الموضوع: زوج يؤدب زوجته بطريقه غريبه ...!!

المشاركة الأصلية كتبت بواسطة hh

على فكرة بغض النظر عن الرد بتاعي اللي فات انا ضد ان الزوجة تبقى مهملة لنفسها قدام جوزها, بالعكس لازم أكتر أهتمام تديه لمظهرها يبقى في البيت طبعا. بس في نفس الوقت الزوج كمان لازم يراعي انها أوقات بتكون مشغولة أو تعبانة فمش واخدة بالها, بس على شرط ان الموضوع ده يبقى استثناء.

على فكرة كمان ساعات كتير الراجل بيهمل انه يحسس زوجته باعجابه بيها و ده بيخليها تهمل في نفسها لأنها حاسة انه مبقاش منجذب لها, فيا ريت الرجالة ميبخلوش على زوجاتهم بكلمات الاطراء و التودد.

حاجة كمان, تصرف الزوج في القصة دي سئ جدا, و مفيهوش أي ذكاء و لا حتى بيدل على الرجولة زي ما ناس بتقول. بالعكس ده يدل على قلة الحيلة أولا, و ثانيا بيدل عى انه مش مهتم بزوجته و لا بيحبها بجد. مستحيل تكون بتحب حد و تقبل انك تهينه قدام الناس بالشكل ده. فيه مليون طريقة يحاول يوصل بيها للي هو عايزه و في نفس الوقت يحافظ على المودة و الرحمة بينه و بين مراته.

المشاركة الأصلية كتبت بواسطة medo_2060

الحاجات دى كلها مش هتأثر مع الراجل فى حاجه..يعنى لبس الراجل وبارفان وغيره مش هيفرق معاه كتير غير الستات الى الحجات دى بتغير منهم كتير والدليل لو راجل نزل الشارع بقميص وبنطلون ولا فيها حاجه لكن الست بتنزل كانها رايحه تتجوز....
والزوج وقته فى البيت بيبقى راحه مطلقه عشان بعد شغله ولا مطلوب منه يشتغل فى البيت كمان والزوجه لو وراها 100 شغلامه لزوجها الاولويه
والموضوع كله اساسا انا شايفه رد الفعل المعتاد من الستات وخلاص... نقول انتوا ما بتعملوش تقولوا انتوا الى مبتعملوش ههههههههههههههه

على فكرة حضرتك واضح انك مقريتش مشاركتي التانية. أنا متفقة تماما ان لازم الزوجة تكون في قمة اهتمامها بنفسها في بيتها, النقطة دي مفروغ منها.

بس حضرتك بتقول اللبس و البارفان و غيره مش حيفرق مع الراجل في حاجة, ازاي؟؟؟؟؟؟؟؟؟؟؟؟؟؟
أحب أقولك انه حيفرق مع زوجته كتيييييييييير. مين اللي قال لحضرتك ان مظهر الزوج ميفرقش مع مراته, و لا حضرتك تقصد انه احاسيسها متفرقش المهم هو يكون مبسوط و خلاص؟؟

و بعدين أنا ماقوتش ان زوجها ملهوش الأولوية, هو تنظيف البيت مش اهتمام بيه؟ رعاية أولاده مش أهتمام بيه؟ تحضير أكله مش اهتمام بيه؟؟

أنا بقول انه زي ما هو من حقه انها تهتم بمظهرها قدامه, لازم هو كمان يقدر الأوقات اللي بتبقى مشغولة فيها.


.[/quote]

المشاركة الأصلية كتبت بواسطة medo_2060

والموضوع كله اساسا انا شايفه رد الفعل المعتاد من الستات وخلاص... نقول انتوا ما بتعملوش تقولوا انتوا الى مبتعملوش ههههههههههههههه

النقطة دي هي مربط الفرس على فكرة. لما كل طرف ميبصش غير لنفسه و اللي هو عايزه بس عمر الحياة ما حتستقيم. أنجح زواج في الدنيا اللي كل طرف فيه يكون حريص على راحة التاني و سعادته. عمر زوجتك ما حتسعدك لو انت مش بتسعدها و لا العكس, لكن لما كل طرف ميهتمش الا بنفسه محدش منهم حيبقى مستريح.