تقليب النور للتحذير من الردار و اللجان - غلط ؟؟؟

**Khalid_Mostafa** · 23-03-2008 09:07 AM

المشاركة الأصلية كتبت بواسطة Goodle

يا باشا أول حاجة أنا لايمكن أقوم بإيواء حرامي في بيتي.. عيب الكلام ده يا صديقي.

لو سمحت متركبنيش العيب بالعافيه ده كان مثال جدلي لا ينطبق عليك ...الأصل في الموضوع عدم تصيد الكلام ..ومتزعلش يا سيدي ...نصيغ الكلام بطريقة تانيه عشان متزعلش ولو ان مش هو ده موضوعنا .....
"ده تحايل علي القانون (عرقله)...زي ما اخلي حرامي يهرب من الشرطه عن طريق ايواءه في بيتي..مينفعش اقول "فين خرق القانون في إستخدام بيتي""

المشاركة الأصلية كتبت بواسطة Goodle

تاني حاجة حصل في بريطانيا (على ما أظن) الموقف ده والمحكمة ما قدرتش تحكم على السائق بأي مخالفة لاستخدامه نور عربيته..

إشمعني دلوقتي بتستشهد بكلام القانون !! طيب ماهو في بريطانيا الناس بتحترم المرور و السرعات القانونية ليه متستشهدش منهم في كل حاجه ولا احنا ننقل منهم الوحش بس

**Goodle** · 24-03-2008 01:24 PM

المشاركة الأصلية كتبت بواسطة Khalid_Mostafa

إشمعني دلوقتي بتستشهد بكلام القانون !! طيب ماهو في بريطانيا الناس بتحترم المرور و السرعات القانونية ليه متستشهدش منهم في كل حاجه ولا احنا ننقل منهم الوحش بس

أول حاجة بأشكرك على ردك واعتذارك.. مفيش اعتذار بين الأصدقاء.

تاني حاجة انا باستشهد بواقعة بريطانيا عشان هناك القانون ماشي على الجميع.. ومفيش هناك أمين عاوز عشرة جنيه ولا فيه ظابط عاوز يشحن بكارت موبايل.. عرفت ليه باستشهد بالقانون في في واقعة بريطانيا؟؟ :)

**Dr_Mido** · 24-03-2008 04:28 PM

ثم بعيدا عن النقاش دة كله اجماع بنسبه 83.33% انه صح
يبقى اى مناقشه مش مجديه لان دة زى متقول بقى شبه التار بين السواقين وبين الحكومه
ياراجل عربيه مرسيدس 2008 الجديدة بتقلب نور على الطريق امبارح بالليل

**Khalid_Mostafa** · 25-03-2008 08:26 AM

المشاركة الأصلية كتبت بواسطة Dr_Mido

ثم بعيدا عن النقاش دة كله اجماع بنسبه 83.33% انه صح
يبقى اى مناقشه مش مجديه لان دة زى متقول بقى شبه التار بين السواقين وبين الحكومه
ياراجل عربيه مرسيدس 2008 الجديدة بتقلب نور على الطريق امبارح بالليل

مهو عشان النسبه الي انتا بتتكلم عنها دي احنا حلنا بقي كده..خلي بالك المناقشه دي مش عشان الرادارات وبس ، انت تقدر تسقط النسبه دي علي كل سلوك خاطئ في حياتنا وحتلاقي برضه النسبه كده ..
ثم انا عايز اعرف ايه علاقة مرسيدس 2008 بالموضوع ..؟؟ هو العربيه بتعمل كده لوحدها ولا اللي راكب فيها هو الي بيعمل كده
مفيش حاجه اسمها تعالج حاجه غلط بغلط تاني
ولما احنا كسواقين ملاكي اغلبنا متعلم ودماغه كويسه رأينا كده، امال سيبنا ايه بقي لسواقين النقل و الميكروباص و السرفيس ؟؟؟بعد كده منقدرش ننتقدهم عشان هما عندهم مبررتهم برضه الي بالنسبلهم علي الأقل مقنعة

**Khalid_Mostafa** · 25-03-2008 08:40 AM

المشاركة الأصلية كتبت بواسطة Khalid_Mostafa

مهو عشان النسبه الي انتا بتتكلم عنها دي احنا حلنا بقي كده..خلي بالك المناقشه دي مش عشان الرادارات وبس ، انت تقدر تسقط النسبه دي علي كل سلوك خاطئ في حياتنا وحتلاقي برضه النسبه كده ..
ثم انا عايز اعرف ايه علاقة مرسيدس 2008 بالموضوع ..؟؟ هو العربيه بتعمل كده لوحدها ولا اللي راكب فيها هو الي بيعمل كده
مفيش حاجه اسمها تعالج حاجه غلط بغلط تاني
ولما احنا كسواقين ملاكي اغلبنا متعلم ودماغه كويسه رأينا كده، امال سيبنا ايه بقي لسواقين النقل و الميكروباص و السرفيس ؟؟؟بعد كده منقدرش ننتقدهم عشان هما عندهم مبررتهم برضه الي بالنسبلهم علي الأقل مقنعة

معلش احب اضيف ان مش عايز حد يأخد كلامي ده علي محمل الإساءه إحنا إخوات والمنتديات المفروض ان فايدتها بجانب نشر المعرفة و المعلومات كمان المفروض يكون ليها رسالة في تصحيح الأفكار و المفاهيم سواء كده ولا كده

**mohamed hatem** · 25-03-2008 11:52 PM

اللي يقول غلط ... ده طبعا انسان سوي ...
بس اكيد هيفضل سوي لغاية ما يروح يخلص رخصته من المرور و بنفسه او حتى يدخل يخلص منه اي ورق
وبعد ما يخرج يبقى يقابلني على الصحراوي قبل الرادار في المعاكس وادي دقني اهه......

**Khalid_Mostafa** · 26-03-2008 08:43 AM

المشاركة الأصلية كتبت بواسطة mohamed hatem

اللي يقول غلط ... ده طبعا انسان سوي ...
بس اكيد هيفضل سوي لغاية ما يروح يخلص رخصته من المرور و بنفسه او حتى يدخل يخلص منه اي ورق
وبعد ما يخرج يبقى يقابلني على الصحراوي قبل الرادار في المعاكس وادي دقني اهه......

بتحصل و الله بس مش كتير عشان انا مش مدمن سرعه

**Dr_Mido** · 26-03-2008 08:52 AM

لا ياباشا كلنا اخوات طبعا محدش يزعل من حد ودى مناقشه محترمه
والفكرة من العربيه اللى حطيت مثالها انه على مختلف المستويات فى شبه اجملع بين اللى راكب 128 واللى ركاب احدث موديل ان فى موامرة معملوه من لجان الرادار ودة اللى مخلى ان فى اجماع كامل عل انه صح

:dوعلى راى الاخ اللى بيقلك اما تروح المرورو تلاقى عليك 10000 جنيه مخالفات رادار و ووقوف فى الممنوع ومخالفقات سير عكس الاتجاة فى محافظات انت عمرك معرفت مكانها على الخريطه فين ابقى ارجع وقلى رائيك ايه فى تقليب النور مش بعيد الاقيك مركب اربعه سبوت فوق السقف تقلب بيهم نور

ثم ياباشا موضوع العربيه دة برضه بيدل عى ان مختلف المستويات الماديه والفكريه رائيهم انه صح تقليب النور

معلش اتاخرت فى الرد عليك

**peranha** · 30-03-2008 08:23 AM

شوف انا صوت غلط ولكن ليه تعليق ..انا باشوف ناس بتسوق بسرعه واسلوب مستفز وساعتها بادعي ان يقفشهم الرادار ولما باشوفهم واقفين ممسوكين باكون سعيد ... من ناحيه اخري فيه طرق زي وصلة العلمين مثلا القياده فيها علي 120 يعتبر معقول نظرا لطول الوصله والملل اللي فيها .. وعموما بلد زي المانيا مفيهاش سرعه قصوي وكل واحد يسوق علي كيفه بس الكل عارف القواعد الصحيحه والطرق سليمه بلا مفاجئات.

**MM_Mohsen** · 30-03-2008 03:09 PM

القانون لازم يحترم .. اه صح لكن كمان المفروض اللى بيحطوا مواد القانون يكونوا ناس على مستوى عالى من العلم و الثقافة و فهم لكل جوانب موضوع القانون و يتم عن دراسة متعمقة مش اى كلام او نقل قوانين من دول اخرى ظروفها مختلفة او وضع قوانين بالمقاس لناس معينة ..

رجل القانون يجب احترامه .. اه صح لكن الرجل الذى يقوم بتنفيذ القانون لازم يكون متعلم فاهم صح القانون و فاهم كيفية التعامل مع الناس و لازم اساسا يكون انسان شريف و محترم ..ازاى حد يحترم رجل المرور اذا كان معروف انهم بيقبضوا من جنيه او خمسه او عشرين حسب الرتبة و المخالفة و اذا كان الصول الصغير معروف بيورد للملازم او العميد ؟؟ ... ازاى نحترم ناس عاملة فردة و مرتشين ؟

السرعة القصوى لازم تحترم .. اه صح بس لازم تكون معمولة بناء على دراسة و السرعة اللى تنفع فى طريق ممكن تختلف طريق تانى ..

الالتزام بالقانون لازم يحترم .. اه صح لكن هل يعرف معظم السائقين اصلا قواعدالمرور و القانون ليلتزموا به ؟؟ .. و الادهى ان فيه نسبة امية و جهل بالقراءة عالية - كام مليون - ازاى الناس دية تعرف تقرأ اللوحات الارشادية على الطريق ؟! .. و هل يتم تدريس قواعد المرور و التعريف بمواد القانون قبل منح الرخصة ؟ بل هل يعرف كل الناس القيادة السليمة قبل الحصول على الرخصة و الا بيخدوها بواسطة المعارف او برشوة ؟

و الاعجب ان انه لا يتم اعطاء صورة الردار و كثير من المخالفات - و انا متأكد من هذه المعلومة - غير حقيقة و تتم عشوائى وفى ناس بتاخد مخالفات ظلم فعلا و ناس بتسوق بتهور و تعدى من الكمين حتى من غير رشوة .

صحيح نظريا تنبيه المخالفين غير اخلاقى لكن لو ادى ذلك للسواقة من غير صربعة و تهور و لو 2 او 3 كيلو .. اهى فايدة و السلام ..

العملية متكاملة بدأ من وضع القانون للقائمين على تنفيذه و الناس اللى بتسوق و مجتمع ثقافته التسيب و عدم الانضباط و الفوضى و اللى بيعرف يتحايل على القانون بيعتبروه واد فتك !!

مشاهدة نتائج الإستطلاع: رأيك ببساطة في تقليب النور للتحذير من اللجان

الموضوع: تقليب النور للتحذير من الردار و اللجان - غلط ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الردار

رعشه فى النور ع السلانسيه ولما ادوس بنزين بتثبت وقوة النور تزيد

هل النور الواطي ينور مع النور العالي؟

الكلمات الدلالية لهذا الموضوع

المفضلات

المفضلات

ضوابط المشاركة