سؤال لخبراء الهوندا

**AlawnaH** · 05-08-2010 05:00 PM

السلام عليكم ,,,
انا عندي سيفك 1998 exi و بستعمل ماء رديتر بدون مية حنفية ( ماء رديتر 100%) و الغريب انه بيعمل صدي داخل الرديتر و جرة المية فهل ده طبيع و اذا كان في مشكلة ف ايه هو الحل ؟؟؟

**haythamkmal** · 05-08-2010 11:00 PM

انا الموضوع ده حصل معايا وللاسف معظم مياة الريدياتير اللى فى السوق نسبة التركيز فيها قليلة جدا،ممكن حضريك تجرب تغسل دائرة التبريد فى اى بنزينة فيها الماكينة بتاعة الغسيل واثناء الغسيل ضيف مزيل الصدأ وده هتلاقية فى البنزيه برده.
بعد كده فى علبة صاج المانى تقريبا ثمنها كان 80 جنية، ده سائل تبريد مركز جدا تقريبا لتر بس لازم تتخف بالمياه ، هتضيفة بعد الغسيل فى الريدياتير وبعد كده هتزود المياة .
وان شاء الله الصداء هيروح والتبريد هيكون افضل.

المشاركة الأصلية كتبت بواسطة alawnah

السلام عليكم ,,,
انا عندي سيفك 1998 exi و بستعمل ماء رديتر بدون مية حنفية ( ماء رديتر 100%) و الغريب انه بيعمل صدي داخل الرديتر و جرة المية فهل ده طبيع و اذا كان في مشكلة ف ايه هو الحل ؟؟؟

**Adham** · 05-08-2010 11:05 PM

ماء الردياتير اللي بيتباع جراكن هو ماء حنفية و علية اضافات (أثيلين جليكول) ترفع درجه غليان الماء

و مزيلات الصدأ ضررها اكبر من نفعها لان الصدأ و البارومة لو سارح في دورة التبريد بمعنى ان التآكل في كوعات و مواسير المياة ووش السلندر كبير و الصدأ هو اللي حاكمة لو الصدأ اتشال بمزيل قوي بتلاقي الدنيا بايشة من تحتة

كفاية غسيل الردياتير بدون حتى مياة نار حماية لمشتملات دورة التبريد كما سبق

وممكن غسيل الدورة بشوية جازابيض ثم بمسحوق غسيل ثم يتم غسيل الدورة بالخرطوم جيدا

و نصيحه مجربة

عبي جركن من درين تكييف البيت (تكثيف المياة على التكييف مابيبقاش فية اي رواسب و لا املاح فيها) و فضي الردياتير و املاة من المياة دي
بعد ماتغسلة عند بتاع الردياتيرات (بالجاز و مسحوق الغسيل فقط)