الموضوع: ايهما افضل الجولف ام الابيزا؟

المشاركة الأصلية كتبت بواسطة mohamed ibiza

بالنسبة لسؤالك عن جولف ولا ابيزا انا عن نفسي كمالك ابيزا 94 اول يد اقدر اقولك الاتنين جامدين انا هعملك تقسيمة و قولي رأيك ايه....
-لو انت عايز جري :تبقي جولف 3 1600 سي سي مش معني كده ان الابيزا مبتجريش لا بس 1600 عن 1300 يفرق
-لو عايز شد و قرص:الاتنين سدادين في الشد و القرص انا مسكت لانوس و كولت عربيات احدث و سي سي أعلي و أحصنة أعلي فرتكتهم و البركة في العزم الشديد....
-الشكل:تبقي الابيزا بدون كلام كتير....
-توافر قطع الغيار:انا مواجهتش اي مشكلة في اي قطعة غيار احتاجتها حتي الكونصول بتاعي لما اتسرق و جالنا تابلوه كامل لان مفيش كونصول لوحده بيتباع مكانش في مشكلة قطع غيار الجولف متوافرة علي حد علمي....
تجربة الاتنين:انا مجربتش الجولف عشان الامانة لكن انا بقولك تجربة والدي ليها و الكلام ده كان من مدة مش بسيطة والدي اداها وصف الوحش لانه جربها في طريق سفر ثبات هايل و جري جامد عن تجربتي للابيزا بستمتع بالعربية دي جدا بداية من سرعة 110كم\ساعة حلو الكلام..110 احساس انك جريك معقول 120 انت بتعدي 130 الله عليكي..140 اديني اكتر تلاقي نفسك بتعدي 1400 و 1600 سي سي 145 العربية استفذتني جامد عايز ادوس ايه الثبات المرعب ده متحسش ان دي 145.......150كم\ساعة يا جمالك يا صراحتك......160كم\ساعة انا طاير و العربية افشة في الارض زي القرد و هو ماسك في امه..............170كم\ساعة و السرعة دي للامانة والدي هو اللي جابها السرعة دي هي اللي خلتني ادي اي حد بالبوكس لو قال الابيزا مش ثابتة...الكلام اللي انا قلته ده احساسي و انا بجري فعلا انا اول ما بركب العربية دي بينتابني احساس اني راكب حبيبتي 318 الشكل القديم بتاع التسعينات وزن خفيف حجم صغير سرعة جميلة و النتيجة ثاااااااااااااااااااااااا بتة
-موقف للدلالة علي الثبات:الطريق:مصر اسكندرية الصحراوي..السرعة:120-130..الحمولة:5 افراد وزن عادي لكن محملة..حرارة الجو:لا تقل عن 40-45 كان يوم حر بغباء..الموقف:انفجار الاطار الامامي يمين علي سرعة تقترب من 130 كم\ساعة...رعب ازلي للركاب منهم انا طبعا العربية منتهي الثبات كان حقها تقلب الله وحده هدي والدي انه يوجه الدركسيون ناحية جزيرة الرمل و نزلنا في الرمل بأمان..النتيجة:المقص الادماني يمين كان حقه يدمر اللي حصله مجرد ثني تم استعداله و مشينا بيه شوية و غيرناه و لحد الان زي الفل....
التحمل و الشقاء:العربيتين دول (جولف-ابيزا) قدرة عجيبة علي التحمل بتجربة كل الناس انا غيرت مساعدين في السنة ال12 غيرت بلي ادام في السنة ال14 هغير كبالن كمان شهر تقريبا (الحاجة اللي اتغيرت كلها كانت فابريقة و الكبالن كمان فابريقة)الموتور بيشقي عامل 391 الف كيلو زيت ال 5000 بيتغير بعد 7000 و ده يبقي قليل وصلت ل 12 الف قبل كده اهمال شديد للعربية نظرا لضيق الوقت الموتور متحتش فيه مفك لحد دلوقتي 391الف كيلو و فابريقة هعمل شنبر الشتاء اللي جاي....

ارجو اني اكون افدتك جامد بالنسبة ل ابيزا و علي اد ما اقدر بالنسبة للجولف الاتنين زي الفل و ربنا يوفقك معلش طولت عليك................









Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzzzzzzzaaaaaaaaaaaaaaaaa For Ever

اولا انتا مطولتش عليا خالص انتا افدتنى كتيييييييييييير وانا اللى مفروض اقولك معلش على ايدك اللى وجعتك من الكتابه
فشكرا على اهتمامك وتعاوتك
وجامده اوى التقسيمه اللى انتا عاملها(وافهم من كلامكم انوا لو لقيت ابيزا 1600 يبقى تمام اوى) بس فى سؤال(لما كانت العربيه شايله 5 افراد كانوا اعدين مستريحين فى العربيه؟)

المشاركة الأصلية كتبت بواسطة ahmed1981

الجولف 2 وحش من الوحوش
الابيزا تعتبر بنت عمها

ولكن رأيي دور على الحالة الأنظف ويفضل الموديل الأحدث وهذا الكلام ينطبق على الإثنين

شكرا يا باشا على ردك
واللى مخلى المقارنه بينهم صعبه انهم ولاد عم

المشاركة الأصلية كتبت بواسطة mars3v

جولف 3 مش بتاعت جرى ، حرام ترمى فلوسك فيها

شكرا يا باشا على النصيحه
بس الكلام ده عن تجربه؟

المشاركة الأصلية كتبت بواسطة mars3v

انا لسه شارى جولف 3 من اسبوعين، الموتور 1.8 بس 8V فامخلى العربيه مخنوقه و مش بتجرى، الموتور الوحيد اللى 16V هو الABF و مش هتلاقيه او تروح تجيب Vr6 اللى هو 2.8 بس خرابة بنزين...ده غير ان قطع غيار الجولف 3 مش موجوده فى مصر و العربيه مش منتشره... و زى ماقولتلك، مواتير الجولف 3 مش بتاعت جرى

شكرا ياباشا على سرعه ردك
وفعلا الجولف 3 مش منتشره وده يسبب مشكله فى قطع الغيار(بس انا سمعت انها موجوده فى الحرفين)وربنا يقدم الى فيه الخير