ايهما افضل الجولف ام الابيزا؟

**wildwest100** · 02-03-2008 07:17 PM

golffffffffffffffffffffffffffffffffffffffffffff

**lightspeed** · 04-03-2008 04:41 PM

شكرا يا باشا

**lightspeed** · 14-03-2008 01:58 AM

يا جماعه ياريت لو حد عنده جولف 3
يفدنى فى توافر قطع الغيار ومتوسط اسعار قطع الغيار؟ والعربيه تعملها كام دلوقتى؟
واسف لكتر الاسئله

**fahd_628** · 14-03-2008 02:14 AM

بص كدة على اللينك دة علشان تعرف حدود الأسعار

http://www.car100100.com/search.php?...=&so=car.mo_id

**Ahmed Hassan** · 14-03-2008 03:07 AM

المشاركة الأصلية كتبت بواسطة lightspeed

يا جماعه ياريت لو حد عنده جولف 3
يفدنى فى توافر قطع الغيار ومتوسط اسعار قطع الغيار؟ والعربيه تعملها كام دلوقتى؟
واسف لكتر الاسئله

انت مش بتقول جولف 86؟!! دي كده مش جولف 3... دي جولف 2

عموما لو جولف 2 حتى لو موديل 90 يبقى ايبيزا طبعا

**lightspeed** · 14-03-2008 11:42 AM

المشاركة الأصلية كتبت بواسطة fahd_628

بص كدة على اللينك دة علشان تعرف حدود الأسعار

http://www.car100100.com/search.php?...=&so=car.mo_id

شكرا يا با شا على اهتمامك

**lightspeed** · 14-03-2008 11:47 AM

المشاركة الأصلية كتبت بواسطة Ahmed Hassan

انت مش بتقول جولف 86؟!! دي كده مش جولف 3... دي جولف 2

عموما لو جولف 2 حتى لو موديل 90 يبقى ايبيزا طبعا

شكرا ليك يا باشا
وانا عارف اللى انا بسأل عن الجولف3 لانى شايف انها احسن حاجه تجمع بين العربيتين اللى انا بتكلم عليهم(مع العلم بفرق السعر)
بس المشكله انها مش منتشره اوى وده يسبب مشكله فى قطع الغيار (من حيث توافرها وسعرها)
فكنت عاوز اعرف هى متوافره ولا لا
عشان لو حاجه لقدر الله باظت معدش الف الكره الارضيه عليها

**ms3111** · 14-03-2008 11:50 AM

ابيزا طبعا على اى اساس فى كذا حاجة علشان تعمل مقارنة بين الجولف 2 و الابيزا و على العموم الجولف 2 قطع غيارها متوفرة و موجودة و الجلف ليها متعة خاصة فى سوقتها الى ركب جولف وركب ابيزا ممكن يقلك الجولف طبعا احسن و خاصة لو موتور 1600 أو 1800 Gti العربية الجولف دية عايز اقلك انها تحفة فى سحبها وتسقيط الغيارات فيها تحس فعلا بقوة الموتور الالمانى

**lightspeed** · 14-03-2008 01:25 PM

شكرا على اهتمامك
بس انا كنت بسأل عن توافر قطع غيار جولف3 مش جولف 2
عشان جولف 3 مش منتشره قوى
وربنا يسهل

**mohamed ibiza** · 15-03-2008 12:00 AM

بالنسبة لسؤالك عن جولف ولا ابيزا انا عن نفسي كمالك ابيزا 94 اول يد اقدر اقولك الاتنين جامدين انا هعملك تقسيمة و قولي رأيك ايه....
-لو انت عايز جري :تبقي جولف 3 1600 سي سي مش معني كده ان الابيزا مبتجريش لا بس 1600 عن 1300 يفرق
-لو عايز شد و قرص:الاتنين سدادين في الشد و القرص انا مسكت لانوس و كولت عربيات احدث و سي سي أعلي و أحصنة أعلي فرتكتهم و البركة في العزم الشديد....
-الشكل:تبقي الابيزا بدون كلام كتير....
-توافر قطع الغيار:انا مواجهتش اي مشكلة في اي قطعة غيار احتاجتها حتي الكونصول بتاعي لما اتسرق و جالنا تابلوه كامل لان مفيش كونصول لوحده بيتباع مكانش في مشكلة قطع غيار الجولف متوافرة علي حد علمي....
تجربة الاتنين:انا مجربتش الجولف عشان الامانة لكن انا بقولك تجربة والدي ليها و الكلام ده كان من مدة مش بسيطة والدي اداها وصف الوحش لانه جربها في طريق سفر ثبات هايل و جري جامد عن تجربتي للابيزا بستمتع بالعربية دي جدا بداية من سرعة 110كم\ساعة حلو الكلام..110 احساس انك جريك معقول 120 انت بتعدي 130 الله عليكي..140 اديني اكتر تلاقي نفسك بتعدي 1400 و 1600 سي سي 145 العربية استفذتني جامد عايز ادوس ايه الثبات المرعب ده متحسش ان دي 145.......150كم\ساعة يا جمالك يا صراحتك......160كم\ساعة انا طاير و العربية افشة في الارض زي القرد و هو ماسك في امه..............170كم\ساعة و السرعة دي للامانة والدي هو اللي جابها السرعة دي هي اللي خلتني ادي اي حد بالبوكس لو قال الابيزا مش ثابتة...الكلام اللي انا قلته ده احساسي و انا بجري فعلا انا اول ما بركب العربية دي بينتابني احساس اني راكب حبيبتي 318 الشكل القديم بتاع التسعينات وزن خفيف حجم صغير سرعة جميلة و النتيجة ثاااااااااااااااااااااااا بتة
-موقف للدلالة علي الثبات:الطريق:مصر اسكندرية الصحراوي..السرعة:120-130..الحمولة:5 افراد وزن عادي لكن محملة..حرارة الجو:لا تقل عن 40-45 كان يوم حر بغباء..الموقف:انفجار الاطار الامامي يمين علي سرعة تقترب من 130 كم\ساعة...رعب ازلي للركاب منهم انا طبعا العربية منتهي الثبات كان حقها تقلب الله وحده هدي والدي انه يوجه الدركسيون ناحية جزيرة الرمل و نزلنا في الرمل بأمان..النتيجة:المقص الادماني يمين كان حقه يدمر اللي حصله مجرد ثني تم استعداله و مشينا بيه شوية و غيرناه و لحد الان زي الفل....
التحمل و الشقاء:العربيتين دول (جولف-ابيزا) قدرة عجيبة علي التحمل بتجربة كل الناس انا غيرت مساعدين في السنة ال12 غيرت بلي ادام في السنة ال14 هغير كبالن كمان شهر تقريبا (الحاجة اللي اتغيرت كلها كانت فابريقة و الكبالن كمان فابريقة)الموتور بيشقي عامل 391 الف كيلو زيت ال 5000 بيتغير بعد 7000 و ده يبقي قليل وصلت ل 12 الف قبل كده اهمال شديد للعربية نظرا لضيق الوقت الموتور متحتش فيه مفك لحد دلوقتي 391الف كيلو و فابريقة هعمل شنبر الشتاء اللي جاي....

ارجو اني اكون افدتك جامد بالنسبة ل ابيزا و علي اد ما اقدر بالنسبة للجولف الاتنين زي الفل و ربنا يوفقك معلش طولت عليك................

Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzzzzzzzaaaaaaaaaaaaaaaaa For Ever