الموضوع: ام بتعلم بنتها قلة الادب و البجاحة ... هي الدنيا جرى فيها ايه؟؟

المشاركة الأصلية كتبت بواسطة sherlock

دا انت كده بقى بتوقف اى حد بتشوفه فى الشارع مش لابس تمام ولا ايه ؟
دا الكلام الى انت بتقوله دا هو الى جايبنا ورا .

اكتر حاجه بتغيظنى بجد هو التدخل فى شئون الغير والفضول الغريب الى عند الناس .

لما الراجل يقول إن (الأمر بالمعروف والنهي عن المنكر فرض عين على المسلمين) وإنت تقوله إن الكلام ده هو اللي جايبنا ورا..يبقى إنت كده بتهاجم حكم شرعي مستقر

الأمر بالمعروف فرض كفاية على عموم المسلمين..إذا قام به البعض سقط الوجوب عن الباقين وبقى الاستحباب..وإذا لم يقم به أحد أثم الجميع كل بحسب قدرته.....

فإذا حضرت مكان فيه منكر وكنت وحدك أو لا يستطيع غيرك تغييره يتعين عليك تغييره حسب قدرتك
وإذا كنتم مجموعة فقام به البعض فيسقط الوجوب فقط ويبقى الاستحباب..وإذا قصرتم جميعا أثمتم جميعا كل منكم بحسب قدرته

المشاركة الأصلية كتبت بواسطة donzi

اولا احب اصحح لحضرتك فهمك للموقف لان ماكنش في نزاع من الاصل دة كان مجرد كامتين من طرف واحد اللي هو الست الكبيرة و ماكنش في حد في التواليت غير والدتي و الست الكبيرة و البنت
ثانيا حضرتك تفتكر ان لو الست كانت كلمت البنت في عدم وجود اي حد دة كان فرق في الموقف باي شكل من الاشكال ؟؟ لو حضرتك راجعت الموقف تامي هاتلاقي ان البنت نفسها مامنش ليها اي رد فعل على الاطلاق دي سمعت الكلمتين و خرجت و مامتها جت بعدها بكام دقيقة تهلل و تشرشح من غير ما تراعي انها بتكلم ست اد والدتها قدام الناس من على باب التواليت مش جواه
ثالثا مامة البنت دي لو مش عاجبها النصيحة و متضررة منها اوي يعني كان ممكن تيجي بهدوء و تقول للست الكبيرة لو سمحت مالكيش دعوة ببنتي تاني و ماتوجهيلهاش اي كلاو ، بدون بقى الاسلوب الوقح و الصوت العالي و الكلام اللي مالوش لزمة




سؤال بقى ل largeman و skybird و sherlock

لو اي واحد من حضراتكو اتحط في الموقف دة يعني بنتو او اختو كانت في الموقف دة كنتو هاتقومو تهزأو واحدة ست كبيرة او حتى راجل كبير في سن ابوكو بالمنظر دة عشان و جهلكو نصيحة لوجه الله ؟؟؟؟؟

هو انا لو حد وجهلي نصيحة و ماعجبتنيش هل دة يديني الحق اني اغلط فيه و ماحترمش اللي اكبر مني !! دي نصيحة يا اساتذة مش امر يعنى ياما اخد بيها يا اما لا و بس و انتهى الموقف على كدة


.

لأ طبعا يا دونزى لا يمكن اوجه اي كلام لست كبيرة او راجل كبير اي كلام من ده اطلاقا لكن كنت لازم اعرف مين اللي كلم بنتي او ابني ووجه له كل الكلام ده عشان اقوله ان المتدين النموذجي يخليه في نفسه افضل و يعمل لنفسه لأن هو اللي هيكون واقف قدام ربنا عشان يتحاسب عن اعماله مش عن اعمال الغير لأن في مساجد و في كنائس هي اللي بتوجه الشعوب و هما المسئولين عن نفس كل واحد في كل بلد يبقي معني ان الست الكبيرة ديه تدخلت في حياة البنت الشخصية و ده طبعا تدخل في حريتها
حضرتك البنت ديه اشترت ملابسها و معها والدتها و كمان والدها شايفها نازلة بيه من البيت يبقي مش معقول بعد كل الناس الكبار دول هتيجي انتي و تنصحيها
معلش الست الكبيرة ديه ممكن تقعد مع ابنها في قاعدة و تقعد تزم في مرات ابنها هل ده مش هيكون عند ربنا خطية و هتتحاسب عليها ..
انا مصر علي رأي و هو مش رأي بل مبدأ ... ان كل واحد يخليه في نفسه افضل بدل ما يلاقي ان في ناس يوجهه له كلام جارح زي طبعا الست الكبيرة ما في وجهة نظر البنت انها جرحتها بكلامها مش كدين بل توجيه كلام يفرض علي حريتها الشخصية