الموضوع: تقويه اضاءه الانوس + النكلفه

السلام عليكم ورحمه الله وبركاته ................


انا عارف ان كتير من الناس عاملين تقويه للاضاءه بس حبيت أوضحه بالتفاصيل والتكلفه عشان اللي عاوز يعمله يكون عنده

خلفيه وخصوصا انني لسا عامله والفرق واضح جدا بين الاول ودلوقتي يعني تقريبا انا قبل كدا كنت ماشي بنور

سهاري :d دلوقتي الاضاءه مشاء الله حاجه تعمي اللي قدامي :d


....* طلبات الكهربائي .............



1- كتاوت نور تركي اصلي تركي ------------- 25 جنيه

2- متر سلك 6 مم حجازي ------------- 6 جنيه

3- 4 متر سلك 2 مم ------------- 10 جنيه

4 - 4متر سلك 4 مم ------------- 16 جنيه

5- 10 كلبسات بغطيان --------------- 2 جنيه

6- ترمل 10 + ترمل 8 ---------------- 1 جنيه

7- كارت فيوز مشط صغير + شريط لحام ---------- ببلاش

8- لمبتين تونج ثرام وديه بقي أهم حاجه يا جماعه --------- 40

tungsram halogen 250/140cp


* علي فكره انا الاول كنت مركب لمبتين ألماني 200/260 اللي كللو بيقول عليهم حلوين وللاسف كانوو وحشيييييييييييين

لدرجه كبيره وسبحان الله مفيش 3 أسابيع واتحرقوو معرفش ليه !!! انا قلت أحسن برضوو وبالصدفه جبت التونج ثرام

وكانوو قمه في الروعه و الفرق ملحوظ جدا والاضاءه واضحه الحمد لله ...............



لحد دلوقتي التكلفه 100 جنيه بالصلاه علي النبي ولسا معملناش حاجه


....

رحت للكهربائي فك الفوانيس وبدأ يخرم بالشنيور في الصاجه اللي تحت الفانوس الشمال عشان يثبت الكتاوت وبعد كدا بدأ يظبط

الاسلاك بين الكتاوت والفوانيس المهم خلص وبعدين ركب اللمبتين وظبط الرجلاش بتاعهم وانتهي موضوع النور

الحمد لله قعدني جنبه تقريبا ساعه واخد مصنعيه 60 جنيه يعني الدقيقه بجنيه : D ( كتير قالولي المصنعيه كتير )

المهم النور مكيفني علي الاخر وربنا يباركله ويباركللي ........


اتمني لو واحد بس يستفيد من الموضوع ده وأي استفسار انا في الخدمه ةاعذروني لو أتأخرت في الرد

تم تغيير لون المداخلة

اللون الاحمر مخصص للادارة

يرجى مراجعة قوانين المنتدى

مشرف عام الكورى و الماليزى

شكرا جدا عالموضوع دا عشان كنت بجد محتاجو بس عايز اسأل سؤال هو لازم اكون عارف الكهربائي ولا عادي اي كهربائي بيفهم في الكلام دا و هيشتغل شغل نضيف
وهل المبة ال التونج ثرام اجيب منها عالي و وواطي ولا هو عالي بس و هل ال التونج ثرام احسن ولا المبة الليد ؟؟