عدو جديد علي الطرق أسمه الرادار

**Samir Elshahawy** · 15-08-2010 03:51 PM

المشاركة الأصلية كتبت بواسطة m.nasr

فى حاجة انا شايف انها غلط نظريا بالنسبة للرادار المثبت على الطريق زى طريق المحور مثلا وهى ان اللى سايق بيجى عن الرادار الثابت ده ويهدى السرعة عشان يعدى من قدامو على 90 او السرعه القانونية يعنى اعتقد الكلام ده مش صح لأن السرعه بتاعت العربية بتكون اتحددت من قبلها بفترة ودى مشكلة لو مادخلش فيها العامل البشرى لأن ممكن عربيات تتظلم بالوضع ده فى حالة ان فى عربيتين واحده سريعة وواحده بطيئة ايه اللى هيعرف الكاميرا (وليس الرادار) انهى واحده فيهم اللى مخالفة؟

الكاميرا شغالة و بتصور 24 ساعة و بعرض الطريق كله مع الرادار اللي بيقدر يحدد سرعات اكثر من هدف في وقت واحد
يعني ممكن يلقط 4 عربيات في وقت واحد ده لو ماكانش 8 عربيات في 8 حارات (الاتجاهين)

اما موضوع انك تهدي السرعة قبل الرادار فده غلط لأن الرادار بيقدر يلقط لحد 1 كم قبله علشان كده فيه لوحات تحذيرية قبله ب 1 كم

**M.Nasr** · 15-08-2010 04:03 PM

كده الواحد هيفكر الف مرة قبل مايزود السرعه عن المسموح به

**Samir Elshahawy** · 17-08-2010 02:30 AM

المشاركة الأصلية كتبت بواسطة m.nasr

كده الواحد هيفكر الف مرة قبل مايزود السرعه عن المسموح به

علي فكرة هيا مابتفرقش كتير خاصة في المسافات القصيرة
فمن غير رادار مافيش داعي للسرعة أساسا خاصة و ان الطرق لاتساعد

مع خالص تحياتي
م/ سمير الشهاوي

**M.Nasr** · 17-08-2010 03:02 PM

لو حضرتك بتتكلم عن جوة البلد اكيد طبعا لا الشوارع ولا الزحمة تسمح انك تعدى ال40 حتى
لكن انا قصدى على الطرق السريعة اللى بتمشى فيها 90 -100 اوقات كتير بتضطر انك تكسر السرعة دى خصوصا لو بتفادى عربيات تانية او عايز تعدى من نقل مثلا او لأى سبب كان

**adel1414** · 17-08-2010 06:35 PM

والله ياجماعة الطرق اساسا متشجعش على الجرى

**badrbadr** · 18-08-2010 05:18 AM

المشاركة الأصلية كتبت بواسطة adel1414

والله ياجماعة الطرق اساسا متشجعش على الجرى

معاك الف حق بس الطريق الوحيد المحترم طريق عين السخنة وعقبال باقى طرق بلدنا بعد 50 سنة

**Soma_Sooma** · 18-08-2010 06:33 PM

معلومات جميلة قوى ميرسى عالتوبيك

**rasim** · 22-08-2010 12:19 PM

السلام عليكم
موضوع مميز
انا برده شايف انه صديف وليس عدو
ممكن حد يقولى الحوادث بتحدث من ايه ؟؟؟؟

السرعه ثم السرعه ث م السرعه الخ الخ ..........
فطبعا ده خلى يمون فى امان شوية اعتقد بالرغم من ذلك الناس بتمسى برده بسرعة ةتيجى عند الرادر تبطىء السرعه ثم تزود تانى

**massoh** · 13-09-2010 04:33 PM

كل الكلام اللى الى فات جميل جدا يا جماعة .. بس المعروف عالميا فى كل البلاد المحترمة ان فيه سرعة زيادة مسموح بها عن السرعة القانونية عبارة عن 5 - 10كم (يعنى المخالفة تبقى بعد السرعة القانونية ب 5 او 10كم) علشان لو سرحت او كان لازم تعدى سيارة نقل محملة طوب قبل ما يقع على دماغك خصوصا لما يكون معاك ولادك وانت مسؤول عن ارواحهم وكمان عدادت السرعة فى بعض السيارات تختلف عن الرداد ممكن تكون شابف انها على 100 والردار يقراءها 102 ويطسك مخالفة . تانى حاجة هى ان الشباب الطايش برضه لسه بيجرى والنقل على الدائرى طاير طيارة وكمان الميكروباص ولاهمه ويجى عند مكان الردار ويهدى يعنى فى الأخر هى مجرد لم فلوس مش محافظة على ارواح ناس وبيقع فيها اللى مش عارف ان فيه ردارات جديدة وماشى عاليها اول مرة بعد كده بياخذ باله وسلم لى على مصر ام الدنيا (لازم التدخل البشرى وسيارات متحركة فيها الرداد ده لو عاوزين يمسكوا الناس اللى بتجرى بجد وما يسبوش البي ام والمرسيدس ويمسكوا الغلابة ولازم يكون فيه مرونة مع اللى جاب 105 كم ورجع خذ باله فى خلال دقيقة او اتنين حسب مدى ومقدار تغطية الرداد )