الموضوع: تقليب النور للتحذير من الردار و اللجان - غلط ؟؟؟

يا سيدي الفاضل
عندما يكون القائمين علي الأمر ناس تعرف ربنا و تتقي ربنا في استخدامها لسلطاتها يبقي نساعدها لكن الرشاوي لأمناء الشرطة و طبعا لضباطهم, و المحسوبية و التنطيط علي البشر و الاساءة للناس و العدائية و كل الأرف ده لما يكون هو أساس المرور و رجاله الشرفاء الأفاضل!!! يبقي لازم طبعا نساعد بعض أمامهم و نتقي شرهم.

و عجبي................

غلط اعتماد الناس على السلوك ده واستمرارهم بعدها فى الجرى والسرعات الجنونيه

المشاركة الأصلية كتبت بواسطة mhDeeb

لازم يكون هناك نظام جيد داخل ادارة المرو ر بمعنى انه لو تم سحب الرخصة عند سحب الرخصة يفيدنى سيادة الظابط باننى اين ساجد الرخصة وفي اي مكان ومع من ويوم اية ساجدها في المكان المحدد والغرامة التى ساتحملها كام بالتحديد .

مش تكون الغرامة عند الرادار من مبلغ 100 جنية حتى 500 جنية حسب مزاج البيه وممكن تكون الغرامة فورية بمبلغ معروف وتنهى المشكلة وهذا ارحم .

كمان اما يوقفنى الكمين ويوقف غيرى ويعدى عربية شرطة ويعدى ابن فلان علشان الافندى اتكلم على الموبيل وقاله كلم سعت البيه ....... ويقولوا اتفضل يا سعت الباشا

كمان يكون يوجد سرعة محددة ومعلومة وعادلة متماشية مع الطريق لان حرام ان يكون طريق مثل طريق محور 26 يوليو (3 حارات ) واقصى سرعة 80 كيلو . ويجب ان تكون الشواع جيدة وبدون مطبات امال هما بياخدونا مخالفات ليه .

ويبقى ان اقول انه حلال المخالفات والرادار في سائقى الميكروباس المتهوريييييييين الذين تزيد سرعتهم عن 140 كيلو على المحور الى هو اقصى سرعة 80 دول ممكن الواحد خسارة فيهم الرعاش وشكرا

اساسا يسحب الرخصة ليه ما كل العالم حتى دول الخليج بيديك ورقة انك اتعملك مخالفة في يوم كذا ساعة كذا ويديك الرخصة وتتكل على الله وبكدة ما تتبهدلش ورا الرخصة وما يحصلش الزحمة اللي بنشوفها في المرور

المشاركة الأصلية كتبت بواسطة h_hezzah

لأن فيه ناس كتير مش فارق معاهم مبلغ المخالفة قوى. بالتالى بتوع المرور بيعتمدوا على ان العقاب يكون هو البهدلة فى البحث عن الرخصة المسحوبة ومش الغرامة نفسها.

طب وهوه اللي مش فارق معاه الفلوس هيحتار انه يلاقي واسطة تجيبلة الرخصة وهوة قاعد في مكتب الباشا بيشرب الشاي؟
طب ما هنا في السعودية الناس اللي مش فارقة معاها الفلوس اكتر من مصر ومع ذلك مافيش بهدلة دا انت حتى بتدفح المخافات في البنك مش بتروح المرور خالص
الموضوع موضوع احترام وتقدير للمواطن ليس الا

قبل ما المرور يسحب الرخص علشان السرعة لازم الشوارع تتنور وتتصلح المطبات اللى فيها وتتخطط علشان تمشى فيها صح
لازم اخذ حقى علشان التزم و ادى الحكومة حقها