الموضوع: ام بتعلم بنتها قلة الادب و البجاحة ... هي الدنيا جرى فيها ايه؟؟

المشاركة الأصلية كتبت بواسطة skybird

المشكلة ان الناس فاكرة انها رسل وان الناس كلها رعيتها
حدود الامر والنهي مهمة الراعي عن رعيته


عَنْ ابْنِ عُمَرَ
عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ أَلَا كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ فَالْأَمِيرُ الَّذِي عَلَى النَّاسِ رَاعٍ وَهُوَ مَسْئُولٌ عَنْ رَعِيَّتِهِ وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْهُمْ وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ أَلَا فَكُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ (رواه مسلم)



قطعا لا
اساسا لن يحدث ان شاء الله
وفرضية شخصكم الكريم مرفوضة مني شخصيا

المشاركة الأصلية كتبت بواسطة sherlock

بالطبع لا , سلوك الأم غير حضارى بالمره لكن الموقف كله خطأ فى رأيي .

أنا لست ضد ( تغيير المنكر ) كما ذكر بعض الاخوان الافاضل , لكن اعطاء النصائح لاناس لا اعرفهم ؟ هذا يعتبر تدخل فى شئون الغير بدون نقاش , أحيانا الناس تتقبل النصيحه بصدر رحب واحيانا رد الفعل يكون غير جيد و غير حضارى بالمره .

يعنى كمثال بسيط للأخوه ( الى بيعترضوا وخلاص ) , بالبلدى كده لو حد وقفك فى الشارع وانت متعرفوش و قعد ينتقد اى حاجه فى لبسك او فى شكلك وحاول انه ينصحك , رد فعلك هيكون ايه ؟ اعتقد اقرب كلمه ممكن تتقال " وانت مالك " .

يا جماعه بلاش نقفل دماغنا و نقعد نقول شعارات .

يعني حضراتكو انتو الاتنين متفقين على ان سلوك والدة البنت في رد فعلها كان غلط و لا يصح ، طب دة شىء جميل

و حتى لو زي ما انتو بتقولو ان الست كبيرة السن دي مخطئة في تقديم النصيحة لحد هي ماتعرفوش فا دة مش معناه اطلاقااااااااااا ان ام البنت من حقها انها تتصرف بالمنظر اللي هي اتصرفت بيه دة على الاقل احتراما لفرق السن حتى لان الست الكبيرة دي في مقام والدتها

و زي ما انا قلت قبل كدة كان ممكن ترد بهدوء و ذوق و تقولها لو سمحت محدش يوجه لبنتي نصايح احنا حرين مع بنتنا بدون صوت عالي و شرشحة و قلة ادب

اكيد حضراتكو اتعرضتو لموقف ان حد كبي وجهلكو كلام مش عاجبكو و انتو قلتو حضرتك عشان راجل كبير و اد والدي انا مش هارد عليك ( احتراما لفرق السن ) ؟؟؟ ولا ايه

.