الموضوع: التنتيش من الكاربراتير و لا الاسبراتير .. كمية جهلة قابلتها فظيعة

السلام عليكم الاخوة الأفاضل
اخيكم عمرو يستغيث بكم
اشتريت سيارة سوزوكي ماروتي 2009
كان فيها سنتر و انذار ماشي و العيال فى الشارع فضلوا مشتغلين العربيه لغاية ما حروقا السنتر
العربية كانت بتترج احيانا و هي ماشيا
المهم قالولى ان ده شغل بوجيهات و علشان السنتر و الانذار يشتغل لازم تجيب كارت بيانات ليه
روحت من شهر جبت طقم بوجيهات و كوندنسر و ابلاتين و ركبتهم و العربية مشيت 100 100
المهم من كام يوم راح قريبي خد العربية و هى مفيهاش بنزين يا دوب
المهم بطلت منوه بنزين راح جابلها من البنزينة جركن و شغلها بس بعد ما طلعت عينوه عالبال ما اشتغلت و مشيت
راحت المدام خدتها مشوار و كانت شغالة كويس و مفيش اى مشكلة
المهم بعد ما خلصت المشوار جت تدور العربية
الموتور يشتغل و يبطل فى ساعتها مجرد ما يلف لفة كده يا دوب يبطل
و مرضيتش تشتغل ابدا

المهم روحت جبت ميكانيكي
فتح الكابوت
و فك العمة و حط ايدوه على الكاربراتير و بدأ يشد زي سلك عامل زي سلك الفرامل اللى فى العجلة العيالي كده و الموتور يعمل صوت جامد جدى فووووون فووووون
و قالنا بطل العربية و دور و تمام اشتغلت 100 100 مسك الفلتر بعدها اللى جو العمة و نضفوه و قالنا الفلتر ده عايز يتغير علشان مليان اوي و قالنا الكاربراتير عايز يتحل و ينضف علشان مينفعش نعمل ده و العربية سخنة لازم تبات عندوه و يحل الكربراتير بعد ما يبرد علشان ده الومونيا و تبأبأ لو اتحل و هو سخن
المهم المدام قالتوه عايزين نركب كارت البيانات ده
طبعا هو قال مفيش مشكلة
و خد العربية معانا عالورشة و العربية كانت ماشية فلة

هناك فك العمة و الكاربراتير و شوفت الكاربيراتير ده عامل زي قلب الانسان من جوه
المهم فنخ فيه هوا
و وجد قطعة نحاس اسطوانية طولها 1 سنتمتر و قطرها الدائرى حوالى 0.4 سنتى يعنى 4 ميليمتر
قال مش عارف دي منين المهم قالى شكلها مش بتاعت الكاربراتير

طبعا انا قولت ادينى قابلت مفكر كبير
المهم نفخ الكابراتير من جوه
وقفلوه و شغل العربية عملت صوت غريب كان فى رومان بلى متكسر بيحك فى بعض
صوت خبط معدنى غريب المهم صوت مش طبيعى خالص بس المهم شكل حاجى بتخبط فى بعض

طبعا اتلبخ و انا قولت ادخل و انقذ الموقف
قولتلوه القطهة النحاسيية دي اكيد من داخل الكاربيراتير نشوف اى خورم على ادها
المهم لقينا خورم على ادها و حطيناها فيه
و الصوت هدي و الحمد لله
معرفش ليه بأه المفكر الكبير راح على الاسبراتير و فك المسمار و زحزح الجزء الالأعلى منوه سنة صغنونة و ده ليه مش عارف

اثناء ده الكهربائي اللى فاتح جنبوا جه و اشتغل فى موضوع السنتر و الانذار
قالى الكارت ده مش بتاع اللانذار ده و اللى راكب صينى و المشكلى مش فى الكارت ده الكارت اساسا سليم لكن الانذار هو اللى بايظ و قالى هشغلم السنتر بالمفتاح يعنى اقفل الباب كل المسوجرات تنزل مع بعض علشان كان واحد مفكر كبير قبل كده ألف فى العربية و فصل السنتر

و شال مكعبين لونهم اسود هما تقريبا الانذار و الكارت بتاعوه اللى نص البلد بتقول الكارت بايظ و النص التاني بيقول الكارت ده سليم و المشكلة فى الانذار نفسوه و مشي الكهربائي

طلعنا نجرب العربية ( لكنن لاحظت و اخنا ماشين من الورضة نادا على واد من ورشة بعديه بشوية بتاع 20 متر و قالوه هات مفتاح 12 ليه مش عارف )
العربية بتنتش جامد يهنى بتعمل هزهزه و خصوصا لما تيجي تشد بالعربية او بتنقل من اول لتاني و من تاني لتالت لكن السواقة فى الأول عالهادي او سواقة الزحمة تلاقى العربية ماشية سلانسية

المهم وقف بالظبط 7 مرات و كل مرة ينزل يزحزح الاسبراتير و ده طبعا بالمفتاح اللى 12 اللى استلفوه
انا الفار لعب فى عبي علشان شغلتى فى الحياة ان اشك فى الناس اساسا
ما العربية ما كنتش بنتنتش و ده لما كان فك العمة و عمل ما يعرف باأمبلية بايدوه فى الكابريراتير
ده فى اول مرة جه معايا مطرح ما العربية كانت راكنة فى الشارع ( يعنى فى الأول خالص)

المهم بعد 7 مرات تظبيط العربية بأت تنتش بس مش جامد اوي لأن التنتيش فى الأول كان فظيع و بيوجع الظهر و نتا قاعد فى العربية

قولتلوه ده نتيجة الاسبراتيرو تحريكوه
قالى لا ده علشان الكاربيراتير
قولتلوه يمكن من شغل الكهربائي لما فصل اللانذار و السنتر و خالا قفل المسوجرات كله بالمفتاح بس ؟؟ قالى لا ده الكاربيراتير عايز يتفك و هو بارد و ينضف

السؤال
هل التنتيش ده من الكاربيراتير و لا من عدم ظبط الاسبراتير ؟
متنساش ، ان البنزين فضى خالص قبل ده بيومين و قريبى جابلها بنزين فى جركن

هل دي مشكلة الكاربيراتير و لا من الاسبراتير
مشكلة كهرباء و لا ميكانيكي

و ياريت اعرف ميكانيكى مش مفكر كبير علشان انا قابلت كمية رهبية من المفكرين اللى واخدنها عافية مش زي ما الخواجة عملها

متشكر