السلام عليكم يا شباب انا عارف اني كنت وعدت احمد و وعدتكو كلكو اني اعمل تقرير للعربية بس انا قولت استني شوية لحد ما امشي شوية بالعربية ياعني انا عامل دلوقتي تقريبا 4200 كيلو المهم نبدا كددة

اولا: الصاج
الصاج ضعيف شوية زي اغلب العربيات الجديدة ياعني بس مش عارف حاسس اني بخاف اسند علي العربية او اقعد علي الشنطة لحسن اطبقها مش عارف لية .

ثانيا : الصالون
الصالون جميل و واسع جدا و مريح في القعدة و الرؤية من جوا العربية جميلة و شايف المحيط اللي حواليك كولو و المرايات الجانبية ممتازة في الرؤية .

ثالثا : العفشة
العفشة جميلة بس بحس انها ناشفة شوية و بتخبط في المطبات و بحس بكل حاجة في الدريكسيون الخبطات و النقر و كل حاجة و الغريب دلوقتي ان الدريكسيون معووج سنة بسيطة مش عارف دا عيب الاسفلت اللي في مصر ولا العيب في الهواء في الكاوتش مش عارف

رابعا :الماتور
الماتور ما شاء الله جميل ربنا يحفظوا بجد ممتع في المشي و سريع في الاستجابة بس مش عارف بحس ان الاستهلاك غريب ياعني الصفيحة بتعمل ساعات 190 او 200 حاجة كدة مش عارف

خامسا : التكييف
بردوا ما شاء الله التكييف بتاع العربية جميل جدا اغلب الوقت بمشي علي السرعة الاولي مش بطلع للتانية خالص حتي في عز ايام الحر و الحمد لله .

نيجي بقا للملاحظات علي العربية العربية العلو بتاعها عن الارض كبير شوية انا لسة راجع من الساحل اخر سرعة جبتها بالعربية 195 بالعافية والله و مش عاوز اقولكو بقا انا كنت متشعلق في الدريكسيون و مركز بطريقة رهيبة تعبتني نفسيا هههه بس الحمد لله عدت علي خير العربية عاوزة تنزل شوية علي الارض و الجنوط تكبر شوية ياعني بيتهيقلي هتبقا احسن غير كدة بحس ساعات ان الماتور بيعلي كدة لوحدوا
ما علينا ياعني هوا دا بصراحة اللي في ذهني دلوقتي عن العربية خصوصا اني انا في الشغل فا يا ريت اللي عاوز يسألني علي حاجة يتفضل و يا ريت اسمع رأيكو في التقييم البسيط دا