الموضوع: حد سمع عن مشروع عمائر مدينة نصر

ياسيدي الفاضل انا مش عارف الناس دي بتكلم ناس سذج و للا اية

اسكن قدام المقابر علشان اصحى كل يوم الصبح افتح الشباك و قلبي ينقبض من منظر المدافن و شهود القبور

او اصحى على صوات و صريخ و لطم و ناس رايحه تدفن ميت

و تقولك الميزة الهدوء و ان مافيش قدامها زحمه و لا المرور حايقف كأنها مثلا بتتكلم عن شقة على طريق المطار او على الرحاب او شارع التسعين

امال لو فية دفنتين تلاتة في نفس الوقت في الترب حايبقى فية كام عربية و ناس وزحمه و الطريق واقف

و في الاساس كما قلت ليس كل الناس يرضون بالسكن بجوار المقابر

شركة نصابة وبتسرق في المساحات وايه الفايدة لما انت تكون واخد شقة 115 متر والصافي بتاعك يكون 71 متر

وبينك وبين المقابر 500 متر ... يعني لو المتر 2300 كاش وهو سارقك في 44 متر تحت شعار المنافع وكلام النصابين يبقى

يعني انت مسروق في أكتر من 90 الف جنيه فما بالك لو واخدها تقسيط تبقى مسروق في اد ايه

واقسم بالله يا جماعة ليا صديق كان حاجز فيها لغى الحجز واتخانق معاهم علشان موضوع المساحة المسروقة دي

وان شاء الله انا تحت امر أي حد يحتاج إثبات بالرسومات وخرائط المشروع علشان أأكد لكم السرقة اللى هما فيها

وبالمناسبة يا جماعة أقسم بالله العظيم الكلام اللى انا بقوله مفيهوش اي شىء خاطىء واللى مش مصدق ممكن ارفعله صور اي حاجة هو عايزها او هو يروح بنفسه يشوف مستوى التشطيب الزبالة اللى بيقوله عليه سوبر لوكس والمساحات العشش اللى بيقولوا عليها

وأي حد حاجز عندهم يجرب بس يقولهم عايز الغي علشان موضوع المساحة هيقولوا ملناش دعوة انت وافقت اننا نسرقك