مساء الفل ياشباب
إنهاردة و انا منتظر العصير يتعمل قولت لما أركن العربية على جمب عشان قافلة السكة المهم لقيت واحد بينده عليا بصيت لقيتها أسترا رصاصى و لقيت عماد ركن و نزل سلم عليا فى أسرع مقابلة فى المنتدى ما مكملتش دقيقة و جيه مفتش الداخلية بنفسه فض المقابلة عشان عماد كان قافل الشارع بالعربية "إبقى إركن على جمب يا كبتن"
كنت لسة هقوله تعالى أعزمك على عصير مشى بقى عشان كان صايم
و انا بحتسى "حلوة الكلمة دى" العصير كان معايا واحد صاحبى من منوف و كعادتهم دبسنى فى الحساب
لقيته بيقولى الأوبل دى تركب و خلاص مش بتاعت شغل
بكل هدؤ بقله ليه لقيته بيقولى كل لما أدخل عندكوا المنتدى ألاقى واحد بيقول العربية باظ فيها إيه , العربية مارضيتش تدور , العربية بتسخن
وبعدين بص على عربيتك الإزاز بايظ و الكمبريسور بيطلع صوت عالى البلى بتاعه باظ بعد 9 سنين بس و مش أى حد بيفهم فيها
و بم إنه عنده بيجو 504 قالى بص على منتدى بيجو هتلاقى الناس كلها بتقول أنا جددت انا غيرت أنا ظبطت و الصراحة عنده حق
إنتوا إيه رأيكو فى الموضوع دا


و لو إتنين يعرفوا يعملوا مقابلة أسرع من دى يقولوا