الموضوع: مساعدة فى شراء بروتون واجا 2010

مساء الخير
بالنسبة للعربية فانا بعتبرها اكتر عربية اعتمادية موجودة في السوق في حدود سعرها
اكتر عربية فيها اوبشن وامان واقلها في مشاكل التقفيل
من وجهة نظري افضل ما يمكن شراءة في حدود السعرها بالمقارنة ما بين ( الصني - الاوبترا - النوبيرا - الـa3 - وغيرهم)
اكتر مشاكلها او العيوب اللي قبلتني لحد دلوقتي
قطع الغيار مش منتشرة قوي ( بس موجودة ) - غير كدة الحمدلله مفيش مشاكل.

وانا تحت امرك في اي استفسار

تقبل تحياتيgl

1- علبة الدريسكيون : لم اواجهها الحمدلله ولكني اعتقد ان اغلب المشاكل كانت في الجين2 او البيرسونا وتكاد تكون غير موجودة في الواجا (انتظر أراء باقي الاعضاء )
2- صوت الموتور في الواجا مش عالي ولكنة مسموع على السرعات العالية (ولكن لو كنت غالق الازجاج لن تسمعة ) ولكن على السرعات العادية فهو طبيعي كباقي السيارات ( الافضل جرب بنفسك )
3- انا عربيتي مانوال فمش حقدر افيدك في موضوع الاوتوماتيك (اسف)

نصيحة بسيطة
اذهب إلى التوكيل وكم بتجربة السيارة بنفسك وتأكد من كل شيء كل اتخاذ القرار النهائي وخذ كل وقتك في القرار
وفي حالة قررت الشراء افحص سيارتك جيداُ جداُ جداً وقم بقيادتها وتأكد من انها خالية من العيوب
بالنسبة لعلبة الدريكسون ففحصة بسيط ( قم بإدارة الدريكسيون إلى القصى اليمين مرة وإلى اقصى الشمال مرة اخرى وابدأ في تحريك السيارة ) من المفترض ألا تسمع اي اصوات غريبة

تقبل تحياتيgl

بص يا معلم
اولا مبروك مقدما
ثانيا انا معاية واجا اوتو 2009
العربية طبعا حضرتك عارف المميزات من ثبات وامان والصاج القوي لكن احب اطمن حضرتك بخصوص السحب
سحبها زي اللانسر بوما اوتو بالظبط بس بعد ال 100 الفرق واضح جدا لصالح الواجا وكل كلامي عن تجربة والله
بالنسبة للعيوب اللي واجهتني علشان تاخد حظرك منها:
علبة الدريكسيون
اصوات في الشنطة مش عارفها
العفشة انشف من الجين2 بس انا عرفت احل الموضوع ده وان شاء الله انزل بالتفاصيل قريبا هنا
وبالنسبة لصوت الموتور اكيد حضرتك هتسمعو لو كنت بتحرق





غير كدة عربية اكتر من ممتازة وتتعتبر من احسن عربيات فئتها السعرية وياريت تنتظر باقي الاراء


ملحوظة:انا كنت بقول رائيي بكل صراحة بالنسبة للمميزات والعيوب وبدون تحيز والله اعلم

السلام عليكم ورحمة الله وبركاته
معايا واجا 2010 اوتوماتيك...والحمد لله...عامل اقل من الالف بشوية
المميزات : كتير جدا والواجاوية سبقوني بيها
العيوب : مقدرش أحكم قبل صيانة الالف بكرة ان شاء الله ولكن تقدر تقول اني حاسس ان العربية تقيلة في الحركة من الثبات ولو ان ممكن ده عشان لسه الموتور نايم في العسل لسه بالإضافة إلى صوت تزييق من ناحية تابلوه الراكب الايمن (اتمنى من الله انه يتحل بتربيط العفشة) وحدفة يمين خفيفة جدا وان شاء الله تتحل بظبط الزوايا.

إستخير ربنا وتوكل على الله....العربية حلوة جدا و تحب تقعد فيها وتكلمها خصوصا الكونسول وهو باصصلك...واجا واو

معاك محمد خضر

بقولها بكل صراحة توكل على الله بعد استخارته واشترى الواجا

هى تستحق اكثر من سعرها

وياريت متجبش اللون الاسود

ولا تخاف لا يوجد مشاكل باذن الله