الموضوع: شكر خاص ل momo10000 اجدع شخصية قابلتها فى حياتى

ازيكم يا وحوش يا رب تكونوا كلكم بخير

نخش فى الموضوع بقى

من كام يوم عشت اسود يوم فى حياتى ... لية بقى

طبعا عشان عربيتى الميجان عطلت فى طريق اسكندرية و عينك بقى ما تشوف الا النور ... 9 ساعات واقف لحد لما الونش جية رفعها لحد فرنش موتورز

هناك بقى شفت احلى كلام لية بقى ... اولا العربية كانت بتجيب رسالة Electronic Fault و مش بتدور دية بسيطة عشان فية فيوز فى اوطاش البطارية بايظ . ماشى يا عم غيرة

بس مش دى المشكلة ... المشكلة ان العربية بتجيب رسالة Check Injection و ال RPM مش بعلى عن 2.5 و انت جايب الدواسة للاخر ... اية يا عم المشكلة قالك حنحط على الجهز و نشوف و طبعا الجهاز مجابش حاجة

فقالك هنغير البوجيهات و نشوف .. غير يا عم .. بردة نفس المشكلة طيب قالك هننضف بوابة الهوا و نغير فلتر الهوا و نشوف .. غير يا عم .. بردة نفس المشكلة ..

قالك بص بقى دى اكيد طرمبة البنزين عشان ضغطها ضعيف هنغيرها و نغير فلتر بنزين كمان .. و طبعا انا على نغمة واحدة غير يا عم ..

و بردة نفس المشكلة قعدوا يلعبوا شوية كدة و يفكوا حجات و يركبو حاجات و فى الاخر لقيت واحد جايلى بدواسة البنزين و بيقولى ثروتيل الدواسة دية بايظ و مش موجود عندنا ولا فى التوكيل هنبعت نجيبو بس هياخد وقت

لحد هنا و قلتلهم طيب شكرا و قمت ماشى قلت اعمل اية قلت اكلم الوحش (بفتح الواو) ايمن

المهم حكيتلوا على السيناريو كلة و معجبهوش الكلام و قام واصفلى واحد من رجالتة الى قام باحلى واجب

المشكلة يا جماعة فى الميجان الى اكتشفتها ان مش اى حد يدورلك العربية بعد ما كانت عطلانة يبقى بيفهم فيها... لازم يكون واحد عارف كل سلك فيها رايح فين و جاى منين و وظيفتة اية بالظبط.. ممكن العربية تدور و تبقى شغالة و الكمبيوتر مش جايب اى حاجة و هى فيها مشكلة كبيرة.

بس بردو الملك مومو اول لما شاف العربية قالى هى حاجة من اتنين يا اما الكمبيوتر بتاع الانجيكشن يا اما الفيش و الضفيرة بتاعتة.

لا و اية كمان طلعت دعوتة مستجابة عشان قالى يا رب ميطلع الكمبيوتر عشان غالى و صعب نلاقية.

فطبعا عشان نتاكد المشكلة فين قلنا لازم نجيب كمبيوتر نجرب بية قام الراجل مستلف واحد تانى يوم و جرب بية فلقينا نفس المشكلة طيب الحمد لله المشكلة مش فى الكمبيوتر

قلنا قبل منلعب فى الضفيرة نجيب ثروتيل بدال بنزين نجرب بية و الراجل قام جايب واحد لاينا نفس المشكلة بردو

كدة يبقى اية اكيد المشكلة فى الضفيرة.. قام الراجل قلنا يلا نروح و بكرة ان شاء الله هجيب مانيوال للضفيرة دى عشان نعرف انهى سلك الى يعمل المشكلة دى

و جبنا المانبوال و فعلا طلع فية سلك ملمس فى فيشة من الفيش بتاعة الكمبيوتر

غيرنا الفيشة و كلة رجع زى الفل

هى العربية قعدت تلات ايام على اما اتصلحت .. كل يوم كان ايمن موجود فى الورشة قبل انا ماجى عشان يطمن

هو لسة فية جدعنة كدة؟؟؟!!!

انا اساسا عامل الموضوع دة عشان بس ابين امتنانى (حلوة امتنانى دية) اللانهائى (حلوة بردو) باستاذ ايمن

بجد اجدع شخصية قابلتها فى حياتى كلها