التسخين مفيد ام مضر

**mohamedassy** · 07-08-2010 07:04 AM

السادة الزملاء الكرام
بصراحة انا تعبت من الموضوع دة .... تسخين العربية
ناس كتير و المفروض متخصصين بتقول لازم تسخن العربية(مهندسين الصيانة) و ناس اكتر بتقولك كان زمان قديم قوى الموضوع دة
سمعت كمان انك لو سخنت الموتور غلط على العربية......... هنا لابد من وقفة..
فيبقى التسخين مفيد ام مضر ؟؟؟؟؟؟؟؟؟؟؟؟؟؟؟؟؟؟

**ibrahimsaad** · 07-08-2010 08:38 AM

التسخين مفيد جدا للعربيات القديمه التى تعمل بنظام الكربراتير وذلك حتى يتم تسخين الزيت ويستطيع الوصول لجميع اجزاء السياره وعدم التسخين هنا يؤدى على المدى البعيد الى قله كفائه الموتور ويمكنك اجراء التسخين لمده من 3-5 دقائق وطبعا يختلف وقت التسخين حسب درجه الحراره صيفا او شتاء ففى الشتاء يستلزم فتره تسخين اطول عكس الصيف اما ان كانت السياره سخنه اصلا نتيجه مشوار سابق فيمكن السير مباشره بدون تشسخين

اما فى حاله السيارات الحديث والتى تعمل بنظام الحقن الانجكشن فانه يكفى ان تقوم بتشغيلها والانتظار ثوانى معدوده لانها معده لعمل تسخين ذاتى

**alihussien2** · 07-08-2010 12:50 PM

كلام الاخ ابراهيم سعد مضبوط يكتفي في السيارات الحديثة(انجكشن) مجرد دقيقتين فقط صيفا وشتاءا ... والله الموفق

**hema1975** · 07-08-2010 03:55 PM

ولا حتى دقيقتين لو سخنت 30 ثانيه كفايه جدا و لو مسخنتش مفيش مشاكل بردوا بس هتحس ان سحب العربية ضعيف فى اول الحركة و اول ما العربية تسخن هتلاقى السحب بقى طبيعى

الماتريكس ماشيه فوق ال 92,000 كم بدون تسخين صيف او شتاء و نادرا لو سيبتها كام ثانيه قبل التحرك

اصلا فى الكتالوج بيوصوا انك متسخنش اكتر من 30 ثانيه

التسخين فعلا كان للعربيات القديمة بنظام الكربراتير

علشان فى الكربراتير البنزين بيتبخر عن طريق الهواء المار فى الكربراتير يعنى الهواء لازم يكون سخن شويه علشان يقدر يبخر البنزين و يكون خليط قابل للاشتعال... بالتالى انت بتسخن علشان حوض الموتور يسخن و الهواء الداخل للكربراتير يسخن

اما فى الانجكشن انت بتحقن البنزين فى الهواء عند صمام الدخول

اعرف واحد معاه النترا 2006 بيسخن عربيته يوميا 5 دقايق و عربيته يا دوب عامله 41,000 كم و المكنة حالتها زى الزفت مقارنة بعربيتى اللى عدت ال 90,000 كم بدون مشاكل الحمد لله

و نصيحه منى متسمعش للى بيقولوا عليهم مهندسين دول و هما ميعرفوش اصلا مواصفات العربيات ولا اى حاجه فنيا

**M.Osman** · 07-08-2010 06:40 PM

دقيقتين بالكتير و ابدأ اتحرك (بالنسبة للعربيات الحديثة)

**hema1975** · 07-08-2010 08:07 PM

المشاركة الأصلية كتبت بواسطة m.osman

دقيقتين بالكتير و ابدأ اتحرك (بالنسبة للعربيات الحديثة)

افتح كتالوج عربيتك و قولى فين الدقيقتين؟

**fawzyyyy** · 08-08-2010 03:28 AM

كل العربيات الجديدة مفهاش موضوع التسخين
حضرتك اول ما تشغل العربية و تلاقي لمض التابلوه و لمبة ال check طفت يبقي حضرتك جاهز للانطلاق

**mohamedassy** · 08-08-2010 03:59 AM

يا جماعة انا فتحت الكاتلوج بتاع العربية و لقتهم فعلن ناصحين بعدم التسخين
بس علشان الفايدة تكمل بقى عاوزين نعرف لو فى ضرر للعربية اية هو الضرر للاستفادة

**m_zizo620** · 08-08-2010 11:20 AM

بص الكتالوج كاتب كدة بالنص 10 ثواني و اتحرك و متسخنش دة بالنسبة للالنترا

**hema1975** · 08-08-2010 06:34 PM

المشاركة الأصلية كتبت بواسطة m_zizo620

بص الكتالوج كاتب كدة بالنص 10 ثواني و اتحرك و متسخنش دة بالنسبة للالنترا

و الماتريكس مكتوب 30 ثانيه كحد اقصى لو احتاجت تسخن

و كذلك ال i10

الموضوع: التسخين مفيد ام مضر

LinkBack

أدوات الموضوع

عرض

-

-

المواضيع المتشابهه

رجرجة عند التسخين

ما هى فترة التسخين

فوائد التسخين

التسخين ... التسخين ... التسخين

التسخين فى الصباح

الكلمات الدلالية لهذا الموضوع

المفضلات

المفضلات

ضوابط المشاركة