سؤال لخبراء الهوندا بخصوص فتيس Si

**Khalid Shalabi** · 27-08-2008 05:22 PM

السلام عليكم

من تلاتة ايام حليت الكوبلنين اليمين و الشمال بالكامل (الداخلى و الخارجي) و غيرت راس الكوبلن الشمال بس و ركبت كل حاجة تاني و طبعا عشان يحل الكوبلن الداخلى وقع تقريبا تلت كيلو زيت فتيس و زودتة تاني على طول بزيت فتيس إيسسو

المشكلة ان بعد الموضوع دا على طول صوت الموتور بقا عالي شوية , النقلة بتتاخر و خصوصا الاول و التاني و نقلة الاول و التاني بنتنتش جامد و مكانتش كدا خالص و بالصدفة كنت بغير زيت الموتور و اللي غيرة شم زيت الفتيس و قاللي انوا محروق و لازم يتغير , مش عارف دا بجد ولا عايز يعمل شغل و خلاص

و برضة عشان ابقى قلت كل اللي حصل : في نفس اليوم غسلت الموتور و هو سخن جدا و الدينامو طبعا مولع فالدينامو اتحرق و غيرتة و قست شحن البطارية لقيتة 13.50

(((اوعى تغسل الموتور و هو سخن)))

ايه رائيكم؟

ايه حل المشكلة دي و ممكن فعلا لو غيرته ممكن دا يكون الحل؟
انا ماشي بالعربية 25 الف و مش عارف اللي كان معاة العربية قبلي كان غيرة ولا لأ!!
و برضة Mr. Shaft كان قال قبل كدا بلاش تغيير زيت الفتيس دا خالص!!

? what do you think

كل سنة و انتوا طيبين :)

**S H @ F T** · 01-09-2008 03:42 PM

اتاكد الأول ان الكيك داون مرخي مش مشدود
موضوع تغيير الزيت غلط في حالة ان الفتيس فيه نسبة تفويت
فلازم حد يكشف عليه الأول عشان تتأكد من حالته ولو حالته كويسة يبقى مفيش مشاكل في تغيير الزيت ويفضل يكون شيل

**Khalid Shalabi** · 01-09-2008 03:48 PM

يعني ايه الكيك داون مرخي مش مشدود؟

كل سنة وانت طيب

**S H @ F T** · 01-09-2008 03:52 PM

في حاجة اسمها كايل الكيك داون وده اللي بيحدد ميعاد النقلة ما بين تأخير وتقديم
وهو بيكون على البوابة قدام كابل الأكسراتير
دوس عليه بايدك لو كان مشدود جامد يبقى هو السبب

**Khalid Shalabi** · 01-09-2008 04:04 PM

في ميكانيكي في بورسعيد قاللي لو تحب اخليلك النقلات ناعمة جدا مفيش مشكلة بس العربية هتكون مخنوقة

طب لو افترضنا ان الكابل دا كان السبب و ان الفتيس حالتة كويسة مش النفروض كدا كدا اغير زيت الفتيس كنوع من الصيانة الدورية العادية؟

**Adham** · 04-09-2008 06:24 PM

زيت الفتيس لو بقالة كتير ماغيرتوش يبقى تغيرة

بالكتير 40 الف كيلو و يفضل 30

بس لو فعلا الكلاتشات مفوتة و غيرت زيت ممكن الفتيس يخلص منك

**Khalid Shalabi** · 06-09-2008 11:43 AM

Adham طب ممكن انا اعرف او احس بحالة الكلاتشات دي في المشي العادي ولا لازم ميكانيكي يكشف عليها - ليها اعراض يعني؟

**Adham** · 06-09-2008 04:04 PM

العرض السهل و الباين قوى و هو عندك بالفعل

انك لما تقرص قوي على اي غيار تلاقي في اخر الغيار (لما الار بي ام يعلى عن 4000 مثلا) العربية مابتسحبش

بتنعر زي مابيقولوا

الار بي ام يعلا بس السرعه زي ما هيه

دة بيبقى تفويت كلاتشات (بتفوت), زي العربية اللي جايبة اسطوانة بالضبط

خد عينة من زيت الفتيس حاتلاقي الزيت ميلان بودرة سوداء و مش احمر