تجربة زيت فيسكو مع بروتون واجا (كامبرو)

**Old_Fox** · 06-12-2010 11:52 PM

مع إحترامى لرأى حضراتكم عن زيت فيسكو ده
بس خدوا منى رأيى ده بمنتهى الأمانة وعن تجربة ده فاشل فاشل لأبعد الحدود أويمكن الموجود فى مصر بس والله أعلم
أولا الزيت ال 5000 ده خفيف جدا وبيتبخر بسرعة عالية جدا لأن الجالون صفى منه لتر واحد بس وأنا باغيره أول امبارح
وكمان صوت العربية كان عالى جدا ولما غيرت بزيت 5000 من ماركة معروفة ومش حاذكر النوع علشان محدش يفتكر انى بعمل له دعاية أو أكون من شركة منافسة ولا حاجة
الأمر اختلف تماما والموتور بقى صوته فلة الفلل وكل سنة وانتم طيبين

**Eng. Rafy Samy** · 22-12-2010 10:46 AM

تم وضع زيت فيسكو 3000 في صيانة الـ20000
بعد استخدام 1200 كم احب اقول
1- الزيت ممتاز ومتوافق جداُ جداُ جداُ مع موتور الكامبرو
2- تحسن في الصوت بصورة كبيرة جداُ اكتر من الشيل الاصفر بكتير
3- سحب العربية اتغيير تماماً بقت حاجة تانية بصراحة ( انا مبسوط جداُ من اداء الموتور دلوقتي )
4- وقت اقل في تسخين العربية ( انا من المدرسة القديمة بتاعت سخن العربية قبل ما تتحرك )
5- الموتور اهدى في اداءة - يعني العربية مبقتش بتعمل اهتزاز بسيط وهي وقفة - بعكس ما كان

شكراُ لكل الاصدقاء اللي نصحوا باستخدامة وإن شاء الله اثبت عليه

تقبلوا تحياتي