حد سمع عن مشروع عمائر مدينة نصر

**OilMan** · 18-08-2010 01:42 PM

يمكن والله واعلم
بس احب ااقول لحضرتك انا كنت حاجز فيلا فيها بس الحمد لله حصل مشاكل معاهم واخدت فلوسى بتاعة الحجز والكلام ده من اربع سنين والمتر كان سعره 2500 تقريبا واحب ااقول لحضرتك انى الموقع زى ما هو من 3 سنوات وانا باعدى من بره عليه يوميا ومحلك سر يعنى نفس العمارة النموذج ولفيلتين الحيلة وكمان المسجد وشكرا
وازاى حيبقى احلى من الرحاب وهو ادام مقابر وكمان طرنش صرف صحى هواه يرد الروح وغير كده الجدول الزمنى فى المشروع يكاد يكون بيسحف وهو ده اللى خلانى صرفت نظر وعملت مشكلة معاهم وغير كده انا روحت حجزت فى الرحاب فى نفس التوقيت وخلاص حستلم يناير اللى جاى تمام حسب ما العقد بيقول يبقى مين احسن بقى وغير كده الرحاب مدينة متكاملة قائمة ومشروع رائع من كله يعنى مش حتخرج بره الا علشان تروح الشغل وترجع فقط
اعذرنى كانت مبالغة منك عندما قلت حتبقى احسن
الرحاب ومدينتى تم عمل دراسة عليهم فى رسالة دكتوراة واخدت افضل تسويق وافضل ادارة عقارية فى مصر
تقبل مرورى وتحياتى

المشاركة الأصلية كتبت بواسطة momohsen

الاسمرات محدش بيشتر فيها عشان المتر وصل اكتر من 4000 جنيه عشان هيبقى زى الرحاب بالظبط و افضل كمان

**age** · 18-08-2010 01:59 PM

انا رحت هناك والمكان معجبنيش خالص لسه صحراء قدامها مش اقل من 10 سنين
وهي بتتسلم سوبر لوككس بس انا شايف ان التشطيب وحش خالص والشقق تقسيمها وحش
انا لا انصح بها

**Adham** · 18-08-2010 02:04 PM

المشاركة الأصلية كتبت بواسطة OilMan

هو ادام مقابر وكمان طرنش صرف صحى هواه يرد الروح

صح جداً

و دة مش طرنش عادي اعتقد ان قدامه طرنش عمومي اللي هوة زي بحيرة من الصرف الصحي بص عليها عالجووجل مابس او ويكيمابيا حاتلاقي مساحتها كبيرة

كان مفروض الشركه تستغل دة في الدعاية و تقول ليك فيو Lake View

المشاركة الأصلية كتبت بواسطة age

انا رحت هناك والمكان معجبنيش خالص لسه صحراء قدامها مش اقل من 10 سنين
وهي بتتسلم سوبر لوككس بس انا شايف ان التشطيب وحش خالص والشقق تقسيمها وحش
انا لا انصح بها

ياباشا مش موضوع تشطيب و لا تقسيم داخلى دة موقع ما يعلم بية الا ربنا صحراء و مقابر و بحيرة صرف صحي و كتايب جيش حواليك كمان

**Angel_wolf** · 18-08-2010 02:12 PM

انا فعلا شفتها المتر فى العمارات الصغيرة متوسط سعره 3000ودة المساحات 103 و 106 و122 اكبر حاجة تشطيب كامل

البحرى الى على الطرب هواء يرد الروح ( كان الميتين صحيوا ) المتر متوسط سعرة 2700 نص تشطيب
انا شفت العمارات الصغيرة بس مش مقتنع بيها حتى ال122 وكمان شقق كتير كاشفة بعضها غير ان جنبك طرب عمرها ما هتتشال هى قريبة من انبى وكل حاجة وكلها سنتين وهتبقى عمار زى هناك بس موضوع الترب دة مقرف اوى

**Adham** · 18-08-2010 02:16 PM

Wikimapia - Let's describe the whole world!

على فكرة طرنش الصرف الصحي مش قريب منة دة الناحية التانية تقريبا انا اتلخبطت

بس مش قريب من انبي خالص

حوالي 3 كيلومتر من انبي

**M.Mosaad** · 18-08-2010 02:23 PM

المشاركة الأصلية كتبت بواسطة adham

بالضبط اللي كنت داخل اكتبة , الله ينور

+1

حد يسكن و سط المقابر مش كفاية انها صحراء

دة الواحد يخاف يسيب مراتة وولاده لوحدهم و ينزل, دة اذا مكانش حايخاف هو شخصياً

و مكان زي دة ميتهيأليش انة حايعمر و لا بعد 20 سنة بسبب المقابر اللي محاوطاة و على الطريق من اول المنطقة الحره لغاية عنده

و محتاج بيت فية عربيتين علشان مش ممكن حد ينزل من هناك من غير عربية و لو عطلت يبقى مشكلة كبيرة

ربما لكن المؤكد ان العمائر دة في المقابر اللي في طريق التجمع

اه ما هما الاتنين جنب بعض و جنبهم كمان مدينه زاهر بس المتر في زاهر و مدينه نصر الجديدة بيوصل 2500 جنيه لكن اعتقد عماير مدينه نصر ارخص شويه

**OilMan** · 18-08-2010 02:50 PM

انا قصدى الطرنش اللى فى منزل المقطم امام حى الاسمرات

المشاركة الأصلية كتبت بواسطة adham

wikimapia - let's descr ibe the whole world!

على فكرة طرنش الصرف الصحي مش قريب منة دة الناحية التانية تقريبا انا اتلخبطت

بس مش قريب من انبي خالص

حوالي 3 كيلومتر من انبي

**MoMohsen** · 18-08-2010 09:58 PM

انا لما رحت سألت على الاسمرات و سمعت ان المتر بـ 4000 جنيه. السعر استفزنى جدا و بدأو يحكولى ان المدينه هيبقى فيها مولات و نوادى و جامعة و كذا وكذا و كل حاجة يشبهوها بالرحاب...انا بوصل بس المعلومات اللى سمعتها لكن لو عليا طبعا متسواش عمرها المبلغ دة.
و الشركة اللى عملاها هى عباد الرحمن و دول فعلا الوقت عندهم فيه بركة غريبه و حسين اكنهم بيعملو توشكو وقدامهم لسه 20 سنه.
انا فى رأيى النخيل او سما ممتازين و مكانهم افضل.

**mahamoh** · 30-08-2010 11:48 PM

انا شايفة انكم بتبالغو جدا وانكم معترضين على الصحراء والمقابر انا بس حابة اسأل هيا مدينة نصر ومصر الجديدة كانت اية فى الاول ماهيا كانت صحرا وكانت اسخن من كدة ميت مرة والى كان بيروح هناك كان بيقولو علية مستغنى عن عمرة انت فى حد يقدر يشترى هناك دلواقتى اما بالنسبة للمقابر فا دى فيها ميزة كبيرة جدا اولا هاتتاكد ان مع مرور الوقت المرور مش هايقف لان الجانب الثانى لا يوجد بة ميانى وطبعا بيقل به التلوث
والاهم ان سعر المتر هناك تحفة 1850 للمتر ووجهات تحفة وكاملة التشطيب وقريبة للدائرى والتجمع والقطامية
وليها مستقبل ملحوظ
وانا واخدة شقة هناك ومقتنعة بيها جدا

**Adham** · 31-08-2010 12:42 AM

لا ميزة فعلا

و كمان الاموات مش حايعاكسوا من البلاكونات

الموضوع: حد سمع عن مشروع عمائر مدينة نصر

LinkBack

أدوات الموضوع

عرض

-

-

-

-

المواضيع المتشابهه

عاوز أعمل مشروع .. زهقت من الشغل .. بفكر ف مشروع مطعم كريب

مشروع عمائر مدينة نصر

شقة للبيع فى مدينة نصر -مشروع الواحة-

عضو من مدينة الاسماعيليه عامل مشروع مغسله العربيات ضروروي

مشروع كسبان 100% أضمن مشروع يدر عليك ربح

الكلمات الدلالية لهذا الموضوع

المفضلات

المفضلات

ضوابط المشاركة