زوج يؤدب زوجته بطريقه غريبه ...!!

**bmya** · 25-08-2010 05:52 PM

المشاركة الأصلية كتبت بواسطة نور القمر

ده دليل على ضعفه وفشله وقلة حيلته معاها زي كتير من الرجل ساعة ما يفشل في التعامل مع الزوجة وفي اقناعها بتلبية طلباته وطاعته يلجأ لسلاح الطلاق
لو كان رجل فعلا بحق وحقيقي كان قدر يخليها تحبه ويكون هو رقم واحد عندها وتلبية طلباته وارضاءه رقم واحد
ده غير انه ذلها واهانها وكسر نفسها قدام اصحابها واهلها تعتقدوا انه كدة نجح ولا فشل ؟؟؟؟!!!!

استاذه نور
ممكن طيب حضرتك تقولي لنا المفروض يعمل ايه بجد والله مش عارف هو كان ممكن يعمل ايه
اعتقد انه اكيييييد قبل ما يلجأ للاسلوب الغشيم ده اكيد حاول كتيير يتكلم معاها ويفهمها وهي برده مش في دماغها
للاسف في كتيييير كده فعلا
الافراح مثلا تلاقي الستات والبنااااات على سينجه 10 وفي البيت

انا طبعا مش في مكانه ويارب مكونش في مكانه لان انا اصلا م هسمح لمراتي (لما اتجوز يعني حين ميسره)
انها تخرج حاطه مكياج ولبس مش عارف شكله ايه وهي في البيت عمالالي فيها ام سحلول

فهو غلطان من الاول برده

**حماده عزو** · 25-08-2010 09:47 PM

والله لو الواحد رد وحكا عن المواقف دى
مش هيخلص على يوم العيد
لكن عموما كل البيوت فيها كل أنواع المشاكل وأشكال المشاكل والمهم أن المركب بعد ده كلو تمشى

**نور القمر** · 25-08-2010 10:15 PM

المشاركة الأصلية كتبت بواسطة bmya

استاذه نور
ممكن طيب حضرتك تقولي لنا المفروض يعمل ايه بجد والله مش عارف هو كان ممكن يعمل ايه
اعتقد انه اكيييييد قبل ما يلجأ للاسلوب الغشيم ده اكيد حاول كتيير يتكلم معاها ويفهمها وهي برده مش في دماغها
للاسف في كتيييير كده فعلا
الافراح مثلا تلاقي الستات والبنااااات على سينجه 10 وفي البيت

انا طبعا مش في مكانه ويارب مكونش في مكانه لان انا اصلا م هسمح لمراتي (لما اتجوز يعني حين ميسره)
انها تخرج حاطه مكياج ولبس مش عارف شكله ايه وهي في البيت عمالالي فيها ام سحلول

فهو غلطان من الاول برده

احيانا مجرد الكلام او محاولة الاقناع بالكلام مش بتنفع او بيكون تأثيرها لوقت قليل وبعدين ترجع ريمة لعادتها القديمة
في الحالة دي لازم تصرف فعلي ممكن على سبيل المثال يحسسها بالنفور منها ومن شكلها ومنظرها وريحتها ويحسسها انه قرفان منها
اكيد هتحاول تغير من نفسها وخصوصا لو كانت بتحبه وحتى لو مش بتحبه مفيش انسان هايتحمل يحس ان الاخرين نافرين منه وقرفانين منه
طريقة تانية برضو بتحرك الحجر انه يمدح الاخريات قدامها يعني ممكن يقول شوفي الممثلة الفلانية بتطلع على سنجة عشرة حتى في المشاهد اللي المفروض انها في البيت فيها

المفروض البني ادم عموما بغض النظر عن كونه ست ولا رجل يكون انيق في مظهره سواء برة البيت او جوة على الاقل لما يبص في المراية يلاقي منظره يفتح النفس

القصة دي لما قريتها فكرتني بشخص بيتعمد يظهر بمظهر مبهدل ويلبس اوحش ما عنده قدام اصحاب زوجته عند فيها

**Samah AbdAllah** · 25-08-2010 10:31 PM

تصرف الزوجة مالوش غير معنى واحد انها بتظهر اعتراضها على انه منعها تروح الفرح
فزى ما هو ضايقها قالت تضايقه
هو كبرت فى دماغه وهددها
ولو هو فعلا حاول كتير وهى مفيش فايدة يبقا اكيد مش بتحبه ومش طايقاه وبتطفشه
انا لو منها كنت قولت مش هنزل من البيت بالشكل ده واعمل اللى تعمله

**ashraf_msd** · 25-08-2010 10:44 PM

مع احترامي لكل الاخوه

بس ده لا راجل ولا يعرف من الرجوله شئ

لسببن:

1- مش من الرجوله انك تهدد مراتك بالطلاق لغصبها علي فعل اي شئ ... امرك لابد ان يطاع بدون تهديد بالطلاق ... ولم يجعل الطلاق للتهديد ولكن لاستحاله العشره - بمعني الراجل الصح لا يطلق لا ما يطلقش - اما ان يجعل التهديد بالطلاق هو سلاحه فبئس السلاح وبئس ضعف الرجل.

2- وده الاهم : ازاي راجل و ازاي كان قابل ان مراته تتمكيج وتتزين لغيره ؟ فيجب عليه ان يفرض عليها التزين له أجباري - وان يفرض عليها الأحتشام وعدم اظهار زينتها لاي شخص غيره برضو اجباري ... مش يطلب منها ويلومها انها لم تساويه بالغريب ... بئس الرجال

**Samah AbdAllah** · 25-08-2010 10:52 PM

المشاركة الأصلية كتبت بواسطة ashraf_msd

مع احترامي لكل الاخوه

بس ده لا راجل ولا يعرف من الرجوله شئ

لسببن:

1- مش من الرجوله انك تهدد مراتك بالطلاق لغصبها علي فعل اي شئ ... امرك لابد ان يطاع بدون تهديد بالطلاق ... ولم يجعل الطلاق للتهديد ولكن لاستحاله العشره - بمعني الراجل الصح لا يطلق لا ما يطلقش - اما ان يجعل التهديد بالطلاق هو سلاحه فبئس السلاح وبئس ضعف الرجل.

2- وده الاهم : ازاي راجل و ازاي كان قابل ان مراته تتمكيج وتتزين لغيره ؟ فيجب عليه ان يفرض عليها التزين له أجباري - وان يفرض عليها الأحتشام وعدم اظهار زينتها لاي شخص غيره برضو اجباري ... مش يطلب منها ويلومها انها لم تساويه بالغريب ... بئس الرجال

اؤيدك طبعا فى النقطة الاولى
ولكن بالنسبة للنقطة التانية فالقصة بالريال
يعنى غالبا فى السعودية مش فى مصر
وعامة فى الكثير من الدول العربية الافراح غير مختلطة
لهذا تتزين النساء دون حرج للتباهى فيما بينهن دون اى خروج عن الدين والادب
لانها افراح غير مختلطة

**Khaled_Nowaihy** · 25-08-2010 11:47 PM

المشاركة الأصلية كتبت بواسطة mrwho1982

قصه واقعيه

................ ويبدو أن الزوج اتخذ قرارا بأن لا تذهب الزوجة للحفل وأخبرها أنه سيذهب لجلب عشاء وأنه يريد محادثتها في أمور عديدة لتعود حياتهما الزوجية كما كانت في شهورها الأولى.

المشاركة الأصلية كتبت بواسطة baskota

تصرف الزوجة مالوش غير معنى واحد انها بتظهر اعتراضها على انه منعها تروح الفرح
فزى ما هو ضايقها قالت تضايقه
هو كبرت فى دماغه وهددها بعد ايييييييييييييييييييه
ولو هو فعلا حاول كتير وهى مفيش فايدة يبقا اكيد مش بتحبه ومش طايقاه وبتطفشه

انا لو منها كنت قولت مش هنزل من البيت بالشكل ده واعمل اللى تعمله

هو الراجل كان غلط فى ايه لما أخبرها انه رايح يجيب عشاء وعاوز يكلمها فى أمور ....... الخ

تقوم هى تتضايق وتظهر اعتراضها بالطريقة المنفرة دى ؟؟

هو مفروض مين اللى يطيع الثانى بالله عليكم ؟؟؟؟

ده يبقى 000000 الزواج لو كانت كل زوجة تعمل زى الست دى ....

-

-

الموضوع: زوج يؤدب زوجته بطريقه غريبه ...!!

LinkBack

أدوات الموضوع

عرض

-

-

-

-

-

-

المواضيع المتشابهه

واحد بيصلى بطريقه غريبه !!

ملحوظه بس معرفش غريبه ولامش غريبه

كيف يسعد الرجل زوجته ؟

لم ير وجه زوجته و عندهم 50 سنة !!!!!

الكلمات الدلالية لهذا الموضوع

المفضلات

المفضلات

ضوابط المشاركة