الموضوع: في الحر الشديد عز الظهر العربية تسارعها يزيد جداً ؟؟؟

المشاركة الأصلية كتبت بواسطة m_mekkawy

الكلام ده فى الشتا بس
كان ايه اللى بيحصل فى ال28
كان فيه زيت للجير عامل زى الشحم الخفيف كنت ادور الصبح اطلع بالعربيه القيها مكلبشه فى الأرض من ايه
زيت الجير متجمد من البرد ولما الجير بيسخن م المشى بلاقيها فكت

كلامك مظبوط بس هو مابيقصدشى كده
اللى انتا تقصده بتقارن بوضع العربيه فى الشتا الصبح اول لما بتدور ... و الوضع ده بيقعد نص ساعه بكتيره
لكن هو بيقصد انه بالفعل فى عز الحر بتلاقى العربيه حاجه تانيه
يعنى انا مثلا فى الايام دى ... لما بروح الشغل بتبقى العربيه عاديه او لما بخرج بيها باليل

لكن بحس ان العربيه بتبقى خفيفه جدا و طلقه فى الوقت اللى بروح فيه الساعه 4 ونص او فى وقت البريك الساعه 12 و نص ... يعنى فى الاوقات اللى الدنيا كانت فيهم مولعه و حسيت بالحكايه دى اكتر فى الوقت اللى كانت فيه موجهه حاره على القاهره و درجه الحراره عدت 45 درجه

اللى انا كنت بقول عليه ان فى الاوقات الحر بتلاقى الشحم ده بقى شببه سائل و بيبقى طرى اوى .. لكن فى الاوقات العاديه بيبقى لزج و ماسك نفسه

اصدقائى
فى حاجه لازم تعرفوا كويس اوى
ان درجه مياه التبريد المثاليه لافضل حرق سليم للوقود هى بين 84 و 96 درجه مئوية
دى قياسات عالميه مش جايبها من عندى
اللى بيحصلمعاكو ان فى الحر درجه الحرارة دى بتفضل فى معدلها الطبيعى وده سبب ال 20 حصان اللى بتحس بيهم
لكن ده شىء خطير فى نفس الوقت
لأن ده معناه ان حاجه من اتنين اما انك شيلت الثرموستات من مجرى التبريد وده معناه ان فى الايام اللى مش حر انت بتساعد على سرعه اهتراء بساتم وشمايز محركك بقله درجه حرارة مياه التبريد عن 84 درجه
او ان الثرموستات تالف على وضعيه الفتح ( مزرجن يعنى ) وده معناه نفس الكلام السابق
لذا يجب الكشف على الثرموستات ويفضل تغييرة فورا
اشكركم

1- الثرموستات (ثرموستات الكوعه مش ثرموستات الكهرباء اللي بيشغل المروحه) لو معلق و مش بيقفل مش بيخللي العربية توصل للحراره الطبيعية للتشغيل في الايام العادية و كان بالتالي اداءها اقل من الطبيعي بالاخص في الطرق المفتوحه و الجري بيخللي الحرارة اقل من المفترض حتى بدون مروحه الردياتير ما تشتغل. و مع الحر الشديد ارتفعت درجه حرارة المياة و بالتالي المحرك وصل لدرجه الحرارة المثلي للاحتراق و اتحسن اداؤة

2- الكاوتش لو منفوخ هواء مش نيتروجين بيتمدد زيادة و مع الحر الشديد بيزيد الضغط داخل الاطار و دة يخللي العربية تجري اكتر و لكن نلاحظ انخفاض اداء الفرامل و انخفاض الثبات كذلك و قساوة العفشة

معظم الخبراء بيقولوا ان الهواء البارد افضل للسيارة و يسبب اداء افضل لارتفاع كثافة الاكسوجين فية

لكن من فترة كنت قريت في منتدي اجنبي ان الهواء الساخن افضل لحريق البنزين الامثل