السيفك ولا الاكورد افضل

**nona4455** · 04-08-2010 11:42 PM

السلام عليكم اخوتي الاعزاء كل عام وانتم بخير بمناسبه الشهر الكريم اعاده الله علي المسلمين بكل خير اجومن حضراتكم معلومات عن الاكورد موديل 84==وموديل 89 والفرق بينهم منحيث الامكانيات والتوفير في البنزين (مهم جدا) لاني سامع ان البنزين حيزيد والمقارنه بينها وبين السفك 90 (التي املكها الان) والذي دفعني للتفكير في التغير ان الفك منخفضه جدا واعتقد ان الاكورد مرتفعه عنها حيث يمكن ان يركب لها الي جنط 17 كما سمعت وانا مشكلتي مع المطبات ليس لها حل وانا اخشي الا اعوض السفك فهي بحاله شاذه كانت مرفوعه 10 سنوات وعداد69000 فارجو الافاده قبل ان اتسرع في قرار قد اندم عليه واجو من الاخوه الهنداويه الاعزاء من يعرف منهم اكورد محترمه وان يكون قد رأها وليس من خلال الاعلانات ان يتواصل معي وهذا عشمي في رواد المنتدي الريو الا يبخلوا علي في الرد والصح كما عهتهم دائما ولكم جزيل الشكر -للتواصل عبر البريد الالكتروني او من خلال الهاتف 0111950395 اخوكم اسامه

**Yones** · 05-08-2010 02:46 AM

اهلا بيك وكل سنة وانت طيب
مبدئيا الاكورد من موديل 82-85 وده الجيل التانى من الاكورد نفس الشكل والامكانيات تقريبا مع بعض الفروقات البسيطة وبالنسبة للامكانيات كتير:
فيه منها مانيوال واوتوماتيك والمحركات 1600 سى سى كربيراتير-تكييف-زجاج كهربائى-باور سترينج ناعم جدا وعن تجربة-فرش جلد اصلى وتابلوة بلون العربية والفرش لبعض الاصدارات-سينتر لوك-فيه بعض الاصدارات فيها فتحة سقف كهربا-فيها شوية امكانيات اضافية زى انذار بشاشة على التابلوه لكل باب على حدة وكمان شنطة العربية-فتح الشنطة والتانك من الداخل ده غير ان العربية حلوة لو حالتها سليمة هتستمتع بيها ان شاء الله

بالنسبة للموديل من 86-89 وده الجيل التالت من الاكورد شكل مختف مع تعديلات اكيد

المحركات بقت اكبر فيه منها 1800 سى سى وفيه منها 2000 سى سى على مااعتقد

بالنسبة للشكل هتلاقى الفوانيس الامامية بتفتح وتقفل برضه منها مانيوال واوتوماتيك-نفس الامكانيات بتاعت الجيل اللى قبله زائد تغييرات فى التابلوه

الخلاصة العربية حلوة بس حاول تشوف حالة محترمة ومستعملة استعمال كويس جدا
وربنا يكرمك وتلاقيها

**Yones** · 05-08-2010 03:07 AM

بالنسبة لارتفاع الاكورد مش عالية قوى بالعكس للاسف منخفضة وده حال كل الهوندا

**nona4455** · 05-08-2010 03:39 AM

اشكرك علي الرد يا اخ يونس وانا عارف انك راجل متخصص في الاكورد وعلشان كده عايز نصحتك اشتري العربيه ولا مش حتفرق عن السيفك وحجم الجنط بيفرق ولا لآ انا ادامي واحده 84 موتور 1600 كامله عامله 28 الف ايه رايك وشكرا ليك

**Ahmed Hassan** · 05-08-2010 04:25 AM

خليك في عربيتك احسن. هتشتري عربيه اقدم في الموديل ليه؟! لو مش لاقي حل لموضوع الارتفاع هات عربيه تانيه خالص.. بس روح لموديل احدث مش اقدم

**ows212** · 05-08-2010 04:29 AM

28000 بس
.>>>>>>>>>>>>>>

**ahm128** · 05-08-2010 10:05 AM

انا رأى خليك فى السيفك مو 90 ده محترم جدا وانت بتقول انها حالة شاذة وانا اعرف ان قطع غيرها متوفرة واسعرها معقولة

**Yones** · 06-08-2010 12:17 AM

المشاركة الأصلية كتبت بواسطة nona4455

اشكرك علي الرد يا اخ يونس وانا عارف انك راجل متخصص في الاكورد وعلشان كده عايز نصحتك اشتري العربيه ولا مش حتفرق عن السيفك وحجم الجنط بيفرق ولا لآ انا ادامي واحده 84 موتور 1600 كامله عامله 28 الف ايه رايك وشكرا ليك

ربنا يخليك ويكرمك كلك زوق والله انا على قدى والله بس بحب الاكورد بجد من تجربتها لانى اشتريتها حالة نادرة من سنتين ونص برضه كانت عاملة فى حدود 70000 كيلومتر او اقل ومرفوعة 10 سنين برضه وحالتها فابريكة وسعرها كان 33500
وبالنسبة ل 28000سعرها كويس جدا بس اهم حاجة تكشف على حالتها كويس جدا من عفشة وصاج ومحرك وكل حاجة باستخدام ميكانيكى متخصص فى الهوندا ياريت لو نويت علي انك تشتريها .
طبعا اغلبية الاراء انها موديل اقدم وكده بس لو حالتها ممتازة هتعجبك ان شاء الله عشان متكلفكش مصاريف وبالنسبة لحجم الجنط ممكن يركبلها جنط 17 لانى شفت عربية من الموديل ده راكبلها 17 وشكلها حلو
وبالنسبة للامكانيات زى ماقولت لحضرتك لوحاسس انها اضافية عن السيفيك ممكن تتوكل على الله وتشتريها وربنا يوفقك للقرار الصح وياريت تصلى استخارة وربنا يكرمك باذن الله فى كل الاحوال.
وبالنسبة لشاسية العربية فهو قوى ماشاء الله.

**Mustang69** · 08-08-2010 08:04 PM

المشاركة الأصلية كتبت بواسطة ahmed hassan

خليك في عربيتك احسن. هتشتري عربيه اقدم في الموديل ليه؟! لو مش لاقي حل لموضوع الارتفاع هات عربيه تانيه خالص.. بس روح لموديل احدث مش اقدم

لو كنت عايز تغير عشان ارتفاع العربية او البنزين فخليك في السيفيك احسن عشان استهلاكها في البنزين قريب جدا من السيفيك(و غالبا اكتر)و العربية واطية جدا من قدام فلو الموضوع مضايقك هات نوع تاني احسن