حادثة بسيطة

**Tiger77** · 16-07-2011 10:52 AM

صباح الخير يا أعزائى
إمبارح عملت حادثة بسيطة بالعربية كنت ماشى عند سوق العبور والطريق كان شبه متوقف وواحد عظيم فى السواقة دخل فى العربية من الخلف - انا لما نزلت من العربية كنت خايف ابص اشوف الشنطة لان الخبطة كانت حقيقى جامدة بس لقيت ربنا ستر والخسائر كلها شوية خدوش بسيطة فى الرفرف الخلفى بالإضافة ان الرفرف نفسه اتلخلخ شوية من الجانب الايمن - وطبعا كعادة السائقين المحترمين اللى بنتعامل معاهم السواق الاول كان خايف يرد عليا ولما لقينى حمدت ربنا ان الخسائر بسيطة وقولنله توكل على الله حاول يقنعنى ان انا الغلطان مش هوه - ما علينا - احنا مش هامغير طبيعة الناس 0 المهم - أنا عايز أثبت الرفرف يا ترى اثبته فى التوكيل خلال الصيانة الجاية علشان يتعمل بنضافة مع ان كلام الاعضاء على ورشة السمكرة فى التوكيل ما يطمنش والا اروح اعمله عند اى حد بره - برجاء الافادة وشكرا

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداهلات الإدارية
الرجاء مراجعة قوانين المنتدى
مشرف عام 2

**engahmedamin** · 16-07-2011 12:30 PM

فى خمس كلمات : لو سمكرة ابعد عن التوكيل !

**miromido75** · 16-07-2011 12:31 PM

برة طبعا
دة توكيل على ماتفرج و عن تجربة
و قدر الله و ما شاء فعل

**Xlance2010** · 16-07-2011 02:21 PM

الحمد لله انها جت على كده وانا ارى ان السمكرة والدوكو بره التوكيل افضل بكتير وارخص ايضا والوقت اقل والف سلامة على لوجانتك الجميلة

**Super_Star_h** · 16-07-2011 02:50 PM

قانونآ هو اللى غلطان
اي شخص يلبس فيك من الخلف هو اللى غلطاااان
بسيطه الحمد لله واعمله عند اي حد بره وابعد عن التوكيل

**MOUSTAFA_SAAD** · 16-07-2011 06:33 PM

الحمد لله انا جت على كده اعملها بره وريح دماغك

**gebreel** · 16-07-2011 08:32 PM

حضرتك قصدك اكصدام مش رفرف مش كدة؟ اللي هو بيتعلق فيه النمر؟

عموما السمكرة اعملها برة بس لو على تثبيت اكصدام مش قصة هتتعمل و انت واقف بكلبسات من عندهم و الدنيا هتظبط لكن لو رش او رد ابعد نهائي عن التوكيل

**best2010** · 17-07-2011 01:06 AM

حصلت معايا بس اظرف كمان .. كنت واقف فى البارك اللى قدام الشغل وسمعت فرمله جامدة وبعدين خبطة اجمد .. نزلت وانا متخيل انى هشوف الشنطة متطبقة ولكن الحمد لله ما لقيتش غير شوية خدوش بسيطة فى الأكصدام ومن فرحتى ان العربية سليمة بعد الخبطة الجامدة دية قولت للراجل حصل خير ..
اما حكاية السمكرة دية فأنا على جد معلوماتى ان التوكيل بيستسهل انه يغير رفرف اة اكصدام عن السمكرة وده هيكون فى مصلحتك لو انت مأمن اما لو مش مأمن يبقى ورشة نظيفة برة ارخص بكتير