح 100 في 100 .. طبعا انا ميش محامي عن حد ومعرفش حد من سيادتكم .. بس دا توضيح لتقريب وجهات النظر .. وهي قاعدة طبعا لو عايز تاخد راي حد خد راي حد معاه العربية وجربها واشترلها قطع غيار .. لان الاراء السماعي غالبا (ميش دائما) بيشوبها بعض الاخطاء .. المهم عن تجربة شخصية بقي وعن مقارنة مع اصدقاء معاهم مركات اخرى .. قطع غيار الفانتازيا ارخص من ماركات اخرى كتير في نفس الفئة وفي فئات اقل .. دا حتى الصيانات بتاعت الفانتازيا اسعارها اقل من نفس الصيانة في ماركات اخرى وممكن تراجع الموضوع اللي انا عملته بخصوص صيانة ال 20000 للفانتازيا .. موضوع بقي التوكيل هو الوحيد اللي بيشتغل فيها لا انا هفسرهولك بالراحة .. من الاخر كدة الفانتازيا هي هي الاي 5 نفس الميكانيكا والعفشة وطبعا الموتور تفتكر حضرتك كمية مراكز الصيانة والميكانيكة اللي بيصلحوا الاي 5 ميش هيعرفوا يشتغلوا في الفانتازيا اكيد طبعا لا .. اللي بقي فعلا بجد هو الكسسوارات الخارجية من رفرف وشبكة وفوانيس وبرضة الكرتيرات بتاعت الرفارف كل دي مختلفة عن الاي 5 علشان كدة التوكيل قافش عليها ومبيدها الا للموزعين المعتمدين بتوعة يعني الحاجة موجودة وبتتباع بس من خلال التوكيل والموزعين المعتمدن بتوعة وعلى فكرة اعتقد ان فتح الباب هيبدا قريب قوي يستورد قطع غيار الفانتازيا (هو حاليا ممكن تلاقي بعض القطع الضالة في فرع الحرفيين).. يعني لو خايف اطمن العربية دي شغالة ما شاء الله ذي الصاروخ كمية مبيعات كويسة جدا وبدليل شوف انتشارها في البلد بقي عامل اذاي
حاجة اخيرة .. ياريت لكل الناس نلتمس لبعض 70 عذر ونخفف شوية من حدة النقاش .. ونحسن الظن في بعض وبلاش تحفذ في الحوار (الكلام دة للكل وانا منهم) .. الغرض هو الاستفادة المتبادلة ميش ان احنا نزعل من بعض
سلام بقي

راجل محترم و كلام حضرتك مظبووط وكان ممكن يبقي في حوار لطيف زي كلام حضرتك كدا لكن انسبيرون داه كان هيضربني وكل سنة وحضرنك طيب