الموضوع: لكل اللي بيتصوروا بالردار ( الدخول للاهمية )

المشاركة الأصلية كتبت بواسطة mahmoud_afifi

مع احترامي لجميع اراء الاعضاء. اشمعنى احنا البلد الوحيده في العالم كله الي مكتوب علينا نمشي على 90 في حين ان كل العالم بيمشي اسرع من كده بمراحل ؟
يعني بدل مايعملوا طرق كويسه ويهتموا بالعربيات النقل الي هي المسبب الاول للحوادث زي ماحصل امبارح وحصد ارواح كتيره ويمسكوا فينا احنا المساكين الي لا بنهش ولا بننش ؟

طريق زي اوتوبان في المانيا, الكل ملتزم بالاشارات وحارته وكل واحد يمشي بسرعه زي ماهوا عاوز. وماتلاقيش حوادث كل يوم زي عندنا. وطريق حارتين مش 5 او 6 حارات زي الدائري عندنا
يعني هم من المريخ واحنا الي صح ولا احنا الي من كوكب اخر ؟

الي شايف اني بتكلم غلط يقول عادي وادينا بنتناقش

أولا لسنا وحدنا هنا مصر، السرعات قى دول العالم محددة بسرعات مثل السرعات المطبقة فى مصر، أى أن أعلى سرعة لطريق هى 140 أو فى الأغلب 120 كم/س، و عدا ذلك قهى طرق حرة غير موجودة قى مصر أو معظم الدول لمواصفاتها الخاصة الذى يتطلب تصميم هندسى و انشائى خاص هذا بالإضافة إلى الصيانات المنتطمة و المراقبة الشديدة عليه و خدمات متقدمة.
و بالطيع لا يمكن مقارنة الطرق عندنا بطريق الأوتوبان فى ألمانيا و النمسا حتى مع تطوير بعض الطرق المصرية لتكون طرق حرة فمازالت لا ترتقى لمستوى الأوتوبان- أفضل طريق حر فى العالم. و للعلم السرعة محددة على بعض قطاعات الأوتوبان بسقف محدد لا يمكن تجاوزها و إلا الغرامة القاسية. و كذلك لا يسمح أن تقل السرعة عليه فى بعض القطاعات عليه عن سرعة محددة.
الخلاصة هناك قوانين الكل ملتزم بها عبى الأوتوبان لا تخالف و السبب هو أولا ثقافة الألمان العالية بقواعد القيادة الآمنة و المرور، فهم كشعب ملتزمون لاقتناعهم أن الالتزام سيحقق سيولة مرورية و آمان للجميع، أى ما هو يختلف عنا حميعا هنا، لهذا لا يمكن مقارنتنا بهم و أن نأتى بالأوتبان فى مصر دون تغيير عقول و سلوك الشعب و القائمين على تنفيذ القانون و مراقبته ........ و على رأى المثل موت يا حمار.... مع الإعتذار و الألم.

انا مستعد اهفع 1000 جنيه و زياده في كاشف الرادار بس يكون شغال في مصر

المشاركة الأصلية كتبت بواسطة mahmoud_afifi

شكرا على رد حضرتك بس لي تعقيب بسيط, انا مش طالب ان السرعه تبقى 140 اطلاقا, انا كل الي عاوزه يبقى في شوية منطق في اختيار السرعات المقرره لكل طريق حسب استخدامه. يعني لما يكون طريق دولي ويقولك السرعه 100 يبقى كده احنا بنضحك على بعض. انا اولا كنت عايش في السعوديه وبقارن بين هنا وهناك. انما مثال طريق الاوتوبان فده عشان اوضحلك ان في طرق حره ومابيحصلش فيها حوادث بفضل ربنا طبعا.
الحكومه عليها نسبة كبيره من اللوم في الي بيحصل حاليا من حوادث وبيصلحوا الغلط بغلط. (جم يكحلوها عموها)

نقطه كمان عاوز اقولها , لما يكون واحد ساكن في شرق القاهره وشغله في غرب القاهره وبيمشي على سرعة 90 او اقل عشان مايتلقطش رادار يعني ياخد الطريق رايح بس في ساعتين على الاقل وزيهم راجع. وكمان لما يبقى كله ماشي 90 الطريق هيبقى زحمه وده سبب المشكله انما لو في تفاوت في السرعات مش هيبقى في نفس الزحمه دي. الواحد هيروح شغله تعبان ومش هيبقى فيه طاقه للشغل.

بالنسبة للمنطق فى اختيار السرعة على الطريق فهناك عدة عوامل تحدده، و قد يعاد تحديد السرعة مرة أخرى بناء على متغيرات مختلفة. فالعوامل المحددة لسرعة الطريق هى:

• عدد الحارات المرورية
• عرض الحارة المرورية
• عدد التقاطعات على الطريق و نوعها (حرة أم على نفس منسوب الطريق)
• كثافة المرور (أى عدد الرحلات فى الساعة) على الطريق
• حالة سطح الطريق (جودة الرصف)
• نوع الطريق و درجته ( أى طريق داخل المدينة، رئيسى، فرعى، خدمى، حر، شريانى)

أما من أسباب تعديل سرعة الطريق فهى دخول متغيرات جديدة على الطريق مثل:

• زيادة عدد الرحلات فى الساعة
• ريادة عدد الحارات أو نقصها
• تغيير حالت الرصف و جودته
• تغيير أسلوب التقاطعات

وبالنسبة لوجهة نظرك فى أن توحيد السرعة على الطريق يسبب بطئ السرعة فأنا أتفق معك لأن الوضع الحالى للطرق تجد أن السيارات المفترض أن تكون بطيئة تجدها تسير يشكل عشوائى على جميع الحارات المرورية و لا تلتزم بالحارة البطيئة على اليمين ثم الأسرع على يسارها ثم الأسرع حتى السرعة القصوى على اليسار، أى أن السبب هو العامل البشرى و ليست قوانين الطريق أو تعليمات إدارة المرور.

المرور كل همه دلوقت جباية المال بكل الطرق يعني لو موضوع الرادار مانفعش معاهم هايخترعولك حاجه تانيه انا بحس انهم شحاتين

أنا رأيي أن الإلتزام بالسرعه المقرره أفضل وأأمن مليون مره .

المشاركة الأصلية كتبت بواسطة bassemali

أنا رأيي أن الإلتزام بالسرعه المقرره أفضل وأأمن مليون مره .

يا باشا لو انت عندك شغل في أسوان و لازم تروح و ترجع في أقل وقت و لا يطلبك الشغل عشان عطل و لازم تكون موجود خلال ساعتين بالكتير هتعرف انك لازم تجري و تمشي بسرعة

المشاركة الأصلية كتبت بواسطة nistelrooy

الناس زعلانة علشان عايزة تجري

السرعة المقررة 90 عايزيين يجروا 120

ماظنش ان سرعة 120 تعتبر جرى فى العربيات الحديثة ..ده المينى باص دلوقتى بيمشى بالسرعة دى
الدنيا كلها بتتقدم الا مصر ...وهتفضل طرقنا زبالة
نفسى يحددوا السرعة 120 ...على الاقل هاقدر اخلى الار بى ام للغيار الخامس على 3 و اريح العربية وتقريبا بتكون السرعة ساعتها 98 او 97