إلى كل من ينوي الشراء قريباً ... احترسو من سمير ريان !!!

**omaroof** · 07-08-2010 01:50 AM

فعلا العميل فى مصر مالوش سعر ولا احترام
موش دفعت الفلوس خلاص اشرب من البحر ده شعار معظم المعارض
لكن الاخ اللى قال انه استلم والعربيه بتاعته 10 على 10 ده الحمد لله لان العربيه مافيهاش اعطال بس لو حدث لا قدر الله كانت فيها اى مشكله كنت حاتشوف وش تانى
ويا سلام لو دخلت تشترى عربيه زى الماروتى ولا الالتو تحس انه بيعملك بتعالى وكأنه بيتعطف عليك وبيبيعلك وعجبى

**هيثم** · 07-08-2010 02:33 AM

المشاركة الأصلية كتبت بواسطة pegasus911

وبعد ما أخت محمود إتشأمت من سمير ريان ومن السيراتو ومن الزيرو كلو قررت تسترد فلوسها بالكامل وتأجل القصة كلها لأجل غير مسمى.
عذراً على الإطالة ... وربنا يبعد عنكم الشر ... وكل عام وأنتم بخير.

قرار سليم

**Donzi** · 07-08-2010 02:54 AM

شكرا على التنبيه انا كنت ناوية اشتري بيكانتو من عندو بس كدة طبعا لأ بس مش عارفة بقى هاجيب منين

.

**3ateef** · 07-08-2010 05:50 AM

- العربيات في مصر اصلا بتكون نازلة الفرز العاشر لمصانع أوروبا و آسيا و غيرهم (السيارات اللي بتظهر عيوب في الاختبار النهائي بيبعتوها للدول التعبانة و على راسها مصر و دي معلومة انا متاكد منها)

سبحان الله,,, وانا اللى كنت فاكر ان العربيات فى المصنع بتتجمع على خط واحد.....

فعلا سبحان الله.....

**Hmatchy** · 07-08-2010 06:58 AM

والله الزيرو كلوا بقى بختك يابو بخيت يعنى اشترى العربية وشوف حظك معانا النهاردة ايه
1- العربية تتطلع فيها مصيبة و تبقى مسئولة منك بمجرد ما استلمت العربية
2- يبقى متغير فيها حاجاتها الأوريجنال بحاجات استيراد
3- ان يكون راكب فيها أوبشنز مش اصلية وتتباع على انها هاى لاين
4- التوكيل يقرر ايقاف استيراد العربية ومش تلاقى ليها قطع غيار اصلان
5- العربية تحصل فيها مشكلة والتوكيل يقولك هى كدة موش ليها حل ومشى نفسك بيها على ما ربنا يفرجها
يا لهوى لما دا حال الزيرو اومال المستعمل نقول عليه ايه