حادثة بسيطة بس من بعدها العربية مش مظبوطة

**hamada2310** · 29-07-2010 12:10 PM

كنت ماشى بعربيتى البيتلز فى أمانة الله على 80 و فجأة لقيت واحد راكب موتوسيكل و معاه صاحبه و بيحدفوا اقصى اليمين طبعا انا كنت قبليهم بخمسة متر ولا حاجة معرفتش اتفاداهم و و رحت اقصى اليمين برده و حكيت فى الرصيف و النتيجة انى خبطتهم بالرفرف الشمال و حتة من الكاوتش و اتقلبوا فى نص الشارع و الحمدلله محدش قاللى نص كلمة لانهم غلطانين بس المشكلة,
بعد ما طلعت ماشى بيها لقيت العربية مش متزنة خالص و لقيت وضعية الدركسيون متغيرة يعنى كنت الاول و انا ماشى بشوف عداد السرعة لو العربية فى خط مستقيم دلوقتى الدركسيون عدلته لفيت فا ياريت يا جماعة تقولولى هل دى مشكلة تظبيط زوايا واتزان ولا حصل حاجة فى علبة الدركسيون .افيدونى افادكم الله

**tareksakr** · 29-07-2010 12:58 PM

روح لحد بتاع زوايا هيقولك ايه اللي باظ ممكن المقص أو بارة الدركسيون بس لازم تكشف علي العفشة عشان تعرف ايه اللي باظ

**hamada2310** · 29-07-2010 04:13 PM

متشكر يا باشا على ردك الكريم

**hosamsief** · 29-07-2010 04:57 PM

اولا الف سلامك عليك و الحمد لله انها بتيجى فى الحديد .......
ثانيا شوف العفشه الاول اهم حاجة قبل ما تروح تظبط زوايا علشان لو ظبطت زوايا و فى مشكلة فى العفشه يبقى كأنك معملتش حاجه خالص ........................