DeZir --concept car

**chato_eg** · 31-07-2010 08:46 AM

حتى الآن أنا مش فاهم موقعها من الإعراب...
Is it a supercar ?
guess not
بيقولوا mid-engined coupe
الطريف إنها مجهزة بمحرك كهربائى يعمل على بطاريات Li-Ion زى بتاعة الموبايلات كده
عاجبانى طريقة فتح الأبواب العكسية ( من الأمام للخلف و العكس )..و الخلفية قد تبدو غريبة...لكن بصراحة أصواء الضباب الأمامية مش عارف جابوها منين....آآآه افتكرت..من الميجان II ...
المقاعد المضيئة بتفكرنى بأحذية الأطفال...لكن الغريب عدم وجود تنجيد على الإطلاق
إجمالا..لا تحمل بصمة رينو التصميمية و هى باكورة إنتاج رئيس المصممين الحالى Laurent van den Acker ولهذا تظهر أهميتها لإنها قد تحدد ملامح رينو التصميمية فى المستقبل

بها الكثير من نقاط القوة...لكنها تبدو كتجربة تحتاج للمزيد من الصقل
YouTube - Renault DeZir Concept Electric Car

**Elsarrawy** · 31-07-2010 10:07 AM

الحقيقة التصميمات الفرنسية سواء في السيارت او الملابس او حتى اي حاجه تانية بتتفوق بشكل رهيب عن اي تصميمات في اي مكان في العالم

عندهم روح الابداع والتخيل والقدرة على التنفيذ بشكل رهيب
طبيعة الشعب الفرنسي شعب جميل روحاً وشكلاً دا حتى عنيهم زرقاء يعني الجمال طبيعي من عند ربنا فلازم كل حاجه بيعملوا بتبقى جميله بصراحة

ودايماً تصميماتهم سابقة عصرهم وهو دا الي بيميزهم وبالنسبة للسيارات فهما بردوا بيعشقوا جداً حاجه اسمها السيارت الالمانية وخصوصاً البم ام دبلو علشان كده هما والألمان السبب الرئيسي في تكوين الاتحاد الاوربي لانهم مقتنعين ان اتحادهم مع الألمان هايخليهم اقوى كيان اقتصادي في اوربا ويمكن في العالم

عكس الانجليز مثلاً الي فاكرين نفسهم متميزين ومختلفين عن باقي الدول الاوربية وان بقائهم مستقلين في افكارهم وطبيعتهم دا شيء بيميزهم

الصراحة العربية تحفة وانا اعتقد ان الواحد لو ركبها مش هاينزل منها هايبات فيها حتى شكلها مريحة جداً