عدو جديد علي الطرق أسمه الرادار

**Samir Elshahawy** · 07-08-2010 03:30 PM

المشاركة الأصلية كتبت بواسطة tutankhamoun

بس لي طلب عند المهندس سمير ......... بعد أذنه طبعا

لو يطلب من الادارة تعديل العنوان ......... حارس الطريق و منقذ الأرواح بدل من عدو جديد على الطريق .

و شكرا على الشرح يا باشمهندس .

مافيش مشكلة ... انا هأطلب من الادارة تغيير العنوان أن شاء الله

مع خالص تحياتي
م/ سمير الشهاوي

**ابو حسين** · 07-08-2010 10:58 PM

موضوع ومجهود اكثر من رائع الف شكر

**م.محمد مختار** · 09-08-2010 08:51 PM

والله يا جماعة انا ضد السرعة بس بصراحة 90 و 100 دي ساعات بتبقى بطيئة قوي
انا نفسي احس بالفرق بين ال127 وبين الجين2 بال127 كنت بمشي علىالدايري 80-90 ودلوقت بحاول أقنع الجين انها تمشي بنفس السرعة بس هي اللي مابترضاش وبلاقيها بتستهبل و تطلع على 100-110 ومع ذلك بحس اني بطيء!!
امتى و فين اجرب امكانيات العربية طيب لما انضف طريق السرعة عليه 120؟؟

**Samir Elshahawy** · 12-08-2010 05:10 AM

المشاركة الأصلية كتبت بواسطة م.محمد مختار

والله يا جماعة انا ضد السرعة بس بصراحة 90 و 100 دي ساعات بتبقى بطيئة قوي
انا نفسي احس بالفرق بين ال127 وبين الجين2 بال127 كنت بمشي علىالدايري 80-90 ودلوقت بحاول أقنع الجين انها تمشي بنفس السرعة بس هي اللي مابترضاش وبلاقيها بتستهبل و تطلع على 100-110 ومع ذلك بحس اني بطيء!!
امتى و فين اجرب امكانيات العربية طيب لما انضف طريق السرعة عليه 120؟؟

لما يكون طريق مزدحم مثل الطريق الدائري .... أعتقد أن 90 كم/ساعة يكون معقول جدا
لكن تقول أيه بقي لما يكون طريق زي طريق المطار في الغردقة اللي بعيد تماما عن أي مناطق او كثافات سكنية وواسع وعريض و السرعة فيه 60 كم/ساعة بجد حاجة تخنق أو طريق الغردقة / سفاجا اللي السرعة فيه 90 كم/ساعة و طوله حوالي 50 كم

بصراحة أنا مش عارف هما بيحددوا سرعة الطريق علي أي أساس هنا في مصر

**م. محمد نافع** · 13-08-2010 01:19 AM

السلام عليكم
اولا شكرا لحضرتك علي الموضوع المميز والمعلومات القيمة
ثانيا انا شايف ان المشكلة عندنا ان الدولة بتعمل اي حاجة علشان ياخذوا مننا فلوس بس مش مهم عندهم حياتنا ولا غيره
بدليل ان اغلب الطرق السريعه فيها مطبات هواء جامدة ومحدش بيحاول يصلحها
وتلاقي في الطرق السريعة جنب الطريق من اليمين والشمال فاضي ومع ذلك مصممين انهم يعملوا الطريق حارتين زي طريق مصر السويس في بعض المناطق بالرغم من ان الطريق علية ضغط سيارات عالي
واي ضابط مرور بيوقفك مبيحاولش يعرف انت خالفت القانون لية انما المهم عنده انك تدفع الغرامه وبس
والحاجه الغريبه ان الغرامة ممكن تكون 100 جنيه وتقولوا مش معايا غير 50 جنيه يقوم يقولك هاتهم ويعملك اي مخالفة ب50 جنية(المهم يطلع منك باي حاجه)

**badrbadr** · 14-08-2010 11:48 PM

المفروض تعديل السرعة القصوى من 100 الى 120 فى طرق السفر البعيدة عن المناطق السكانية فنحن نركب الان سيارات زات تكنولوجيا اعلى وعفى الزمن عن السيارات السيات وال 127 وال 128 وللعلم السرعات البطيئة على طرق السفر احيانا السبب الرئيسي فى الحوادث .. ومثلا على ذلك شارع فى الامارات هو شارع الشيخ ذايد السرعة القصوى فيه هى 100 ومسموح التجاوز حتى 115 اما الزيادة عن ذلك تتعرض لشر الردار مع العلم ان هذا الشارع مزدحم وفى منطقة سكنية لاكن عرضه 6 حارات ..اما فى طرق السفر السرعة القصوى 120 ومسموح حتى 140 ..هل تعلمون السبب .. هم يملكون شوارع اتمنى وجودها فى مصر ولم ارى فيها مطب حتى وايضا لديهم سيارات لاتستطيع المشى بالسرعات البطيئة التى نطبقها هنا ومع العلم لديهم حوادث قاتلة لاكن اقل من مصر وسبب الحوادث الشبورة العالية التى عندهم ومعظم اوقات السنة وايضا السرعة بس مش اى سرعة ده بتكون فوق 180 وطبعا نوع السيارة عامل مساعد على اغراء السائق على السرعة فانت لاتشعر ابدا بسرعة السيارة الا فقط عند النظر لعداد السرعة وتذهل عندما تجد نفسك قفزت بالسرعة فوق ال 200

**mody112** · 15-08-2010 01:05 PM

ده مش عدو ولا حارس ده يعتبر كمين جامد جدا
حد يصدق ان السرعه على طريق مصر - اسكندريه الصحراوى ( بعد التجديد ) وهو عبارة عن 6 او 7 حارات ومستو حدا وفى وضح النهار تكون 100 كم / س يعنى لو انت ماشى عليه توصل فى خلال 2.5 :3 ساعات بالذمة ده مش حرام
وتلاقى الكمين واقف قبل البوابة بشوية وعمال بيوقف كل العربيات عاطل مع باطل ماعدا الميكروباصات فقط مش عارف ليه
ولما تسال انا اتلقطت كام يقولك اى حاجة والسلام وطبعا انت بتضطر تدفع يا اما هتدخل فى قصة سحب الرخص وهتدوخ عليها ما بين نبابات مصر وفى الاخر لما تلاقيها ممكن تلاقى المخالفة بقت الدوبل او اضعاف مضاعفة وهلم جر

**MMamdouh** · 15-08-2010 01:28 PM

طريق مصر اسكندرية 4 حارات فقط

MMamdouh

**M.Nasr** · 15-08-2010 03:22 PM

فى حاجة انا شايف انها غلط نظريا بالنسبة للرادار المثبت على الطريق زى طريق المحور مثلا وهى ان اللى سايق بيجى عن الرادار الثابت ده ويهدى السرعة عشان يعدى من قدامو على 90 او السرعه القانونية يعنى اعتقد الكلام ده مش صح لأن السرعه بتاعت العربية بتكون اتحددت من قبلها بفترة ودى مشكلة لو مادخلش فيها العامل البشرى لأن ممكن عربيات تتظلم بالوضع ده فى حالة ان فى عربيتين واحده سريعة وواحده بطيئة ايه اللى هيعرف الكاميرا (وليس الرادار) انهى واحده فيهم اللى مخالفة؟

-

الموضوع: عدو جديد علي الطرق أسمه الرادار

LinkBack

أدوات الموضوع

عرض

-

-

-

-

-

-

-

المواضيع المتشابهه

تحزير ..اسلوب جديد لقطاع الطرق في وصله بورسعيد!!

جيل جديد من أجهزة الرادار علي الطرق المصرية

اجهزه كشف الرادار على الطرق السريعه

إحذر من كمين السرعة (الرادار) في تلك الأماكن على هذه الطرق!!

الكلمات الدلالية لهذا الموضوع

المفضلات

المفضلات

ضوابط المشاركة