الموضوع: عدو جديد علي الطرق أسمه الرادار

المشاركة الأصلية كتبت بواسطة opel_rekord

طب بالمناسبه بقه لو حد فيكو بيستخدم محور 26 يوليو لحد اخره عند هايبر وان


حاطين يوفط ان السرعه 60 واحذر الرادار وبتاع ... هل فعلا فيه رادار ولا اشتغاله لسه ؟؟

وبعدين الطريق ده مش حرام 60 عليه ؟؟ ده طريق سريع وعالاقل 80 لو ماشى براحتى !

المحور كله 90 - ولو انها قليلة برضه - بس المحور كله 90

اولا استاذ Sunsea انا ساكن فى اكتوبر بردو معاك واالمحور كلو فعلا 90 بس بعد ماتعدى اسكندريه الصحراوى وتبدأ طريق زايد وهايبر السرعه المقرره هى 60 ومكتوب احذر الرادار بردو الكلام ده بقالو فتره

مش عارف بقه ايه نظامهم بس ربنا يستر لان حرام يعنى الطريق ده 60 المفروض عالاقل 80 حلو اوى



وم.احمد فعلا الناس كلها بتطير وتيجى قبل الرادار وبتهدى بس عالاقل احسن من قبل كده اهوم دلوقتى اسمهم بيهدو ست مراات ويسرعوا تانى
قبل كده محدش كان بيدوس فراامل خااالص

المشاركة الأصلية كتبت بواسطة damasry

الرادار بيلقط قبليه ب1 كيلو مفيش مشكلة لكن الكاميرا مش ها تصور غير لما تعدى الرادار وتكون قدامها بالسرعة المخالفة، يعنى لو كنت مخالف قبل الرادار ان شاء حتى ب100 كيلو زيادة لكن عديت الرادار وانت على السرعة القانونية الكاميرا مش ها تصور

المفروض أن الكاميرات دي شغالة 24 ساعة و الطريق متراقب بواسطتها علي طول و ده برضه نوع من تأمين الطريق

و في حالة أن الرادار حدد أن سرعة العربية زيادة عن الحد المسموح الكاميرا بتلقط صورة ثابتة للعربية و تحتفظ بها في الذاكرة أو بيتم أرسالها بشكل فوري لوحدة تحليل البيانات سواء ثابته أو متحركة للتعامل مع المخالفة

لكن فيه نقطة تانية مهمة برضه ..
انا ملاحظ ان فيه نسبة سماح 10 كم/ساعة فوق الحد الاقصي يعني لو مشيت 100 كم/ساعة الرادار مش هايلقط العربية و ده حصل معايا أنا شخصيا كنت ماشي فوق ال 90 كم/ساعة بس أقل من 100 كم/ساعة و الفلاش ماأشتغلش و كان فيه لجنة ثابتة بعد الرادار بحوالي 2 كم وقفت عربية نقل كانت جنبي بنفس سرعتي و سابوني انا اعدي

ممكن حد يصور لى صورة للجهاز الرادار دة او يقوللى اقرب واحد ليا من المريوطية فى الهرم فين و انا اروح اصورة و اعرف شكلة
عشان عاوز انزل بيان بالاماكن اللى فيها الجهاز دة و شكلة
و ياريت لو حد يعرف ثمن الجهاز يبقى كويس جدا و الجهاز دة لو اتفكك ممكن ينفع فى ايه غير انه يشتغل رادار ممكن ينفع مثلا كاريال راديو او اريال تليفزيون او لمبه حلوة فى الصاله او البلكونة

و لو حد معاه كام جهاز منهم ممكن يتباعوا جملة فين فى الوكالة و لا الحرفين و لا سوق الجمعة و لا سوق الاحد ولا فين بالظبط و يتباعوا على بعضهم كدة و لا مفككين حتت يعنى اللمض لوحدها و الاريال لوحدة و السلوك لوحدها و الدوائر الكهربائية لوحدها

و لو حد اتمسك و هو بيفك جهاز منهم العقوبة بتاعته بتبقى ايه


ما تظنوش فيا طن سىء
انا بستفسر و بس طبعا مش هعمل كدة




.