الموضوع: سؤال لخبراء الهوندا عن الأصوات التحذيرية

السلام عليكم يا أحلى شباب
عندى سؤال صغنن كدة على الماشى عن حاجة بسيطة حصلت عندى فى العربية .
يوم الجمعة اللى فاتت كنت بظبط حبة حاجات كدة بسيطة فى العربية بنفسى (تنضيف فلتلا الهواء بالبلاور ، تغيير لمبة الأشارة اللى فى اكصدام العربية اللى طلعت معلقة مش بايظة ، تثبيت القربة فى مكانها لانها بدأت تسيب من مكانها ، قياس الزيت والكشف عليه ، الكشف على علبة الفيوزات لانى كنت شاكك ان فيوز التكييف باظ لانه مبقاش يلقط )
المهم بعد ما خلصت الحاجات دى كلها قفلت العربية وطلعت ... ومركبتش العربية من ساعتها لحد النهاردة ... ولما جيت النهاردة احط المفتاح فى الكونتاكت ولفيته نص لفة مالقتشى الصوت التحذيرى بتاع حزام الأمان والأبواب شغال ... هى الليدات الحمراء منورة عادى بتاعت كل حاجة عادى برضوا .... لاكن الصوت اللى كان بيدنه شغال شوية لحد ما يفصل لوحده مبقاش موجود مش عارف ليه ..؟
يا ترى لما كنت بفك الفيوزات علشان اكشف عليها هى السبب ولا ممكن تكون حاجة تانية .
معلشى انا عارف انها مشكلة تافهة وماتستاهلشى موضوع علشانها .... بس انا بحب اعرف كل حاجة ايه سببها برضوا ... ولعلنا كلنا نستفيد .
وعذراً للأطالة .