شئ غير منطقي

**Mzeid** · 07-08-2010 03:31 AM

حال البلد دلوقتي بقى عامل زي فيلم 2012 اللي معاه فلوس يدفع بالمليارات هيطلع الفضاء و الباقي يموت

**pro_samir** · 07-08-2010 04:24 AM

في موقف صغير حصل قدامي انهارده لكن هو نموذج مصغر للي بيحصل في البلد

كنت بتمشي مع واحد صاحبي وبعدين عدينا علي مقله في ميدان علشان نشتري لب و قاعد جنبها بكام متر أمين شرطة وعسكري تقريبا المفروض انهم حراسه يعني ،، لفت نظري ان الأرض قدامهم مليانه قشر لب قلت عادي يعني بيتسلو زي الناس وبعد شوية وانا واقف و الراجل بتاع المقله مش واخد باله لاقيت أمين الشرطه جه من جنب كده مد إيده وخد شويه لب ! انا استغربت وببصله كده استظرف وبيغمزلي !

الصغيرين بيسرقو شوية لب

والكبار ؟ طبعا لازم النهيبه تكون من مقامهم

**wahba87** · 07-08-2010 09:54 AM

شكل الفيلم السخيف ده نهايته هتكون ثورة شعبية او انقلاب عسكرى

ما هو اكيد مش هنستحمل كتير و اكيد صبرنا له اخر !!

**Eng. Rafy Samy** · 07-08-2010 10:13 AM

دي اسمها سياسة الإلهاء ... والترهيب
والموضوع اكبر من انه يتناقش هنا لان النتيجة مش وقف عضوية لأ دي حتبقى أمن دولة طوارئ...
فإما تغمض عينك وتخاف على ولادك وتربيهم
وإلا.... ولا بلاش

ربنا قادر يخرجنا من المحنة دي على خير .. ودوام الحال من المحال.

تقبل تحياتي

**medo_2060** · 07-08-2010 11:22 AM

الحكومه والشعب المصرى... فى مكان واحد... ايس كريم بالعسليه.. خلطه مش منطقيه.. من حسنيكا

**kok200** · 07-08-2010 11:28 AM

المشاركة الأصلية كتبت بواسطة wahba87

شكل الفيلم السخيف ده نهايته هتكون ثورة شعبية او انقلاب عسكرى

ما هو اكيد مش هنستحمل كتير و اكيد صبرنا له اخر !!

هنا مربط الفرس

ثورة شعبية = امن مركزي يديهم علي دماغهم

انقلاب عسكري استحالة لأن ظباط الشرطة بياخدو افضل المميزات (في مميزات اكتر من انك تدوس علي الناس ) ظباط الجيش بياخدو مميزات ممتازة شقق بأسعار مميزة .. عربيات بأسعار مميزة وحاجات كتير

فا الجيش + الحكومة سمن علي عسل

والشعب ربنا معاة

**Abo_Lina** · 07-08-2010 12:47 PM

المشاركة الأصلية كتبت بواسطة kok200

هنا مربط الفرس

ثورة شعبية = امن مركزي يديهم علي دماغهم

انقلاب عسكري استحالة لأن ظباط الشرطة بياخدو افضل المميزات (في مميزات اكتر من انك تدوس علي الناس ) ظباط الجيش بياخدو مميزات ممتازة شقق بأسعار مميزة .. عربيات بأسعار مميزة وحاجات كتير

فا الجيش + الحكومة سمن علي عسل

والشعب ربنا معاة

كلام صحيح
بالذمة كتير من الناس اللي في الشارع دي عندها وعي إنها تطالب بأبسط حقوقها حتى ..
ده غير الأميين و المدمنيين و البسطاء اللي راضيين تمام الرضا و مش بيطمحوا لحاجة أساسا و إنخفض سقف طموحهم و بقى أقصى طموحهم الحصول على ما يكفيهم من العيش المدعم ..
ده الواقع من غير طبطبة

**kono** · 07-08-2010 03:27 PM

طب انت ليه مفكرتش ان ده ممكن يكون كله بتخطيط
يعنى اللى بيحصلنا الوقت مخلينا مش طايقين الدنيا ونفسنا فى اى تغير
والتغير مرسوم
ويجى حد يقول انا هظبطلكو الدنيا كلها
نمشى وراه ويطلع الع واضل سبيلا
انا حاسس اننا فى مسلسل من بتوع رمضان دول اللى المفروض مش معرفك ايه نهايته بس انت بتفهمها من اول لقطة فى المسلسل

**Donzi** · 07-08-2010 06:50 PM

المشاركة الأصلية كتبت بواسطة wahba87

شكل الفيلم السخيف ده نهايته هتكون ثورة شعبية او انقلاب عسكرى

ما هو اكيد مش هنستحمل كتير و اكيد صبرنا له اخر !!

ماعتقدش

لان الغريب جدا جدا في الموضوع هو استسلام الشعب المصري بشكل تاااااااااام لكل اللي بيتعمل فيه

زمان لما رغيف العيش تمنه زاد قرش ساغ الشعب كله عمل مظاهرات و ثورة ولحد ما السعر رجع تاني زي الاول بقرار جمهوري

لكن دلوقتي كل الناس مابيعملوش اي حاجة غير انهم يتكلمو بعض شوية و يضايقو شويتين و يندبو حظهم و بس
و مفيش اي رد فعل عملي من اي حد على امتصاص الدماء اللي بتمارسه الحكومة على الشعب

و دي حاجة غريبة و عجيبة جدا جدا ... ايه اللي وصل الناس للحالة دي و اللامبالاة الفظيعة دي

اعتقد ان سيكولوجية الشعب المصري محتاجة دراسة عشان نفهم الناس حصلها ايه ؟؟

.

الموضوع: شئ غير منطقي

LinkBack

أدوات الموضوع

عرض

-

-

-

-

-

-

-

المواضيع المتشابهه

هل تتوقع ان تقاضي شركة تويوتا بخصوص الكورلا Mmt منطقي

هاتجنن... مستحيل وغير منطقي !

الكلمات الدلالية لهذا الموضوع

المفضلات

المفضلات

ضوابط المشاركة