الموضوع: وحوش اللوجان فقط و البقية يمتنعون

المشاركة الأصلية كتبت بواسطة mostgood

شكرا ليكم جميعا
بيشوي شكرا جزيلا بس انا جربت العربية امبارح الحمد لله مع واحد صاحبي و كان انطباعي الأتي

1- صوت متور عالي شويتين تلاتة
2- دوسات خفبفة يعنى من اقل دوسة على الدوسة بتسمع عكس عربيتي الحالية + رعشة فى الدواسة مستفزة
3- عفشة ممتــــــــــــــــــــــ ـــــــــــــــــــــــــ ـــــــــــــــازة راكب مرسيديس يعني
4-جير بوكس ممتاز وناعم (بس صاحبي قالى مشفتوش فى الأول كان بيعض في المرشيدر وراح عملهم فرح في التوكيل و بكل زوق قابلوه وغيرولو الجير بوكس بالكامل ودة توكيل العامرية اسكندرية) وبالتالي وصلت لرقم 5
5- توكيل ممتاز
6- باور تقيل شويتين او بمعنى تانى مفيش باور ودة رأي الخاص صاحبي مبسوط منة بس هو مركبش عربيات قبل كدة
7- وضعية سواقة غريبة شوية بس اكيد بالممارسة حتعود
8-العربية مخنوقة نقلتها ديقة اوي بس لحد التالت مع انها مشية 11000 كم
9-فى زوية ميتة في الخلف ومزعجة في الركن وبالتالي محتاجة سنسور اكيد
10- صاج الرفارف الخلفي ورق بسكوت
اخيرا العربية لا تقارن من وجهة نظري بالانوس ولا الفيرنا وبصراحة اسهمها زادت بالنسبالى بالمقارنة بالبونتو وان كانت البونتو كشكل افضل بكتير من اللوجان ودي المعادلة الصعبة
انا حستخير واتوكل على الله
ياريت لوحد عندو اي مدخلة يتفضل ويفدني ........* شكرا مرة تانية للوحوش ........*

اولا لا شكر على واجب واى حاجة تحتجها انا تحت امرك
ندخل فى النقط اللى مكتوبة بقى
1. مختلفناش بالنسبالى لا يعنى شئ عشان كده قلتلك لازم تجربها بنفسك
2.بالنسبالى ديه ميزه مش عين انا شايفها كده ومع التعود هيثبتلك كلامى
3. تمام
4. تمام واعتقد انهم ركبوله بريك وهوه افتكر انهم غيرولوا الجير بوكس
5. جميل
6. متفق معاك انه تقيل بس مش لدرجة ان مفيش بور وعمتا مع اى سرعة هيعجبك قوى هتحس ان العربية ماسكه نفسها بزيادة ( ميزه وعيب فى نفس الوقت )
7. انته ممكن تغيرها ( ممكن تعلى وتوطى الكرسى ونفس الموضوع فى عجلة القياده ) فوضعية القيادة هتتغير معاك ( الكلام ده على الفول اوبشن )
8. نقلتها ديقه ماشى مخنوقة اختلف معاك
9. معاك
10. معاك

مبروك مقدما وكده انته تقدر تاخد القرار وانته مطمن