الاربي ام بيقل لحد لما يوصل للصفر

**hossam_ggg** · 01-08-2010 10:18 PM

السلام عليكم لوحوش الميجان

انا النهارده حصل معايا عطل غريب في الميجان 2006 مش عارف حله يبدا منين قوللي اعمل ايه

اللي حصل بالتفصيل كالاتي

انا بشغل العربيه زي كل مره من زر التشغيل بتاعها المهم بتشتغل و لكن الاقي الاربي ام يقل لحد لما يوصل للصفر و تقفل العربيه اشغلها تاني فتشتغل و بعدين تهبط تاني لحد ما تقفل لوحدها

اشغلها تاني و ادوس علي البنزين مره و اتنين و تلاته لحد ما تمسك نفسها و متقفلش و فعلا مقفلتش مشيت بيها و روحت مشواري لكن برضه اجي اركن العربيه و اقفلها و ابدا اشغلها تاني يحصل معايا نفس القصه ماتبقاش عايزه تدور من اول مره لازم تهبط لغايه لما تقفل العربية

يا جماعه دي تكون ايه مع العلم البطاريه جديده و العربيه عامله معايا 20000 كيلو بس يعني انا مهتم بيها جدا و هيا علطول في الجراج و الشاشه الكمبيوتر مش بنقول اي عطل موجود

ممكن يكون شوائب في البنزين اللي حاطه مع انه 92 طيب انا اعمل ايه علشان اطلع الشوائب دي من العربيه

حد يبفيدني اعمل ايه انا زعلان علي العربيه جدا

**Ahmed Selim** · 01-08-2010 10:32 PM

غالباً حساس سرعة أو حساس كرنك
راجع الموضوع ده هتلاقى فيه طريقة كنت كتبتها علشان تعرف ده حساس سرعة و لا لأ.

دربكة في rpm للميجان ٢٠٠٥

**hossam_ggg** · 02-08-2010 03:48 AM

طيب حساس السرعه دا بيبقي موجود فين بالظبط

و انظفه ازاي

المشكله يا جدعان ان انا بعيد عن القاهره

انا في اسيوط دلوقتي و مفيش حد هنا بيفهم في النوع دا

ينفع امشي بيها كدا لحد لما اسافر بيها القاهره و لا هاتزيد مني سوء

ساعدوني بليييز

**Ahmed Selim** · 02-08-2010 07:05 AM

أنت جربت الطريقة اللى أنا شرحتها الأول علشان تتأكد أنه حساس السرعة ؟؟؟

**triton** · 02-08-2010 11:08 AM

ده غالبا حساس كامه يا رجاله ... نفس الاعراض حصلت معايا ...

**human** · 02-08-2010 11:18 AM

حساس الكامه زى الاخوه الافاضل ما بيقولوا

**hossam_ggg** · 02-08-2010 11:32 PM

انا فعلا جربت التست اللي انت قولتي عليه

و فعلا انتظمت شويه

بس في الارجح شاكك انه تكون وساخه في البنزين لان الار بي ام مش بيلعب عندي كتير هوا ثابت لكن العربيه بتطفي

و برضه في حد قلي ممكن يكون السوفتوير بتاعي عايز يظبط علي الكمبيوتر

ايه رايكم ؟